| e-texts navigator |
| Wylie |
228b1 ཐམས་ཅད་ལ་མི་ལྟ་བར་ཡོངས་སུ་གཏོང་བ་ཅན་དུ་འགྱུར་རོ། །བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་སངས་རྒྱས་ཀྱི་ཆོས་ཐམས་ཅད་ཡང་དག་པར་སྒྲུབ་པས་བླ་ན་མེད་པའི་ཆོས་རྙེད་པར་འགྱུར
228b2 རོ། །ཀླུའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན་ལོངས་སྤྱོད་ཆེ་བར་འགྱུར། ལོངས་སྤྱོད་མ་འཕྲོགས་པ་དང་ཆུང་མ་མི་གཡེམ་པར་འགྱུར་རོ། །
228b3 བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་མ་དང་། བུ་དང་། ཆུང་མ་ལ་སུ་ཡང་སྡང་བའི་སེམས་ཀྱིས་ལྟ་བར་མི་འགྱུར་རོ། །ཀླུའི་བདག་པོ་བརྫུན་དུ་སྨྲ་བ་སྤངས་པའི་བྱང་ཆུབ་སེམས་དཔས་སྦྱིན་པ
228b4 བྱིན་ན་ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་། སྐུར་པ་འདེབས་པ་མེད་པར་འགྱུར་བ་ནི་ནན་ཏན་སྲུང་བར་འགྱུར་རོ། །བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་ཇི་སྐད་སྨྲས
228b5 པ་དེ་བཞིན་བྱེད་དེ་ཡི་དམ་ལ་བརྟེན་པར་འགྱུར་རོ། །ཀླུའི་བདག་པོ་ཕྲ་མའི་ཚིག་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན་ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་གཡོག
228b6 འཁོར་མི་ཕྱེད་པར་འགྱུར་རོ། །བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་བསམ་པ་འཐུན་པས་བྱང་ཆུབ་སེམས་དཔའི་གཡོག་འཁོར་འཐོབ་བོ། །ཀླུའི་བདག་པོ་ཚིག་རྩུབ་པོ་སྤངས་པའི
228b7 བྱང་ཆུབ་སེམས་དཔས་སྦྱིན་པ་བྱིན་ན་ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས་པ་དང་། གཟུང་བའི་ཚིག་ཏུ་འགྱུར། བཙུན་པའི་ཚིག་ཏུ་འགྱུར་རོ། །བྱང་ཆུབ་སེམས་དཔའི
228b8 སྤྱད་པ་སྤྱོད་པ་ན་ཡང་འཁོར་མ་མགུ་བར་སུ་ཡང་མི་འགྲོའོ། །ཀླུའི་བདག་པོ་ཚིག་ཀྱལ་པ་སྤངས་པའི་བྱང་ཆུབ་སེམས་དཔས་སྦྱིན་པ་བྱིན་ན་ལོངས་སྤྱོད་ཆེ་བར་འགྱུར། ལོངས་སྤྱོད་མི་འཕྲོགས
iiif viewer powered by OpenSeadragon
