| e-texts navigator |
| Wylie |
156a1 གསོབ་དང་འདྲ། །ཐམས་ཅད་སྟོང་ཞིང་བདག་མེད་དོ། །རྩོད་པ་མེད་ཅིང་རྨོངས་མེད་པ། །དེ་སྐད་དེ་བཞིན་གཤེགས་པས་གསུངས། །གཞོན་ནུ་ལྷོ་ཕྱོགས་ལོགས་ན་གཞོན་ནུ་དཔེ་སྔ་མ་ལྟ་བུ་ལས་ཉིས་གྱུར་གྱི་རྡུལ་པ་མོའི་རྡུལ་བགྲངས
156a2 པའི་ཚུལ་གྱིས་སངས་རྒྱས་ཀྱི་ཞིང་བཅུ་གཉིས་འདས་པ་ན་དེ་ན་ཟླ་བས་བརྒྱན་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་གི་འོད་ཀྱིས་རྣམ་པར་རོལ་པ་མངོན
156a3 པར་མཁྱེན་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །གཞོན་ནུ་བྱང་ཆུབ་སེམས་དཔའི་ཐེག་པ་ལ་ཡང་དག་པར་གནས་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་བཅོམ་ལྡན་འདས་དེ་བཞིན་གཤེགས་པ་མེ་ཏོག་གི་འོད་ཀྱིས་རྣམ
156a4 པར་རོལ་པ་མངོན་པར་མཁྱེན་པ་དེའི་མཚན་ཐོས་ནས་སོམ་ཉི་མི་ཟ་ལ་ངས་མཐོང་བ་ལ་ཡང་ཡིད་ཆེས་ན་དེ་ཚེ་འདས་པའི་འོག་ཏུ་འོད་ཟེར་རབ་ཏུ་གཏོང་བ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར། ཏིང་ངེ་འཛིན་གྱི་སྒོ་བྱེ་བ་ཁྲག་ཁྲིག་འབུམ་ཕྲག་གྲངས་མེད་པ་ཁྲིར་འཇུག
156a5 པར་འཐོབ་པར་འགྱུར། གཟུངས་ཀྱི་སྒོ་བྱེ་བ་ཁྲག་ཁྲིག་འབུམ་ཕྲག་གྲངས་མེད་པ་དྲུག་བཅུ་པོ་རྒྱ་མཚོ་ལྟ་བུ་ཞེས་བྱ་བའི་གཟུངས་ལ་སོགས་པ་ནས་རིན་པོ་ཆེའི་མཛོད་ཀྱི་གཟུངས་ལ་ཐུག་པའི་བར་ལ་འཇུག་པ་འཐོབ་ཅིང་བྱང་ཆུབ་ཀྱི་མཐར་ཐུག་གི་བར་དུ་དེ་དག་ལ་རྨོངས་པར
156a6 མི་འགྱུར་རོ། །འཆི་བའི་དུས་ཀྱི་ཚེ་ཤར་ཕྱོགས་ནས་སངས་རྒྱས་བྱེ་བ་གཤེགས་ནས་ཞེས་སྟོན་པར་མཛད་དེ། ཕྱོགས་ཐམས་ཅད་ནས་ཀྱང་དེ་དང་འདྲའོ། །གང་སངས་རྒྱས་བཅོམ་ལྡན་འདས་དེ་དག་གིས་ཆོས་གསུང་བར་འགྱུར་བ་དེ་དག་ཐམས་ཅད་ཀྱང་འཛིན་པར
156a7 འགྱུར། བྱང་ཆུབ་མ་ཐོབ་ཀྱི་བར་དུ་དེའི་ཆོས་ཀྱི་ཚུལ་དེ་འཇིག་པར་མི་འགྱུར། ལས་དང་པོ་པའི་བྱང་ཆུབ་སེམས་དཔའ་ནས་བཟུང་ནས་བསྐལ་པ་ལྔ་བརྒྱར་འཁོར་བ་ལས་ཕྱིར་ཕྱོགས་པར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རེག་པར་འགྱུར་རོ། །
156a8 དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མི་ཡི་དབང་པོ་འཇིག་རྟེན་མགོན། །སྐྱོབ་པ་ཡི་ནི་མཚན་ཐོས་པ། །བསྐལ་པ་ལྔ་བརྒྱ་ཐམ་པ་ཡི། །འཁོར་བ་དག་ནི་བཟློག་པར་འགྱུར། །འཆི་བ་དག་གི་དུས་ཚེ་ཡང་། །སངས་རྒྱས
iiif viewer powered by OpenSeadragon
