| e-texts navigator |
| Wylie |
155a1 སེམས་ནི་རྩེ་གཅིག་གིས། །སངས་རྒྱས་གྲངས་མེད་བཀུར་སྟི་བས། །མདོ་འདི་ལ་ནི་གང་དད་པ། །དེ་བས་བསོད་ནམས་འདི་མང་འགྱུར། །རྟག་ཏུ་གཟུགས་བཟང་བསོད་ནམས་ལྡན། །ཤིན་ཏུ་འཇིག་མེད་ལོངས་སྤྱོད་ལྡན། །དྲན་དང་ལྡན་ཞིང་མཚན
155a2 རྣམས་ཀྱིས། །མངོན་པར་བརྒྱན་པ་དག་ཏུ་འགྱུར། །དེ་ལྟ་བས་ན་མདོ་སྡེ་འདི། །ཐོས་ནས་ཕྱི་མའི་དུས་ཀྱི་ཚེ། །བཟུང་ཞིང་ཡང་དག་བསྟན་པ་དང་། །གཞན་དག་ལ་ཡང་བསྟན་པར་གྱིས། །གང་གིས་སངས་རྒྱས་འཁོར་ལོས་བསྒྱུར། །འབུམ་ཕྲག
155a3 དག་ལ་བཀུར་བྱས་པས། །ཕྱི་མ་ཡི་ནི་དུས་དག་ཏུ། །དེས་མཐོང་བ་ལ་སོམ་ཉི་མེད། །གང་གིས་སྔོན་ནི་འཇིག་རྟེན་མགོན། །གྲངས་མེད་པ་ལ་བསྙེན་བཀུར་བྱས། །དེ་ཡི་འཇིག་རྟེན་མགོན་འདི་ཡི། །ཐོས་ཤིང་མཐོང་ལའང་ཡིད་ཆེས་སོ། །གང་ཞིག
155a4 མཚན་འདི་ཐོས་ནས་སུ། །སངས་རྒྱས་ཀྱི་ནི་གཟུགས་བྱེད་པ། །དེ་ནི་སངས་རྒྱས་ཐམས་ཅད་ཀྱི། །བསྟན་པ་དང་ནི་དམ་ཆོས་བསྲུང་། །གང་ཞིག་བྱང་ཆུབ་བསྟན་སྤངས་ན། །བསྐལ་པ་བྱེ་བ་དག་ཏུ་ནི། །ལུག་ལྟར་ལྐུག་ཅིང་མིག་ཉམས་ལ། །
155a5 མིག་མེད་པ་དག་ཏུ་ཡང་འགྱུར། །གང་ཞིག་ལག་པ་གཅིག་གིས་ནི། །མཆོད་རྟེན་གྲངས་མེད་བཤིག་བྱས་པས། །གང་གིས་མདོ་སྡེ་འདི་སྤངས་ན། །ཁྱད་ཆོས་སྡིག་པར་འདི་འགྱུར་རོ། །དེ་ལྟ་བས་ན་ང་སྨྲ་བ། །ཕྱི་མའི་དུས་ཚེ་འདི་རྙེད་ནས། །སངས་རྒྱས
155a6 ཡེ་ཤེས་བླ་མེད་ལ། །སོམ་ཉི་ཟ་བར་མ་བྱེད་ཅིག་།མདོ་སྡེ་འདི་འདྲ་འདི་ཐོས་ནས། །མེ་ཏོག་སྤོས་དང་འཕན་རྣམས་དང་། །གདུགས་དང་ཕྱེ་མ་གོས་རྣམས་ཀྱིས། །གུས་པར་བྱས་ཏེ་མཆོད་པར་གྱིས། །དེར་ནི་དེ་བཞིན་གཤེགས་པ
155a7 ཡི། །ཕྱག་མཉེན་ཤིན་ཏུ་འཇམ་པ་ཡིས། །ལི་ཚ་བི་ཡི་མགོ་བོ་ལ། །ཡང་དང་ཡང་དུ་བྱུག་པ་མཛད། །དེ་ཡི་རྗེས་ལ་ལྷ་རྣམས་ཀྱིས། །སྒྲ་སྐད་ཆེན་པོ་ཕྱུང་གྱུར་ཅིང་། །ལྷ་ཡི་མེ་ཏོག་ཀུ་སུ་མ། །ཡིད་འོང་གཏོར་ཅིང་ཞིང་འདི
155a8 བཀང་། །ལྷ་རྣམས་མཁའ་ལ་འདུག་ནས་སུ། །གླུ་དབྱངས་དཔག་ཏུ་མེད་པ་ལེན། །ཚངས་པ་དག་ནི་བྱེ་བ་ཡིས། །ཙན་དན་དམར་པོའི་ཆར་ཕབ་པོ། །དེ་བཞིན་གཤེགས་པས་མདོ་སྡེ་འདི། །གསུངས་ཚེ་དྲ་བ་ཅན་ཐོས་ཏེ། །སེམས་ནི་རངས་ཤིང
iiif viewer powered by OpenSeadragon
