| e-texts navigator |
| Wylie |
226b1 པར་མི་འཚེ་བ་ལ་འགྲོ་བར་འགྱུར་བ་དང་། དེའི་སེམས་གནོད་སེམས་རབ་ཏུ་ཞི་བ་ལ་འགྲོ་བར་འགྱུར་བ་དང་། དེའི་སེམས་རྩོད་པ་མེད་ཅིང་འཐབ་པ་མེད་པ་ལ་འགྲོ་བར་འགྱུར་བ་དང་། དེའི
226b2 སེམས་དྲང་ཞིང་མཉེན་ལ་དེས་པ་ལ་འགྲོ་བར་འགྱུར་བ་དང་། འཕགས་པའི་སྐྱེ་བོར་གྲགས་པར་འགྱུར་བ་དང་། སེམས་ཅན་ཐམས་ཅད་ལ་བདེ་བར་དགའ་ཞིང་བྱམས་པའི་སེམས་ཕན་པའི
226b3 དངོས་པོ་མང་བར་འགྱུར་བ་དང་། བདེ་བ་ལ་མངོན་པར་དགའ་ཞིང་དད་པ་མང་ལ་སྐྱེ་བོ་མང་པོས་སྟི་སྟང་བྱ་བར་འགྱུར་བ་དང་། སེམས་སྣུམ་ཞིང་ལས་སུ་རུང་བས་ཚངས་པའི་འཇིག་རྟེན་དུ
226b4 སྐྱེ་བ་འཐོབ་པ་མི་དཀོན་པར་འགྱུར་བ་སྟེ། ཀླུའི་བདག་པོ་གནོད་སེམས་སྤངས་པའི་སྐྱེས་བུ་གང་ཟག་ནི་ཡིད་བདེ་བར་བྱེད་པའི་ཆོས་བརྒྱད་པོ་དེ་དག་འཐོབ་བོ། །གནོད་སེམས་སྤངས་པའི
226b5 དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་སེམས་ཐོགས་པ་མེད་པའི་དེ་བཞིན་གཤེགས་པ་བལྟ་བས་མི
226b6 ངོམས་པར་འགྱུར་རོ། །ཀླུའི་བདག་པོ་ལོག་པར་ལྟ་བ་སྤངས་པའི་སྐྱེས་བུ་གང་ཟག་ནི་ཡོན་ཏན་གྱི་ཆོས་བཅུ་འཐོབ་བོ། །བཅུ་གང་ཞེ་ན། འདི་ལྟ་སྟེ། བསམ་པ་དགེ་བར་འགྱུར་ཞིང
226b7 གྲོགས་པོ་དགེ་བ་རྙེད་པར་འགྱུར་བ་ཡིན། ལས་ཀྱི་རྣམ་པར་སྨིན་པ་ལ་ཡིད་ཆེས་པས་སྲོག་གི་ཕྱིར་ཡང་སྡིག་པའི་ལས་མི་བྱེད་པ་ཡིན། ལྷར་སངས་རྒྱས་འཛིན་ཀྱི་གཞན་ལྷར་མི་འཛིན་པ
226b8 ཡིན། ངོ་མཚར་དང་བཀྲ་ཤིས་དང་བྲལ་བས་ལྟ་བ་དྲང་བ་ཡིན། གྲོགས་ལྷ་དང་མི་ཡིན་གྱི་དུད་འགྲོའི་སྐྱེ་གནས་པ་དང་གཤིན་རྗེའི་འཇིག་རྟེན་པ་གྲོགས་སུ་མི་འགྱུར་བ་ཡིན། བསོད་ནམས
iiif viewer powered by OpenSeadragon
