| e-texts navigator |
| Wylie |
162a1 བྱང་ཆུབ་ཤིང་དག་སྤྲུལ་ནས་སུ། །དེའི་དྲུང་སེང་གེའི་ཁྲི་བཤམས་ལ། །སྟོང་ཕྲག་བྱེ་བ་ཉི་ཤུ་ལྔ། །དེ་རྣམས་ལ་ནི་འཁོད་གྱུར་པ། །ལོ་ནི་བྱེ་བ་གྲངས་སྙེད་པར། །བགྲང་བ་དག་ཏུ་མི་ཆོད་པའི། །བྱང་ཆུབ་སེམས་དཔའ་ཐམས་ཅད
162a2 ནི། །བྱེ་བ་བརྒྱ་ཕྲག་ལྷགས་པར་གྱུར། །ཤར་གྱི་ཕྱོགས་ནས་བཟུང་ནས་སུ། །ལྷོ་ཕྱོགས་ནུབ་ཕྱོགས་བྱང་ཕྱོགས་དང་། །འོག་དང་སྟེང་དང་དེ་བཞིན་དུ། །ཕྱོགས་དག་གི་ཡང་མཚམས་ནས་ལྷགས། །ཇི་ཙམ་མིག་གིས་མཐོང་བའི་བར། །
162a3 དེ་སྲིད་འཇིག་རྟེན་ཁམས་རྣམས་སུ། །སྐྱོབ་པ་འཇིག་རྟེན་མགོན་པོ་ཡི། །གསེར་གྱི་མདོག་འདྲའི་འོད་ཀྱིས་གང་། །སྟོན་པ་གང་ན་བཞུགས་པ་དང་། །ཆོས་ནི་གང་ན་འབར་བ་དེར། །འཇིག་རྟེན་ཁམས་ནི་ཐམས་ཅད་ནས། །བྱང་ཆུབ་སེམས
162a4 དཔའ་ཉེ་བར་ལྷགས། །དེ་ལྟར་མཐའ་ཡས་དཔག་ཏུ་མེད། །བསམ་གྱིས་མི་ཁྱབ་མཆོད་པ་ནི། །རིན་ཆེན་དྲ་བ་ལི་ཚ་བི། །གཞོན་ནུ་དེ་ཡི་ཚེ་ན་བྱས། །དེ་ནས་བདག་ཉིད་ཆེན་པོ་པ། །ལྷ་དང་ཀླུ་དང་མི་རྣམས་ཀྱིས། །མདུན་དུ་མི་མཆོག
162a5 ཤཱཀྱའི། །སེང་གེས་དབུགས་ནི་འབྱིན་པར་མཛད། །ང་ཡི་མདུན་དུ་འདུག་ནས་སུ། །ཁྱོད་ཀྱིས་འདི་འདྲའི་མཆོད་བྱས་པ། །གང་གཱའི་བྱེ་མ་ཇི་སྙེད་པ། །དེ་སྙེད་མཆོད་པ་དག་གིས་མཆོད། །རིན་ཆེན་དྲ་བ་ཅན་གྱི་ཕྱིར། །མདོ་སྡེ
162a6 བཤད་པ་སུས་རིག་པ། །བྱང་ཆུབ་ལས་ནི་མི་ལྡོག་སྟེ། །སངས་རྒྱས་སྨྲ་བའི་མཆོག་ཏུ་འགྱུར། །གང་ཞིག་མདོ་སྡེ་འདི་འཛིན་པའི། །བསོད་ནམས་ཕུང་པོའི་ཚད་དག་ནི། །འདི་སྙེད་སོགས་པར་འགྱུར་རོ་ཞེས། །དེ་ལྟར་བཤད་པར་མི
162a7 ནུས་སོ། །ཕྱོགས་བཅུའི་འཇིག་རྟེན་ས་དང་ཆུ། །མེ་དང་རླུང་གི་ཚད་དག་ནི། །འདི་ཙམ་ཞེས་ནི་བཤད་པར་ནུས། །བསོད་ནམས་ཕུང་པོ་བཤད་མི་ནུས། །དགེ་སློང་ངམ་ནི་དགེ་སློང་མ། །དགེ་བསྙེན་འམ་ནི་དགེ་བསྙེན་མ། །གང་གིས་མདོ་སྡེ
162a8 འདི་ཐོས་ནས། །ལྷ་དང་ཀླུ་དང་ལྟོ་འཕྱེ་ཆེ། །སེམས་ཅན་ཐམས་ཅད་ཉེར་ལྷགས་པས། །དེ་ཡི་གཟི་བརྗིད་མི་བཟོད་དེ། །མེ་ནི་བསིལ་བར་འགྱུར་སྲིད་ཀྱི། །དེ་ཡི་གཟི་བརྗིད་ཉམས་པ་མེད། །མདོ་སྡེ་འདི་ནི་གང་འཛིན་པ། །བྱང་ཆུབ
iiif viewer powered by OpenSeadragon
