| e-texts navigator |
| Wylie |
159a1 འདི་ན་སངས་རྒྱས་ཀྱི། །ཡོན་ཏན་རྒྱ་མཚོའི་མཚན་མཆོག་ཐོབ་གྱུར་པ། །དེས་ནི་སངས་རྒྱས་བྱེ་བ་ཁྲི་རྣམས་ལ། །མྱུར་དུ་མཆོད་པ་བླ་མེད་རབ་ཏུ་བྱེད། །མཐའ་ཡས་དྲི་མེད་ཁྱད་པར་མཆོད་བྱས་ཤིང་། །སྲིད་པ་ཀུན་ཏུ་སངས་རྒྱས
159a2 ཆེ་རྣམས་ཀྱི། །ཉི་མ་མཛེད་པའི་སྤྱད་པ་སྤྱད་ནས་སུ། །ཕྱིས་ནི་བྱང་ཆུབ་དྲན་དབང་དེས་རེག་འགྱུར། །ཇི་ལྟར་གང་གཱའི་བྱེ་སྙེད་རྣམ་པར་འདྲེན། །མང་པོ་དག་ནི་ཚེ་གཅིག་གིས་མཆོད་དེ། །ཀུན་ནས་འོད་ཟེར་ཏིང་ངེ་འཛིན་ཐོབ་ནས། །ཕྱིས་ནི་བྱང་ཆུབ་མྱ་ངན
159a3 མེད་རེག་འགྱུར། །བྱང་ཆུབ་དྲི་མེད་བྱང་ཆུབ་ཆེ་ཐོབ་ནས། །ཆོས་ཀྱི་འཁོར་ལོ་དམ་པ་རབ་ཏུ་བསྐོར། །སེམས་ཅན་སངས་རྒྱས་བྱང་ཆུབ་མཆོག་བཞག་ནས། །ཆར་ཆུས་མེ་བསད་ལྟར་ནི་མྱ་ངན་འདའ། །རྐང་གཉིས་འདྲེན་པ་མི་འདུལ་ཁ་ལོ་སྒྱུར། །
159a4 བསོད་ནམས་ཞིང་སྟེ་བསོད་ནམས་ཕུང་པོ་གཅིག་།དེ་ལ་མི་ཡིས་དད་པ་ཙམ་བསྐྱེད་ན། །སྐད་ཅིག་གིས་ནི་མི་ཁོམ་ཐམས་ཅད་སྤོང་། །གང་ཞིག་བདེ་བར་གཤེགས་ཀྱི་མཚན་འདོན་པ། །མི་ལུས་རྙེད་པ་དལ་བ་གཅིག་ཐོབ་ནས། །མཐའ་ཡས་རྒྱ་མཚོ་དེ་བཞིན
159a5 གཤེགས་བཞུགས་ལ། །མི་ཡི་མཁས་པ་བསོད་ནམས་རབ་ཏུ་བྱེད། །སངས་རྒྱས་མཚན་ནི་སྟོང་ཕྲག་བརྒྱ་ཙམ་དུ། །གོམས་བྱེད་དེ་ནི་རྗེས་འཐུན་བཟོད་པ་ཐོབ། །ལྷ་ཡི་མིག་ཐོབ་ཇི་ལྟར་ང་ཡིས་ནི། །སངས་རྒྱས་མར་མེ་མཛད་མཐོང་མེ་ཏོག་གིས། །
159a6 གཏོར་བ་བྱས་ནས་བཟོད་པ་ཐོབ་གྱུར་པ། །དེ་འདྲའི་བཟོད་པ་དག་ནི་ཐོབ་པར་འགྱུར། །འཇིག་རྟེན་མགོན་པོ་འོད་མཛད་ཐུབ་པ་ཡི། །མཚན་ནི་ཐོས་ནས་སུ་ཞིག་ལུང་མི་ནོད། །གཞན་དུ་གང་ཞིག་མུ་སྟེགས་ཅན་གྱུར་པ་འམ། །ཕྲག་དོག་དག་གིས
159a7 ཉམས་པའི་མི་མ་གཏོགས། །འདྲེན་པ་སངས་རྒྱས་ཀྱི་ནི་མངོན་སུམ་དུ། །འདི་འདྲའི་མདོ་སྡེ་བཤད་པ་སུས་ཐོས་པ། །དེ་ནི་ཕྱི་དུས་དག་ཏུ་འདི་འཛིན་ཅིང་། །གཞན་དག་ལ་ཡང་རབ་ཏུ་སྟོན་པར་བྱེད། །གཞོན་ནུ་སྟེང་གི་ཕྱོགས་ན་སངས་རྒྱས
159a8 ཀྱི་ཞིང་འདི་ནས་གཞོན་ནུ་དཔེ་སྔ་མ་ལྟ་བུ་དེ་ལས་གང་གཱའི་ཀླུང་གི་བྱེ་མ་སྙེད་འདས་ནས་འཇིག་རྟེན་གྱི་ཁམས་ཤིན་ཏུ་རྣམ་པར་ཕྱེ་བ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བརྩོན་འགྲུས
iiif viewer powered by OpenSeadragon
