| e-texts navigator |
| Wylie |
157b1 སྙིང་པོར་འཇོག་། རྒྱལ་སྲིད་རྒྱས་ཤིང་ཤིན་ཏུ་ལོ་ལེགས་དང་། །དེ་ཡི་རྒྱལ་སྲིད་བདེ་ཞིང་སངས་རྒྱས་འབྱུང་། །དེ་དག་ལ་ནི་མཆོད་པ་དམ་པ་བྱེད། །རྒྱལ་པོ་བདག་ཡུལ་ནམས་ཀྱང་སྡང་སེམས་མེད། །སངས་རྒྱས་མཚན་མཆོག་ཐོས་ནས
157b2 མཁས་པ་གང་། །སོམ་ཉི་ཟ་ཞིང་མི་དགའ་སུ་ཞིག་ཡོད། །མདོ་སྡེ་དམ་པ་དེ་རིང་ངས་བཤད་པའི། །ཆོས་མཆོག་འདི་ཡི་དེ་ལ་ཕན་འདོགས་འགྱུར། །གཞན་དུ་གང་གིས་སྔོན་གྱི་རྒྱལ་རྣམས་ཀྱིས། །ཆོས་སྤངས་གྱུར་པ་འམ་བདུད་ཀྱིས་ཟིན་པ་འམ།
157b3 སེམས་ཅན་སྙིང་པོ་རྒྱལ་བ་མཆོག་དག་ནི། །སྔོན་ཆད་སྤྱོད་ཚེ་ཁྱད་དུ་བསད་མ་གཏོགས། །གཞོན་ནུ་གང་ཞིག་རྒྱལ་པོའི་ཕོ་བྲང་དང་། །ལི་ཚའི་བཀོད་པ་དགའ་བ་འདི་དག་དང་། །ཤཱཀྱ་སེང་གེ་ང་ནི་མ་མཐོང་བ། །དེ་དག་སངས་རྒྱས་མཚན་ཐོས་སོམ
157b4 ཉི་ཟ། །གཞོན་ནུ་བྱང་ཕྱོགས་ལོགས་ན་སངས་རྒྱས་ཀྱི་ཞིང་འདི་ནས་གཞོན་ནུ་དཔེ་སྔ་མ་ལྟ་བུ་དེ་ལས་སུམ་གྱུར་གྱིས་སངས་རྒྱས་ཀྱི་ཞིང་དྲུག་ཅུ་འདས་པ་ན་འཇིག་རྟེན་གྱི་ཁམས་རིན་ཆེན་དྲ་བས་གཡོགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ
157b5 དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་དཀྱིལ་འཁོར་རྣམ་དག་ཅེས་བྱ་བ་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ། །གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག
157b6 དེ་བཞིན་གཤེགས་པ་ཟླ་བའི་དཀྱིལ་འཁོར་རྣམ་དག་དེའི་མཚན་ཐོས་ནས་སོམ་ཉི་མི་ཟ་ཞིང་ངས་མཐོང་བ་ལ་ཡང་ཡིད་ཆེས་ན་དེའི་ཚེ་འདས་པའི་འོག་ཏུ་རིན་ཆེན་འབྱུང་གནས་ཞེས་བྱ་བའི་ཏིང་ངེ་འཛིན་ཐོབ་པར་འགྱུར། གང་གཱའི་ཀླུང་གི་བྱེ་མ་སྙེད་ཀྱིས་སངས་རྒྱས
157b7 མཐོང་བར་འགྱུར། དེ་སྙེད་བསྐལ་པ་བྱེ་བར་འཁོར་བ་ལས་ཕྱིར་ཕྱོགས་པར་འགྱུར། ལས་དང་པོ་པའི་བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རེག་པར་འགྱུར། དབྱངས་སྙན་ལྡན་ཞེས་བྱ་བའི་ཏིང་ངེ་འཛིན་ཀྱང་ཐོབ་པར་འགྱུར། བླ་ན
157b8 མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ཡང་འགྱུར་རོ། །བུད་མེད་གང་ལ་ལ་ཞིག་བཅོམ་ལྡན་འདས་དེ་བཞིན་གཤེགས་པ་ཟླ་བའི་དཀྱིལ་འཁོར་རྣམ་དག་དེའི་མཚན་ཐོས་ནས་སོམ་ཉི་མི་ཟ་ཞིང་ཐེ་རྩོམ
iiif viewer powered by OpenSeadragon
