| e-texts navigator |
| Wylie |
154b1 གིས་ནི་མང་བརྗོད་པ། །དེ་སྙེད་འཇིག་རྟེན་ཁམས་རྣམས་སུ། །འོད་ཟེར་གཅིག་གིས་ཁྱབ་པར་བྱེད། །སངས་རྒྱས་ཞིང་རྣམས་ཐམས་ཅད་དག་།བགྲང་བའི་ཚུལ་གྱིས་མི་མཆོད་པ། །གསེར་རྣམས་ཀྱིས་ནི་བཀང་ནས་སུ། །འཇིག་རྟེན་མགོན་ལ་ཕུལ་བ
154b2 བས། །འདི་ཡི་མཚན་ནི་ཐོས་ནས་སུ། །དགའ་བ་བཟང་པོ་སྐྱེས་གྱུར་ཏེ། །སངས་རྒྱས་ཕྱག་འཚལ་ཞེས་བརྗོད་པ། །དེའི་བསོད་ནམས་བསམས་མི་ཁྱབ། །འཇིག་རྟེན་མགོན་ནི་ཐམས་ཅད་ལ། །ཡང་དང་ཡང་དུ་ཕྱག་འཚལ་བ། །དེ་ཡི་བསོད་ནམས་ཕུང་པོ་ནི། །
154b3 ཚད་ནི་བཤད་པར་མི་ནུས་སོ། །གང་ཞིག་འཇིག་རྟེན་མགོན་པོའི་མཚན། །ཐོས་ནས་སོམ་ཉི་མི་ཟ་བ། །དེ་ཡི་ལུས་ནི་འོད་ཟེར་གྱིས། །ཁྱབ་ཅིང་རིན་པོ་ཆེ་ལྟར་འགྱུར། །གང་ཞིག་ཐུབ་པའི་མཚན་འཛིན་པ། །དེ་ནི་རྣམ་པར་འདས་གྱུར་ནས། །ལྷ་ཡི་ཙན
154b4 དན་དམར་པོ་ཡི། །དྲི་ཞིམ་ཁ་ནས་རབ་ཏུ་འབྱུང་། །སྐྱོབ་པ་སེམས་ཅན་སྙིང་པོ་ཡི། །སངས་རྒྱས་ཀྱི་ནི་མཚན་ཐོས་པ། །བ་སྤུའི་ཁུང་ནས་འོད་ཟེར་དག་།བཀྱེ་བས་ལུས་ཀྱང་མཛེས་པར་འགྱུར། །ཚེ་རབ་དག་ནི་ཐམས་ཅད་དུ། །ཐོས་པ་མང་པོར་འགྱུར་བ
154b5 སྟེ། །ཀུན་དགའ་སངས་རྒྱས་ཅི་འདྲ་བའི། །དཔག་ཏུ་མེད་པའི་ཐོས་པ་འཛིན། །འཇིག་རྟེན་སྣང་བྱེད་དེས་མཐོང་ནས། །གཞལ་གྱིས་མི་ལང་དགའ་བ་འཐོབ། །བྱང་ཆུབ་སྤྱད་པ་སྤྱོད་པ་ན། །ཚེ་རབས་དག་ནི་དྲན་པར་འགྱུར། །རྒྱལ་བའི་ཐུགས་སྲས
154b6 མཐོང་ནས་ཀྱང་། །གཞལ་གྱིས་མི་ལང་དགའ་བ་འཐོབ། །སྤོས་དང་མེ་ཏོག་བྱུག་རྣམས་ཀྱིས། །མཆོད་པ་དག་ནི་རྒྱ་ཆེན་བྱེད། །འཇིག་རྟེན་མགོན་པོ་དེ་ཡི་མཚན། །བརྗོད་པ་འཛིན་པར་མི་བྱེད་དེ། །བདུད་ཀྱི་ཕྱོགས་དང་སྔོན་ཀྱང་ནི། །
154b7 མུ་སྟེགས་གྱུར་པ་མ་གཏོགས་སོ། །ང་ཡིས་ཚུལ་འདི་བཤད་པ་ན། །སྔོན་ནི་གང་གིས་འདི་ཐོས་པ། །ཕྱི་མའི་དུས་ཀྱི་ཚེ་དག་ཏུ། །དེ་ཡི་ལག་ཏུ་མདོ་སྡེ་འཐོབ། །དེ་ཡིས་མདོ་སྡེ་དམ་པ་འདི། །བཤད་པ་དག་ནི་སུས་ཐོས་པ། །སྔོན་ནི
154b8 མཆོད་ཅིང་བཀུར་སྟི་བྱས། །དེ་ཡི་ལག་ཏུ་འདི་འཐོབ་བོ། །གང་གིས་སྨོན་ལམ་བཏབ་པ་ནི། །ཕྱི་མའི་དུས་ཀྱི་ཚེ་དག་ཏུ། །ཆོས་ཀྱི་རྒྱལ་པོས་གསུངས་པ་ཡི། །མདོ་འདི་ལག་ཏུ་འཐོབ་པར་འགྱུར། །གང་ཞིག
iiif viewer powered by OpenSeadragon
