| e-texts navigator |
| Wylie |
156b1 བྱེ་བ་སྟོན་པར་མཛད། །མཐོང་ནས་དབང་པོས་ཕྱག་འཚལ་ཏེ། །ཆོས་ཀྱང་ཉན་ཅིང་འཛིན་པར་འགྱུར། །དེ་བཞིན་གཤེགས་པའི་མཚན་ཐོས་པ། །སྤྱད་པ་དམ་པ་སྤྱོད་པ་ན། །དེ་ཡིས་བསྟན་པའི་ཆོས་གང་དག་།བསྐལ་པ་བྱེ་བར་ཆུད་མི་གསོན། །སངས་རྒྱས
156b2 ཀྱི་ནི་མཚན་བསྒྲགས་པས། །རིན་ཆེན་ཞེས་བྱའི་ཏིང་ངེ་འཛིན། །སྟོང་ཕྲག་བདུན་བཅུ་དེ་ཚེ་འཐོབ། །ཡོན་ཏན་བྱེ་བར་སྒྲོགས་པར་འགྱུར། །གང་ཞིག་ཐུབ་པའི་མཚན་འཛིན་པ། །ཏིང་འཛིན་གྲངས་མེད་བྱེ་བ་དང་། །དེ་བཞིན་ས་ཡ་དྲུག་བཅུ་དག་།དེ་ལ་ཉེ་བར
156b3 གནས་པར་འགྱུར། །དེ་བས་མཉམ་བཞག་དཔའ་བོ་ཡིས། །བྱང་ཆུབ་སྤྱད་པ་སྤྱོད་པའི་ཚེ། །སེམས་ཅན་མང་པོ་སྟོང་རྣམས་དག་།བྱང་ཆུབ་མཆོག་ལ་འཇོག་པར་བྱེད། །བྱང་ཆུབ་མ་རྫོགས་བར་དུ་ནི། །ནམ་ཡང་འདོད་ལ་མི་བསྟེན་ཏེ། །སེམས་ཅན་གཞན
156b4 ཡང་སངས་རྒྱས་ཀྱི། །མཚན་བསྟན་རྣམས་ནི་བཟློགས་པར་བྱེད། །གང་ཞིག་སངས་རྒྱས་མཚན་ཐོས་ནས། །སྲོག་ཆགས་ཀུན་ལ་འདི་སྟོན་པ། །ནམས་ཀྱང་མི་ཁོམ་མི་འགྱུར་ཞིང་། །དེ་ཡི་དལ་བ་རྙེད་མི་དཀའ། །ཤིན་ཏུ་བཟུང་བ་སངས་རྒྱས་དག་།
156b5 འབྱུང་བ་མཉེས་པར་བྱས་པས་ནི། །ང་ཡི་མི་ཁོམ་གང་བསྟེན་པ། །དེ་དག་ཐམས་ཅད་སྤངས་བར་འགྱུར། །ཇི་ལྟར་འདྲེན་པ་མཁྱེན་པ་བཞིན། །གཞོན་ནུ་གལ་ཏེ་ཁྱོད་ཤེས་ན། །སྟོན་པའི་མཚན་ནི་བཟུང་ནས་སུ། །ཕྱོགས་ཀུན་ཏུ་ནི་རབ་ཏུ་སྒྲོགས། །དེ་བས
156b6 གཞོན་ནུ་གཞན་དག་ལ། །མཚན་འདི་རབ་ཏུ་བསྟན་བྱས་ན། །ཡང་དག་བྱང་ཆུབ་འདི་བཟུང་ཞིང་། །འཇིག་རྟེན་གྱི་ནི་མགོན་དུ་འགྱུར། །གང་ཞིག་སངས་རྒྱས་མཚན་ཐོས་ནས། །གཡེང་བ་མེད་པར་འདི་བཟུང་སྟེ། །སོང་ནས་གཞན་དག་ལ་སྟོན་པ། །
156b7 དེ་ནི་བྱང་ཆུབ་མངོན་ཏུ་བསྲུང་། །གང་ཞིག་མདོ་སྡེ་འདི་ཐོས་ནས། །གཞན་དག་ལ་ནི་རབ་སྟོན་ན། །ལེགས་པར་གསུངས་པའི་ཆོས་ཀྱི་ཚུལ། །བསྟན་པ་འདི་དག་བསྲུང་བར་བྱེད། །གཞོན་ནུ་ནུབ་ཕྱོགས་ལོགས་ན་གཞོན་ནུ་དཔེ་སྔ་མ་ལྟ་བུ་དེ་ལས
156b8 སུམ་འགྱུར་གྱི་རྡུལ་ཕྲ་མོའི་རྡུལ་བགྲངས་པའི་ཚུལ་གྱིས་དེ་སྙེད་ཀྱི་འཇིག་རྟེན་གྱི་ཁམས་དག་འདས་པ་ན། འཇིག་རྟེན་གྱི་ཁམས་རིན་ཆེན་བཀྲ་བ་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་ཡང་དག་པར་རྫོགས་པའི་སངས
iiif viewer powered by OpenSeadragon
