| e-texts navigator |
| Wylie |
157a1 རྒྱས་མེ་ཏོག་རྒྱས་པ་ས་ལེའི་རྒྱལ་པོ་ཞེས་བྱ་བ་ཞིག་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་དེ་བཞིན་གཤེགས་པ་མེ་ཏོག་རྒྱས
157a2 པ་ས་ལའི་རྒྱལ་པོ་ཞེས་བྱ་བ་དེའི་མཚན་ཐོས་ནས་སོམ་ཉི་མི་ཟ་ལ་ངས་མཐོང་བ་ལ་ཡང་ཡིད་ཆེས་ན་དེ་ཚེ་འདས་པའི་དུས་འོག་ཏུ་ཆོས་ལྔ་འཛིན་པར་འགྱུར་ཏེ། ལྔ་གང་ཞེ་ན། ལུས་ཞིག་ནས་སངས་རྒྱས་འབྱུང་བ་དང་། དེར་འཁོར་ལོས
157a3 བསྒྱུར་བའི་རྒྱལ་པོ་ཉིད་དང་། མངོན་པར་ཤེས་པ་ལྔ་དང་། ཆོས་ཀྱི་རྣམ་གྲངས་ཀྱི་གཟུངས་ཏེ། དེ་ཡང་སྟོང་འཁྱིལ་བའི་གཟུངས་དང་། བྱང་ཆུབ་ཐོབ་ཀྱི་བར་དུ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་པོ་དེ་དག་འཐོབ་པ་སྟེ། ཆོས་ལྔ་པོ་དེ
157a4 དག་འཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་ཚིགས་སུ་བཅད་པས་བཀའ་སྩལ་པ། གང་ཞིག་མི་ཡི་ཁྱུ་མཆོག་སྐྱོབ་པའི་མཚན། །ཐོས་ནས་སོམ་ཉི་མེད་ཅིང་དད་བསྐྱེད་ན། །དེ་ཡི་ཆོས་ལྔ་དེ་དག་འཛིན་འགྱུར་ཞིང་། །བྱང
157a5 ཆུབ་ཐོབ་པའི་བར་དུ་འཇིག་མི་འགྱུར། །གསེར་གྱི་མདོག་འདྲའི་གཟུགས་དང་ལྡན་འགྱུར་ཞིང་། །འཁོར་ལོས་བསྒྱུར་བའི་རྒྱལ་པོ་དམ་མཆོག་མཁས། །བསོད་ནམས་ལྡན་པ་སྲེད་མེད་བུ་འདྲ་ཞིང་། །དམ་ཆོས་འཁོར་ལོ་བར་ཆད་མེད་པར་བསྐོར། །
157a6 བསོད་ནམས་ལྡན་པ་བུ་སྟོང་ཡོད་འགྱུར་ཏེ། །དཔའ་ཞིང་རྟུལ་ཕོད་ཕ་རོལ་ཚོགས་འཇོམས་ལ། །ཡན་ལག་མཆོག་གི་གཟུགས་ལྡན་མཚན་གྱིས་བརྒྱན། །མཐུ་སྟོབས་ཆེ་བ་རྒྱལ་པོ་གཙོ་ཉིད་འདྲ། །རྒྱལ་པོའི་ཆུང་མ་གཟུགས་བཟང་གཟུགས
157a7 མཛེས་པ། །གསེར་གྱི་མདོག་འདྲ་མང་པོ་སྟོང་ཡོད་འགྱུར། །ཕྱི་ནས་ཉལ་ཞིང་སྔར་ནི་ལྡང་བྱེད་དེ། །རྒྱལ་པོ་གཙོ་ལ་ནམས་ཀྱང་སྐྱོ་མི་བྱེད། །རྒྱལ་ཕྲན་གང་དག་དེའི་ཡུལ་གནས་ཤིང་། །གང་དག་བློན་པོ་ཁྱིམ་བདག་གཙོ་བོ་ཀུན། །རྒྱལ
157a8 པོ་དེ་མཐོང་ནམས་ཀྱང་སྐྱོ་མི་བྱེད། །དེ་བས་དེ་ནི་བསོད་ནམས་དམ་མཆོག་ལྡན། །མཁས་མཆོག་ལྷ་རྣམས་ཀྱིས་ཀྱང་ཐུབ་པར་དཀའ། །མི་ཡི་འཇིག་རྟེན་དག་ན་གནོད་སྦྱིན་ཀླུ། །དེ་ཡི་ཡུལ་ན་སེམས་ཅན་གང་གནས་པ། །དེ་ཡིས་ཐམས་ཅད་བྱང་ཆུབ
iiif viewer powered by OpenSeadragon
