| e-texts navigator |
| Wylie |
108a1 ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ཏེ། བཞི་གང་ཞེ་ན་ཐབས་ལ
108a2 མཁས་པས་མངོན་པར་བསྒྲུབ་པའི་ཤེས་རབ་དང་། སྙིང་རྗེ་ཆེན་པོས་མངོན་པར་བསྒྲུབ་པའི་བྱམས་པ་དང་། དོན་དང་ཆོས་ཀྱིས་མངོན་པར་བསྒྲུབ་པའི་སྤོབས་པ་དང་། བྱང་ཆུབ་ཀྱི་ཡན་ལག་གི་རྣམ་པས་མངོན་པར་བསྒྲུབ་པའི་མངོན
108a3 པར་ཤེས་པ་ལྔ་པོ་དག་སྟེ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ནོ། །དེ་ལ་འདི་སྐད་ཅེས་བྱ་སྟེ། ཐབས་ལ་མཁས་པ་མངོན་པར
108a4 སྒྲུབ་པར་བྱེད་པ་ཡི། །མངོན་སུམ་ཤེས་རབ་རྟོགས་པར་ཁོང་དུ་ཆུད་གྱུར་ཅིང་། །ཐམས་ཅད་སྐྱབས་ཕྱིར་སྙིང་རྗེ་ཆེན་པོ་ཡངས་པ་ལ། །གནས་པའི་བྱམས་པ་མངོན་པར་བསྒྲུབ་པར་བྱེད་གྱུར་ལ། །དོན་དང་ཆོས་ལ་ཤིན་ཏུ་མཁས་པར
108a5 འགྱུར་བ་ཡི། །སོ་སོ་ཡང་དག་རིག་ལ་སྤོབས་པ་ཐོབ་གྱུར་ལ། །བྱང་ཆུབ་ལམ་ལ་མངོན་ཤེས་དག་གིས་རྣམ་རྩེ་ན། །དེས་ནི་གཞན་གྱི་དྲིང་ལ་འཇོག་པར་མི་འགྱུར་རོ། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས
108a6 བཞི་དང་ལྡན་ན་བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན་ཏེ། བཞི་གང་ཞེ་ན། ཕྱིར་མི་ལྡོག་པའི་བརྩོན་འགྲུས་དང་། བསམ་པ་དག་པའི་བརྟུལ་བ་དང་། བྱང་ཆུབ་ལ་འདུན་པ་དྲག་པོ་དང་ལྡན་པ་དང་། སངས་རྒྱས་ཀྱི་ཆོས
108a7 ཡོངསུ་བསྒྲུབ་པ་ལ་ཡིད་ཡོངསུ་མི་སྐྱོ་བ་དང་ལྡན་པ་སྟེ། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན་བརྩམ་པ་ཐམས་ཅད་ལ་བརྩོན་འགྲུས་བརྟན་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། བརྩོན་འགྲུས་བརྟན
108a8 ཞིང་རབ་ཏུ་གནས་པར་མེད་གྱུར་ཅིང་། །བསམ་པ་རྙོག་པ་མེད་ཅིང་ཡོངསུ་དག་གྱུར་ལ། །སངས་རྒྱས་ཡེ་ཤེས་དོན་ཕྱིར་འདུན་པ་གྲགས་ལྡན་ཞིང་། །སངས་རྒྱས་ཆོས་རྣམས་འདོད་ཅིང་རྟག་ཏུ་ཡོངས་མི་སྐྱོ། །གང་ལ་ཆོས་བཞི་རྒྱ་ཆེན་ཁྱད་པར་དེ
iiif viewer powered by OpenSeadragon
