| e-texts navigator |
| Wylie |
153b1 མཚན་འཆང་འགྱུར། །གང་ཞིག་མཚན་ནི་ཐོས་ནས་སུ། །ཡན་ལག་ལྔ་ཡིས་ཕྱག་བྱས་ན། །རྟག་ཏུ་ཚངས་པའི་དབྱངས་ལྡན་ཞིང་། །མི་ཁོམ་པ་ཡང་སྤངས་པར་འགྱུར། །གང་ཞིག་འཇིག་རྟེན་མགོན་པོའི་མཚན། །ཐོས་ནས་སོམ་ཉི་མི་ཟ་བ། །དེ་ནི་བྱང་ཆུབ་ལ
153b2 མི་འགོང་། །དེ་ནི་ནམས་ཀྱང་སོམ་ཉི་མེད། །གང་ཞིག་ཉིན་དང་མཚན་བདུན་དུ། །ཚང་བར་རྒྱལ་བའི་མཚན་འཛིན་པ། །སངས་རྒྱས་བསྔགས་པ་མཐའ་ཡས་པའི། །མིག་ནི་རྣམ་པར་དག་པར་འགྱུར། །མི་དེ་ཡི་ནི་ཤ་ཡི་མིག་།ལྷ་ཡི་མིག་ཏུ་རྣམ་སྦྱོང་སྟེ། །
153b3 གང་གཱའི་ཀླུང་གི་བྱེ་སྙེད་ཀྱི། །སངས་རྒྱས་མང་པོ་མཐོང་བར་འགྱུར། །ཐམས་ཅད་ལ་ནི་མཆོད་བྱེད་ཅིང་། །ཐམས་ཅད་ལས་ནི་ཐོས་པ་འཛིན། །མིག་གིས་ཐམས་ཅད་མཐོང་ནས་སུ། །མི་རྣམས་ཐམས་ཅད་དབུགས་འབྱིན་ཏོ། །དེ་བཞིན་གཤེགས་པའི་མཚན
153b4 ཐོས་པ། །སྔོན་ཆད་བསམ་གྱིས་མི་ཁྱབ་པའི། །བསྙེན་བཀུར་སངས་རྒྱས་དག་ལ་བྱས། །དེ་དག་ཐམས་ཅད་རྗེས་དྲན་འགྱུར། །སྲོག་ཆགས་གང་རྣམས་མདུན་དག་ཏུ། །མཚན་ནི་བསྙན་པར་བྱས་གྱུར་ན། །སེམས་ཅན་གཞན་གྱིས་དེ་མཐོང་ཞིང་། །
153b5 ངེས་པར་བྱང་ཆུབ་འགྱུར་བ་ཡིན། །སངས་རྒྱས་ལ་ནི་དད་བསྐྱེད་པས། །མི་ཁོམ་ཐམས་ཅད་རྣམ་པར་སྤངས། །རྩོད་དང་འགྱེད་པ་བྱས་པས་ནི། །མི་ཁོམས་རྣམས་སུ་སྐྱེ་བར་འགྱུར། །ཐུབ་པ་ཆེན་པོ་དེ་ཡི་མཚན། །སེམས་ཅན་གཅིག་ཅིག
153b6 ཐོས་བྱས་ན། །རྩོད་པ་དང་ནི་འགྱེད་པ་ཡང་། །ཡིད་ལ་བྱེད་པར་མི་འགྱུར་རོ། །གལ་ཏེ་མནར་མེད་པ་ཡི་ལས། །བསྐལ་པ་གནས་པར་འགྱུར་བ་དག་།ཀླད་ནད་ཙམ་ཞིག་བསྐྱེད་ནས་སུ། །ལས་ཀུན་རྣམ་པར་སྨིན་མི་འགྱུར། །དེ་ལ་མེས་ནི་མི་ཚིག་ཅིང་། །
153b7 ཆུའི་ནང་དུ་འཆི་མི་འགྱུར། །དེ་ལ་རྒྱལ་པོ་རབ་ཁྲོས་ཀྱང་། །མྱུར་བ་ཉིད་དུ་ཞི་བར་འགྱུར། །གང་ཞིག་ཐུབ་པའི་མཚན་འཛིན་པ། །ནམས་ཀྱང་ལོང་བ་ཞར་བ་དང་། །ཐེང་དང་སྒུར་དང་ལུས་ཉམས་དང་། །ནད་ནི་མང་པོར་མི་འགྱུར་རོ། །གནོད་སྦྱིན
153b8 དྲི་ཟ་ཡི་དགས་དང་། །གྲུལ་བུམ་སྲིན་པོ་མི་རྣམས་ནི། །སྡིག་ཅན་མ་རུང་པ་རྣམས་དག་།མི་དེ་ལ་ནི་གནོད་མི་བྱེད། །གང་ཞིག་ཐུབ་པའི་མཚན་འཛིན་པ། །འབྱུང་པོ་དྲི་ཟ་གནོད་སྦྱིན་རྣམས། །ཀླུ་དང་ལྷ་རྣམས་ཐམས་ཅད་ཀྱི། །ཡིད་དུ་འོང
iiif viewer powered by OpenSeadragon
