| e-texts navigator |
| Wylie |
158b1 པོ་དུ་མ་བསམ་མི་ཁྱབ། །བྱང་ཆུབ་མཆོག་ལ་མཁས་པ་དེ་ཡི་འཇོག་།ཟླ་བའ་མཁའ་ལ་གནས་པའི་གཞལ་མེད་ཁང་། །འོད་ཟེར་མང་པོ་བསགས་པས་མཛེས་པ་ལྟར། །གང་ཞིག་དེ་བཞིན་གཤེགས་པའི་མཚན་འཛིན་པ། །དེ་ཡི་ལུས་ཀྱང་དེ་འདྲའི་རྣམ
158b2 པས་མཛེས། །མཁས་པ་གང་ཞིག་རྒྱལ་བའི་མཚན་ཐོས་ནས། །སོམ་ཉི་ཟ་ཞིང་མི་དགའ་སུ་ཞིག་ཡོད། །བྱང་ཆུབ་སྤྱོད་མཆོག་དམ་པ་སྤྱོད་པ་ན། །ཆོས་འདི་དག་གིས་དེ་ལ་ཕན་འདོགས་འགྱུར། །ཐུབ་པ་ཆེན་པོ་འཇིག་རྟེན་སྤྱོད་མཆོག་པས། །
158b3 མཁས་པ་དེ་ནི་ཕོངས་པ་མྱོང་མི་འགྱུར། །གཞོན་ནུ་འོག་གི་ཕྱོགས་ན་གཞོན་ནུ་དཔེ་སྔ་མ་ལྟ་བུའི་རྣམ་པ་དེ་བཞིན་དུ་དགུ་བཅུ་རྩ་དགུར་བསྒྱུར་བ་འདས་ནས་འཇིག་རྟེན་གྱི་ཁམས་རྒྱལ་མཚན་མཆོག་གི་བདག་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས
158b4 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་ཞི་བ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ།
158b5 རིགས་ཀྱི་བུ་མོ་གང་ལ་ལ་ཞིག་དེ་བཞིན་གཤེགས་པ་རབ་ཏུ་ཞི་བ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་དེའི་མཚན་ཐོས་ནས་སོམ་ཉི་མི་ཟ་ལ་ངས་མཐོང་བ་ལ་ཡང་ཡིད་ཆེས་ན་དེ་ཚེ་འདས་པའི་འོག་ཏུ་ཀུན་ནས་འོད་ཟེར་ཞེས་བྱ་བའི་ཏིང་ངེ་འཛིན་ཐོབ
158b6 པར་འགྱུར། འཆི་བའི་དུས་ཀྱི་ཚེ་ཡང་སངས་རྒྱས་བྱེ་བ་ཁྲག་ཁྲིག་ཕྲག་འབུམ་དུ་ཚང་བ་དག་མཐོང་བར་འགྱུར། ཤར་ཕྱོགས་སུ་ཇི་ལྟ་བ་བཞིན་ཕྱོགས་ཐམས་ཅད་དུ་ཡང་དེ་བཞིན་དུ་སངས་རྒྱས་བྱེ་བ་ཁྲག་ཁྲིག་ཕྲག་འབུམ་དུ་ཚང་བ་དག་མཐོང་བར་འགྱུར།
158b7 སངས་རྒྱས་བཅོམ་ལྡན་འདས་དེ་དག་གིས་གང་ཆོས་བསྟན་པ་དེ་དག་ཐམས་ཅད་ཀུན་ཏུ་འཛིན་པར་འགྱུར། བྱང་ཆུབ་ལ་ཐུག་གི་བར་དུ་སངས་རྒྱས་གྲངས་མེད་པ་བྱེ་བ་ཁྲག་ཁྲིག་ཕྲག་འབུམ་རྣམས་ཀྱིས་བྱིན་གྱིས་བརླབས་པར་འགྱུར། ལས་དང་པོ་པའི་བྱང་ཆུབ
158b8 སེམས་དཔའ་དེ་བསྐལ་པ་བྱེ་བ་ཁྲག་ཁྲིག་འབུམ་ཕྲག་དགུ་བཅུར་འཁོར་བ་ལས་ཕྱིར་ལོག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་ཚིགས་སུ་བཅད་པས་བཀའ་སྩལ་པ། གང་ཞིག་འཇིག་རྟེན
iiif viewer powered by OpenSeadragon
