| e-texts navigator |
| Wylie |
154a1 ཞིང་དགའ་བར་འགྱུར། །འདིར་ནི་སྐྱོབ་པའི་མཚན་ཐོས་པ། །ཤིན་ཏུ་བསགས་པ་དམ་པའི་དབྱངས། །ཏིང་འཛིན་མྱུར་དུ་ཐོབ་པར་འགྱུར། །ཡོན་ཏན་བྱེ་བ་རབ་ཏུ་སྒྲོགས། །གང་ཞིག་འཇིག་རྟེན་མགོན་པོའི་མཚན། །ཐོས་ནས
154a2 སོམ་ཉི་མི་ཟ་བ། །ཕྱི་མའི་དུས་ཀྱི་ཚེ་དག་ཏུ། །དེ་ཡི་བྱང་ཆུབ་འདི་འཛིན་ཏོ། །ཐུབ་པ་ཆེན་པོའི་མཚན་ཐོས་པ། །སངས་རྒྱས་མྱ་ངན་འདས་རྣམས་ཀྱི། །ལེགས་པར་གསུངས་པའི་ཆོས་ཀྱི་ཚུལ། །འཛིན་ཅིང་ཡང་དག་རབ་ཏུ་སྟོན། །སངས་རྒྱས
154a3 ཀུན་གྱིས་ལེགས་གསུངས་པའི། །ཆོས་དེ་རྣམས་ནི་དེས་འཛིན་ཏོ། །བཀོད་པ་མཆོག་ནི་དེས་བྱེད་ཅིང་། །སངས་རྒྱས་ཀུན་ལ་བསྙེན་བཀུར་བྱེད། །དེ་ནས་འཆི་བའི་དུས་བྱས་ནས། །སངས་རྒྱས་བྱེ་བ་དེས་མྱུར་མཐོང་། །སངས་རྒྱས་རྣམས་ཀྱིས་གསུངས་པ་ཡི། །
154a4 ཆོས་རྣམས་དེ་དག་འཛིན་པར་བྱེད། །སྐྱོབ་པ་དེ་ཡི་མཚན་ཐོས་པ། །སྲོག་ཆགས་བྱེ་བ་ནན་ཏན་གྱིས། །འདུལ་བར་བྱེད་ཅིང་རབ་ཏུ་འགོད། །ཐམས་ཅད་བྱང་ཆུབ་ཕྱིར་འཇོག་གོ། །ང་ཡིས་མཐོང་ལ་འང་ཡིད་ཆེས་པ། །སྐྱོབ་པ་སངས་རྒྱས་ཐམས་ཅད་ཀྱི། །རབ་ཏུ
154a5 བསྟན་པ་འཛིན་འགྱུར་ཞིང་། །སངས་རྒྱས་རྣམས་ཀྱང་མཆོད་པར་འགྱུར། །སངས་རྒྱས་མཁྱེན་ལ་གང་དད་པ། །ངས་མཐོང་བ་ལའང་དེ་ཡིད་ཆེས། །འཆིང་བ་རྣམས་ལས་དེས་རྣམས་འགྲོལ། །ཀློང་ལས་རྒལ་ཅིང་འཇིགས་པ་མེད། །གང་ཞིག་དམ་པའི་ཆོས
154a6 སྤོང་བ། །དེ་ནི་བདུད་ཀྱི་སྡེ་ཡིན་ནོ། །འགྲོ་བ་ལྔ་རུ་འགྲོ་བ་ཡི། །སེམས་ཅན་ཀུན་གྱི་བ་སྤུ་གས། །དེ་ནི་སྟོན་པའི་པུས་མོ་ཡི། །ལྷ་ང་གཅིག་གིས་བ་སྤུར་སྡུད། །སྐྱོབ་པ་འཇིག་རྟེན་མགོན་པོ་ཡི། །བ་སྤུ་གཅིག་གི་ཁུང་བུ་ནས། །ཇི་ལྟར་གང་གཱའི་བྱེ་མ་སྙེད། །དེ་སྙེད་འོད
154a7 ཟེར་འབྱིན་པར་མཛད། །གང་ཞིག་འཇིག་རྟེན་མགོན་འདི་ཡི། །འོད་ཟེར་མཐའ་ཡས་ལ་ཡིད་ཆེས། །ཚེ་གཅིག་གིས་ནི་སངས་རྒྱས་རྣམས། །སངས་རྒྱས་བྱེ་བ་མཐོང་བར་འགྱུར། །ཆོས་ཀྱི་རྒྱལ་པོ་མདོ་སྡེ་འདི། །བཤད་པ་གང་ཞིག་ཐོས་གྱུར
154a8 ནས། །ནམས་ཀྱང་ཡིད་གཉིས་མི་ཟ་བ། །དེ་ནི་ང་དང་འདྲ་བར་འགྱུར། །ཡངས་པ་ཅན་དུ་མདོ་སྡེ་འདི། །བཤད་པའི་ཚེ་ན་སུས་ཐོས་པ། །དེ་ནི་ཕྱི་མའི་དུས་སུ་དེས། །གཞན་ལ་ཡང་དག་རབ་ཏུ་སྟོན། །ཇི་ལྟར་གང་གཱའི་བྱེ་མ་དག་།མི་གང
iiif viewer powered by OpenSeadragon
