| e-texts navigator |
| Wylie |
159b1 གྲངས་མེད་པས་ཡང་དག་པར་རབ་ཏུ་གནས་པ་ཞེས་བྱ་བ་ཞིག་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་དེ་བཞིན་གཤེགས་པ
159b2 བརྩོན་འགྲུས་གྲངས་མེད་པས་ཡང་དག་པར་རབ་ཏུ་གནས་པ་ཞེས་བྱ་བ་དེའི་མཚན་ཐོས་ནས་སོམ་ཉི་མི་ཟ་ལ་ང་མཐོང་བ་ལ་ཡང་ཡིད་ཆེས་ན་འདས་པའི་འོག་ཏུ་ནམས་ཀྱང་བརྩོན་འགྲུས་དམན་པར་མི་འགྱུར། ནམས་ཀྱང་འདོད་པ་ལ་སྟེན་པར་མི་འགྱུར།
159b3 ནམས་ཀྱང་མའི་སྡུག་བསྔལ་གྱིས་གོས་པར་མི་འགྱུར། ཕའི་སྡུག་བསྔལ་དང་། གཉེན་གྱི་སྡུག་བསྔལ་དང་། སྤུན་གྱི་སྡུག་བསྔལ་གྱིས་གོས་པར་མི་འགྱུར། སྲིང་མོའི་སྡུག་བསྔལ་གྱིས་གོས་པར་མི་འགྱུར། ནམས་ཀྱང་མཛའ་བོ་དང་། བཤེས་གཉེན་དང་། བློན
159b4 པོ་དང་། སྣག་གི་གཉེན་འཚམས་ཀྱི་སྡུག་བསྔལ་གྱིས་གོས་པར་མི་འགྱུར། ནམས་ཀྱང་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལུས་མ་བརྒྱན་པར་མི་འགྱུར། ནམས་ཀྱང་འདོད་ཆགས་དང་ཞེ་སྡང་དང་གཏི་མུག་མང་བར་མི་འགྱུར། ནམས་ཀྱང་ནད
159b5 མང་བར་མི་འགྱུར། ནམས་ཀྱང་མྱ་ངན་མང་བར་མི་འགྱུར། བདེ་བ་མཐའ་ཡས་པ་ཡོངས་སུ་བཟུང་བར་འགྱུར། བྱང་ཆུབ་ལ་ཐུག་གི་བར་དུ་ཡོན་ཏན་མཐའ་ཡས་པ་བྱེ་བ་ཁྲག་ཁྲིག་འབུམ་ཕྲག་གྲངས་མེད་པས་ཡོངས་སུ་བཟུང་བར་འགྱུར་རོ། །དེ་ནས
159b6 བཅོམ་ལྡན་འདས་ཀྱིས་དོན་འདི་ཉིད་ཚིགསུ་བཅད་པས་བཀའ་སྩལ་པ། གང་ཞིག་འཇིག་རྟེན་མགོན་པོའི་མཚན། །ཐོས་ནས་སོམ་ཉི་མི་ཟ་བ། །ནམས་ཀྱང་ཕ་མ་གཉེན་འདུན་གྱི། །ཚོགས་ཀྱི་སྡུག་བསྔལ་མི་མཐོང་ངོ་། །སྟེང་གི
159b7 ཕྱོགས་ན་རྐང་གཉིས་མཆོག་། འཇིག་རྟེན་སྣང་བར་མཛད་པ་བཞུགས། །སྲིད་གསུམ་གསལ་བར་མཛད་ནས་སུ། །སྲོག་ཆགས་རྣམས་ལ་ཆོས་སྟོན་ཏོ། །རྫོགས་སངས་རྒྱས་པའི་མཚན་ཐོས་ནས། །དེ་ནི་གཞན་རྣམས་རབ་བསྟན་ན། །
159b8 རྟག་ཏུ་སུམ་བཅུ་རྩ་གཉིས་ཀྱི། །མཚན་དག་གིས་ནི་བརྒྱན་པར་འགྱུར། །གང་ཞིག་ཐུབ་པའི་མཚན་འཛིན་ན། །དེ་ནི་ཤེས་རབ་མི་ཉམས་ཤིང་། །བྱང་ཆུབ་སྤྱད་པ་སྤྱོད་པའི་ཚེ། །བྱང་ཆུབ་སེམས་དཔའ་ལ་ཡང་མཆོད། །སངས་རྒྱས་ཀྱི་ནི་མཚན་བསྟན
iiif viewer powered by OpenSeadragon
