| e-texts navigator |
| Wylie |
158a1 མི་སྐྱེ་ལ་ངས་མཐོང་བ་ལ་ཡང་ཡིད་ཆེས་ན། དེ་ཚེ་འདས་པའི་འོག་ཏུ་བུད་མེད་ཀྱི་དབང་པོ་རྣམ་པར་སྤངས་པར་འགྱུར་ཞིང་སྐྱེས་པའི་དབང་པོ་འཐོབ་པར་འགྱུར། སེམས་ཅན་མང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་འཇོག་པར
158a2 འགྱུར། དབྱངས་སྙན་ལྡན་ཞེས་བྱ་བའི་ཏིང་ངེ་འཛིན་ཀྱང་ཐོབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ཡང་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགསུ་བཅད་པ་འདི་དག་བཀའ་སྩལ
158a3 ཏོ། །གང་ཞིག་རྐང་གཉིས་དམ་པ་དེ་ཡི་མཚན། །ཐོས་ནས་ནམས་ཀྱང་སོམ་ཉི་མི་ཟ་བ། །བསྐལ་པ་བྱེ་བ་གང་གའི་བྱེ་མ་སྙེད། །དེས་སྤངས་མྱ་ངན་མེད་པའི་སྐྱེས་པར་འགྱུར། །གང་གཱའི་བྱེ་སྙེད་སངས་རྒྱས་དུ་མ་དག་།མཐོང་ནས་དེ་དག
158a4 ལ་ནི་མཆོད་པར་བྱེད། །དེ་སྙེད་སངས་རྒྱས་དེ་ཡི་ཚེ་གཅིག་གིས། །སངས་རྒྱས་མཆོད་ནས་རྒྱལ་བ་མྱ་ངན་འདའ། །བྱང་ཆུབ་དམ་པ་སྤྱོད་མཆོག་སྤྱོད་པ་ན། །གང་གིས་སྐྱེས་བུ་ཁྱུ་མཆོག་མཚན་ཐོས་ནས། །ནམས་ཀྱང་སོམ་ཉི་མེད་ཅིང་འཛིན
158a5 བྱེད་ན། །དེ་འདྲའི་ཁྱད་པར་དེ་ཡིས་འཐོབ་པར་འགྱུར། །གང་གི་མཚན་མཆོག་གཙོ་བོ་འདི། །ཐོས་ནས་སོམ་ཉི་མི་ཟ་བ། །རང་བྱུང་ཡེ་ཤེས་སངས་རྒྱས་ཉིད་མྱུར་ཞིང་། །མཁས་པས་དབྱངས་སྙན་ཏིང་འཛིན་ཐོབ་པར་འགྱུར། །བྱང་ཆུབ་དམ་པ
158a6 སྤྱད་མཆོག་སྤྱོད་པ་ན། །དག་པའི་བདག་ཉིད་སྐྱེས་པའི་དབང་པོ་ཐོབ། །ཡོན་ཏན་ཀུན་དང་ལྡན་ཞིང་མཛེས་པ་སྟེ། །དེ་འདྲའི་ཁྱད་པར་དེ་ཡིས་ཐོབ་པར་འགྱུར། །ཕྱོགས་རྣམས་ཀུན་ནི་རབ་ཏུ་སྣང་བྱེད་ཅིང་། །ས་ཡ་མཐའ་ཡས་ཞིང་དུ་སོང་ནས
158a7 སུ། །འཇིག་རྟེན་སྤྱོད་པ་ཐུབ་པ་ཆེ་མཐོང་ནས། །མྱ་ངན་བྲལ་ཏེ་བྱང་ཆུབ་ཕྱིས་རིག་འགྱུར། །ཐུབ་དབང་ཆེན་པོ་དེ་བཞིན་གཤེགས་པ་ནི། །དེ་ཡི་མཚན་འདིར་ཐོས་ནས་རྫུ་འཕྲུལ་མཆོག་།དེ་འདྲའི་ཁྱད་པར་དག་ནི་ཐོབ་པར་འགྱུར།
158a8 བྱང་ཆུབ་འདོད་པ་གཞན་ཡང་ཐོབ་པ་ནི། །དྲི་བྲལ་བྱང་ཆུབ་འདུན་པ་བསྐྱེད་ནས་སུ། །རྒྱལ་བའི་མཚན་འདི་གཞན་ལའང་སྒྲོགས་པར་བྱེད། །ཟླ་བའི་དཀྱིལ་འཁོར་རབ་ཏུ་གསལ་བ་ལྟར། །དེ་ཡི་ཡོན་ཏན་དག་ཀྱང་དེ་འདྲར་འགྱུར། །སེམས་ཅན་མང
iiif viewer powered by OpenSeadragon
