| e-texts navigator |
| Wylie |
224b1 ནོ། །ཕྱོགས་དང་ཕྱོགས་མཚམས་རྣམས་སུ་དེའི་བསྔགས་པ་རྗོད་ཅིང་དེ་ལ་ཕ་རོལ་གྱི་གནོད་པའི་འཇིགས་པ་ཐམས་ཅད་མེད་པ་ཡིན་ནོ། །དེའི་དགེ་བ་བརྗོད་པའི་སྒྲ་དང་ཚིགས་སུ་བཅད་པ་མངོན་པར
224b2 འཕགས་པར་འགྱུར་རོ། །བག་ཚ་བ་མེད་པར་འཁོར་གྱི་ནང་དུ་འཇུག་སྟེ་ཞུམ་ཞུམ་པོ་མེད་པར་འགྱུར་རོ། །ཚེ་དང་། སྟོབས་དང་། ཁ་དོག་དང་། བདེ་བ་དང་། སྤོབས་པ་དང་། ལོངས་སྤྱོད་དང་། ཕྱུག
224b3 པ་ཕུན་སུམ་ཚོགས་པ་རབ་ཏུ་འཛིན་པར་འགྱུར་རོ། །དེའི་སེམས་སྦྱིན་པ་ཡང་དག་པར་འགེད་པ་ལ་འགྲོ་བར་འགྱུར་རོ། །ལུས་དང་བྲལ་ནས་ཀྱང་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས
224b4 ཀྱི་ནང་དུ་སྐྱེ་བར་འགྱུར་ཏེ། ཀླུའི་བདག་པོ་དེ་ལྟར་མ་བྱིན་པར་ལེན་པ་སྤངས་པའི་སྐྱེས་བུ་གང་ཟག་ནི་ཡིད་བརྟན་པའི་ཆོས་བཅུ་པོ་དེ་དག་འཐོབ་བོ། །མ་བྱིན་པར་ལེན་པ་སྤངས་པའི་དགེ་བའི་རྩ
224b5 བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་དེ་བཞིན་གཤེགས་པ་ཉེ་བའི་ཉོན་མོངས་པ་ཅན་མ་ཡིན་པའི་ཡེ་ཤེས་ཅན་དུ་རང་གི་མངོན
224b6 པར་ཤེས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཀླུའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག
224b7 ནི་མཁས་པས་བསྔགས་པའི་ཆོས་བཞི་འཐོབ་བོ། །བཞི་གང་ཞེ་ན། འདི་ལྟ་སྟེ། དབང་པོ་སྡོམ་པ་དང་། རྒོད་པ་ལས་ཡང་དག་པར་འདའ་བ་དང་། འཇིག་རྟེན་ཐམས་ཅད་ཀྱིས་བསྔགས
224b8 པ་དང་། ཆུང་མ་མི་འཕྲོགས་པ་སྟེ། ཀླུའི་བདག་པོ་འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ནི་མཁས་པས་བསྔགས་པའི་ཆོས་བཞི་པོ་དེ་དག་འཐོབ་བོ། །འདོད་པ་ལ་ལོག
iiif viewer powered by OpenSeadragon
