| e-texts navigator |
| Wylie |
155b1 ཡིད་དགའ་ནས། །དེ་བཞིན་གཤེགས་ལ་ཚིག་གསོལ་བ། །ཕྱི་མའི་དུས་སུ་བདག་གིས་ནི། །དགེ་སློང་བགྱིས་ལ་མི་འཇིགས་པར། །གྲོང་དང་གྲོང་ཁྱེར་རྣམས་དག་ཏུ། །མདོ་སྡེ་འདི་ནི་བཤད་པར་བགྱི། །སངས་རྒྱས་བཀའ་བཞིན་བདག་བགྱིད
155b2 དེ། །རྫོགས་སངས་རྒྱས་ལ་དཔལ་གྱིས་གསུངས། །དཔག་ཚད་བྱེ་བར་མཆིས་ནས་སུ། །འདི་ཡི་ཚུལ་ནི་བཤད་པར་བགྱི། །ལྷ་ཀུན་དང་ནི་ཀླུ་རྣམས་དང་། །ཡང་ན་མི་འམ་ཅི་དང་ནི། །མི་མ་ཡིན་རྣམས་འགྲོན་གཉེར་ཏེ། །ཆོས་ཀྱི་སྦྱིན་པས་ཚིམ་པར
155b3 བགྱི། །བླ་ན་མེད་པའི་མདོ་སྡེ་འདི། །སངས་རྒྱས་ཀྱིས་ནི་གསུངས་པ་ན། །ལྷ་མ་ཡིན་ཚོགས་དགའ་གྱུར་ནས། །མེ་ཏོག་དཔག་ཏུ་མེད་པ་འཐོར། །སངས་རྒྱས་ཀྱི་ནི་ཞིང་འདི་དག་།མི་མཆོག་ཤཱཀྱ་སེང་གེ་ཡི། །ཆོས་ཀྱི་རྒྱལ་པོའི་སྤུ་གཅིག་གིས། །
155b4 ཞིང་རྣམས་ཐམས་ཅད་སྣང་བར་མཛད། །སེམས་ཅན་སྙིང་པོའི་བདག་ཉིད་ཅན། །སྟོན་པ་ཡི་ནི་ལྗགས་བྱུང་ནས། །གང་གཱའི་བྱེ་མ་སྙེད་དག་གི། ཞིང་རྣམས་བྱེ་བ་ཁེབས་པར་མཛད། །དེ་བཞིན་ཕྱོགས་བཅུའི་འཇིག་རྟེན་གྱི། །ཞིང་རྣམས་བྱེ་བ་ཁེབས
155b5 མཛད་དེ། །གཞོན་ནུ་རིན་ཆེན་དྲ་བ་ཅན། །དཔའ་བོ་དང་ནི་ལི་ཚ་བི། །བྱེ་བ་དྲུག་བཅུ་ཙམ་དག་ནི། །ལྷན་གཅིག་ལྷགས་ལ་བཀའ་སྩོལ་ཅིག་།དེ་ནས་དེར་ནི་སྟོན་པ་ཡིས། །དེ་དག་ཆོས་ལ་གཟུད་པར་མཛད། །བདེ་བ་ཐམས་ཅད་སྦྱིན་མཛད་པ། །སངས་རྒྱས
155b6 སྤྱན་ནི་ཐོགས་པ་མེད། །དེ་བཞིན་གཤེགས་རྣམས་དཔག་མེད་དེ། །སངས་རྒྱས་ཆོས་ལ་ཐེ་ཚོམ་སྤོང་། །སངས་རྒྱས་ཡེ་ཤེས་ཐོས་མེད་དེ། །དུས་གསུམ་རྣམས་ལའང་འཇུག་པར་མཛད། །ཆོས་རྣམས་ཀུན་ལ་མངའ་བརྙེས་པས། །སངས་རྒྱས
155b7 ལ་ནི་མི་མཁྱེན་མེད། །ཕུང་པོ་རྣམས་ནི་མེད་པའོ་ཞེས། །མི་ཡི་འདྲེན་པ་སྟོན་པར་མཛད། །ཁམས་བཞི་དག་ནི་གསོག་དང་འདྲ། །གང་དུའང་སླ་ལ་ཆགས་པ་མེད། །གཟུགས་དང་ཚོར་བ་འདུ་ཤེས་དང་། །སེམས་པ་དང་ནི་འདུ་བྱེད་དང་། །རྣམ
155b8 ཤེས་ཕུང་པོའི་སྙིང་པོ་ནི། །མེད་པ་དག་ཏུ་ཤེས་པར་གྱིས། །སངས་རྒྱས་ཀྱིས་ནི་གསུངས་པ་བཞིན། །དེ་ལྟར་ཕུང་པོ་རྣམས་ཕྱེ་ན། །མྱུར་དུ་གཟུངས་རྣམས་འཐོབ་འགྱུར་ཞིང་། །ཤིན་ཏུ་རྨོངས་པ་མེད་པར་འགྱུར། །ཆོས་རྣམས་དག་ནི
iiif viewer powered by OpenSeadragon
