| e-texts navigator |
| Wylie |
161b1 རྫོགས་སངས་རྒྱས་ལ་འཐོར་བར་བྱེད། །བརྒྱ་བྱིན་བྱེ་བ་ཕྲག་སྟོང་དག་།མཁའ་ལ་གནས་ནས་འཛམ་བུའི། །ཆུ་བོའི་གསེར་ཕྱེ་མང་པོ་ཡིས། །དེ་བཞིན་གཤེགས་ལ་འཐོར་བར་བྱེད། །ཚངས་པ་བྱེ་བ་ཉེར་ལྷག་ནས། །ཙན་དན་དམར་པོའི་ཕྱེ་མ་ཡིས། །
161b2 རྫོགས་སངས་རྒྱས་ལ་འཐོར་བྱེད་ཅིང་། །སྒྲ་དབྱངས་སྙན་པ་ཀུན་ཏུ་སྒྲོགས། །དྲི་མ་མེད་པའི་འོད་རིག་ནས། །ནམཁའ་ལ་ནི་ལྷ་འཁོད་དོ། །གླུ་དབྱངས་དཔག་ཏུ་མེད་པ་ལེན། །མཁའ་ལ་རས་ཀྱིས་གཡོབ་པར་བྱེད། །ནམཁའ་ལ་ནི་ལྷ་འཁོད་དེ། །
161b3 པད་མ་བརྒྱ་ཕྲག་སྟོང་བླངས་ནས། །འཇིག་རྟེན་གསལ་ལ་བསྟོད་བྱེད་ཅིང་། །རྒྱལ་མཚན་ལ་སོགས་མཆོད་པ་བྱེད། །ཟླ་མེད་རྒྱལ་མཆོག་ཐུབ་དབང་ལ། །རབ་ཏུ་ཡིད་དགས་ཕྱག་འཚལ་ཞིང་། །བསྟོད་བྱེད་ནོར་བུ་རིན་ཆེན་དང་། །མུ་ཏིག་རྒྱན་ཕྲེང
161b4 འཐོར་བར་བྱེད། །མི་ནི་བྱེ་བ་འབུམ་ཐམ་པ། །རྒྱལ་མཆོག་ཟླ་མེད་པ་ལ་མཆོད། །སྔོན་གྱི་གནས་བརྒྱ་རྗེས་དྲན་ཞིང་། །ཐུབ་མཆོག་བླ་མེད་མགོས་ཕྱག་འཚལ། །དེ་ནས་འཇིག་རྟེན་སྣང་མཛད་པས། །ཆོས་ཀྱི་རྔ་ནི་རབ་བརྡུངས་ཏེ། །དེ་ཡིད་སྒྲ
161b5 ནི་ཞིང་རབ་མོང་། །བྱེ་བ་དག་ཏུ་གོ་བར་བྱས། །དེ་ཡི་ཚེ་ན་སེམས་ཅན་ན། །བྱེ་བ་གྲངས་མེད་ཀུན་ནས་ལྷགས། །དེ་དག་རྫོགས་པའི་སངས་རྒྱས་ཀྱིས། །སངས་རྒྱས་ཡེ་ཤེས་བླ་མེད་བཀོད། །དེ་ཚེ་གཞོན་ནུ་དགའ་གྱུར་ནས། །ཙན་དན་སྦྲུལ་གྱི་སྙིང་པོ་ཡི། །
161b6 གདན་འབུལ་རིན་ཆེན་ཕྱེ་མ་ཡིས། །གཞོན་ནུ་སངས་རྒྱས་གཙོ་ལ་མཆོད། །ནོར་བུ་རིན་ཆེན་འོད་གཅིག་ནི། །འཇིག་རྟེན་སྟོང་དུ་གཏོང་བར་བྱེད། །རིན་ཆེན་གཅིག་ལས་འོད་ཟེར་ནི། །སྟོང་ཕྲག་བྱེ་བར་གཏོང་བར་བྱེད། །དེ་བཞིན་རིན་ཆེན་མ་ལུས་ལས། །འོད་ཟེར
161b7 དག་ནི་བྱུང་བར་གྱུར། །དེ་དག་གིས་ནི་དེ་ཡི་ཚེ། །ཡངས་པ་ཅན་ཡང་སྣང་བར་བྱེས། །རིན་ཆེན་རྣམ་པ་དེ་སྙེད་ཀྱིས། །སངས་རྒྱས་གཙོ་ལ་མཆོད་བྱེད་ཅིང་། །རིན་པོ་ཆེ་ཡི་ཕུང་པོ་ཡང་། །ཐུབ་པ་ཆེ་ལ་འབུལ་བར་བྱེད། །གདུགས་ནི་གང་དག་མུ་ཁྱུད
161b8 བྱས། །མུ་ཏིག་ཕྲེང་གིས་ཡོངས་བརྒྱན་པ། །རེ་རེ་ལ་ཡང་མུ་ཁྱུད་ཅན། །སྟོང་ཕྲག་ཉི་ཤུ་རྩ་ལྔའོ། །འདི་འདྲའི་ལེགས་པ་དེ་ཡི་ནི། །ཐུབ་པ་ཆེ་ལ་མཆོད་པ་བྱས། །བྱང་ཆུབ་སེམས་དཔའ་ཐམས་ཅད་ལ། །གསེང་ཐག་ཀྱི་ནི་གོས་ཕུལ་ལོ། །
iiif viewer powered by OpenSeadragon
