| e-texts navigator |
| Wylie |
152a1 སེམས་ཀྱི་བསམ་པས་དྲི་མ་སེལ། སེམས་ཅན་ཐམས་ཅད་ཆོས་དཀར་པོ་ལ་ཡང་དག་པར་བསྐུལ། ལྷས་ཀྱང་ཡོངས་སུ་བཟུང་བར་འགྱུར། བྱང་ཆུབ་སེམས་དཔས་ཀྱང་བསམ་པར་འགྱུར། དེ་བཞིན་གཤེགས་པས་ཀྱང་བྱིན་གྱིས་རློབ་པར་མཛད།
152a2 ནམ་ཀྱང་སངས་རྒྱས་བཅོམ་ལྡན་འདས་རྣམས་དང་འབྲལ་བར་མི་འགྱུར། རྣམ་པ་ཐམས་ཅད་ཀྱི་མཆོག་དང་ལྡན་པས་བྱང་ཆུབ་སེམས་དཔའི་སྤྱོད་པ་དག་ཀྱང་ཡོངས་སུ་རྫོགས་པར་འགྱུར། སྒྲ་དབྱངས་ཀྱི་རྣམ་པ་སྟོང་ཕྲག་བརྒྱད་བཅུ་རྩ
152a3 བཞི་ཡོངས་སུ་རྫོགས་པར་ཐོབ་པར་འགྱུར། ཚངས་པའི་དབྱངས་སུ་འགྱུར། འཇིག་རྟེན་གྱི་ཁམས་ཐམས་ཅད་དང་འཐུན་པའི་སྒྲ་དབྱངས་དང་ལྡན་པ་ལྟ་བཞུགས་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལི་ཙ
152a4 བི་གཞོན་ནུ་རིན་ཆེན་དྲི་བ་ཅན་ལ་འདི་སྐད་ཅེས་བཀའ་སྩལ་ཏོ། །གཞོན་ནུ་ལེགས་སོ་ལེགས་སོ། །གང་ཁྱོད་དེ་བཞིན་གཤེགས་པ་ལ་དོན་འདི་འདྲི་བར་སེམས་པ་ནི་སྤོབས་པ་ལེགས་ཤིང་ཁྱོད་བཟང་ངོ་། །དེའི་ཕྱིར་གཞོན་ནུ་ཁྱོད
152a5 ལེགས་པར་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས་དེ་ལྟར་འཚལ་ལོ་ཞེས་གསོལ་ཏེ། བྱང་ཆུབ་སེམས་དཔའ་རིན་ཆེན་དྲ་བ་ཅན་སེམས་རྩེ་གཅིག་ཏུ་བཅོམ་ལྡན་འདས་ཀྱིས་ལྟར་ཉན་པ་དང་། བཅོམ
152a6 ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །གཞོན་ནུ་འདི་ནས་ཤར་ཕྱོགས་ལོགས་ན་འཇིག་རྟེན་གྱི་ཁམས་མུ་ཏིག་ཅན་ཞེས་བྱ་བ་ཞིག་ཡོད་དེ། གཞོན་ནུ་འདི་ལྟ་སྟེ། སྲིད་པའི་རྩེ་མོ་གང་གའི་ཀླུང་གི་བྱེ་མ་སྙེད་དུ་གྱུར་ལ།
152a7 དེ་དག་ཐམས་ཅད་ཀྱང་རྡུལ་ཕྲ་མོའི་རྡུལ་སྙེད་ཀྱིས་ཡོངས་སུ་གང་བར་གྱུར་ཅིག་།དེ་ནས་སྐྱེས་བུ་འགའ་ཞིག་བྱུང་བས་དེ་དག་ལ་རྡུལ་ཕྲ་མོའི་རྡུལ་ཅིག་ཁྱེར་ཏེ། ཇི་ཙམ་དུ་འཇིག་རྟེན་གྱི་ཁམས་སྲིད་པའི་རྩེ་མོའི་མཐས་གཏུགས་པ་དེ་དག་རྡུལ
152a8 ཕྲ་མོའི་རྡུལ་གྱིས་ཡོངས་སུ་གང་ཇི་སྙེད་པ་དེ་སྙེད་ཀྱི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་ཕྲག་འབུམ་འདས་ནས་རྡུལ་ཕྲ་མོའི་རྡུལ་གཅིག་འཇོག་ན། གཞོན་ནུ་རྣམ་གྲངས་དེ་དང་གྲངས་དེའི་གཞིས་ཡུན་རིང་པོ་འདས་པས་རྡུལ་ཕྲ་མོའི
iiif viewer powered by OpenSeadragon
