| e-texts navigator |
| Wylie |
153a1 །དེའི་རྒྱལ་སྲིད་ལ་ཡང་སངས་རྒྱས་འབྱུང་བར་འགྱུར་ཞིང་དེ་བཞིན་གཤེགས་པ་དེ་མཐོང་ནས་ཀྱང་མཆོད་པ་དཔག་ཏུ་མེད་པ་བྱེད་པར་འགྱུར། ཚངས་པར
153a2 སྤྱོད་པར་ཡང་འགྱུར། མངོན་པར་ཤེས་པ་ལྔ་ཡང་རྟོགས་པར་ཁོང་དུ་ཆུད་པར་འགྱུར། དེ་བཞིན་གཤེགས་པ་མཐོང་མ་ཐག་ཏུ་གཟུངས་བརྒྱ་འཁྱིལ་བ་ཞེས་བྱ་བ་འཐོབ་པར་འགྱུར། གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་དག་ལ་བསྙེན་བཀུར་བྱེད་པར་འགྱུར།
153a3 དེ་སྙེད་ཀྱི་བསྐལ་པ་བྱེ་བ་ཉིད་དུ་འཁོར་བ་ལས་ཕྱིར་ཕྱོགས་པར་བྱེད་པར་འགྱུར། དེའི་སེམས་ཤིན་ཏུ་རྨོངས་པ་མེད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར། སྲེད་མེད་ཀྱི་བུའི་ལུས་ལྟར་མཁྲེགས་པའི་ལུས་སུ་འགྱུར། ལུས་དབྱིབས་གཅིག་ལ་སྤི་ཛ
153a4 བཞི་པར་འགྱུར། དེའི་ལུས་ཀྱི་མདོག་གསེར་གྱི་ཁ་དོག་འདྲ་བར་འགྱུར། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལུས་བརྒྱན་ཅིང་ཚངས་པའི་སྒྲ་དབྱངས་སུ་ཡང་འགྱུར། མི་ཁོམ་པ་ཐམས་ཅད་ཀྱང་སྤོང་ཞིང་དལ་བ་ཕུན་སུམ་ཚོགས་པ་ཡང་འཐོབ
153a5 པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱས་པར་བསྟན་པའི་ཕྱིར་ཚིགས་སུ་བཅད་པས་བཀའ་སྩལ་པ། གང་ཞིག་འཇིག་རྟེན་མགོན་པོའི་མཚན། །ཐོས་ནས་སོམ་ཉི་མི་ཟ་ཞིང་། །ངས་མཐོང་བ་ལ་འིང་ཡིད་ཆེས་པ། །དེ་ནི་ཡོན
153a6 གནས་འོས་པ་ཡིན། །རྟག་ཏུ་འཁོར་ལོས་བསྒྱུར་བ་ཡི། །རྒྱལ་སྲིད་འཐོབ་ཅིང་སངས་རྒྱས་མཐོང་། །མཐོང་ནས་དཔག་ཏུ་མེད་པ་དང་། །བསམ་གྱིས་མི་ཁྱབ་མཆོད་པ་བྱེད། །རྟག་ཏུ་ཚངས་པར་སྤྱོད་པ་དང་། །མངོན་པར་ཤེས་རྣམས་རྟོགས
153a7 པར་འགྱུར། །སངས་རྒྱས་མཐོང་ནས་བརྒྱ་འཁྱིལ་བའི། །གཟུངས་ཀྱང་དེ་ཡིས་འཐོབ་པར་འགྱུར། །ཇི་ལྟར་གང་གཱའི་བྱེ་མ་སྙེད། །དེ་སྙེད་སངས་རྒྱས་མཐོང་བར་འགྱུར། །དེ་སྙེད་བསྐལ་པ་བྱེ་བ་རུ། །འཁོར་བ་དག་ནི་སྤངས་པར་འགྱུར། །གང་ཞིག་འཇིག
153a8 རྟེན་མགོན་པོའི་མཚན། །ཚོགས་དང་དགེ་འདུན་དག་ལ་བརྗོད། །དེ་ཡི་སེམས་ནི་མི་རྨོངས་ཤིང་། །སངས་རྒྱས་བྱང་ཆུབ་རྒྱུ་མེད་དོ། །རྟག་ཏུ་སྲེད་མེད་བུ་འདྲ་ཞིང་། །ལུས་དབྱིབས་གཅིག་ལ་སྤི་ཛ་བཞི། །ལུས་ནི་གསེར་གྱི་མདོག་འདྲ་ཞིང་། །སུམ་བཅུ་རྩ་གཉིས
iiif viewer powered by OpenSeadragon
