| e-texts navigator |
| Wylie |
223a1 མཚན་དང་། ལུས་དང་། རྒྱན་རྣམས་ལ་ལྟོས། ཀླུའི་བདག་པོ་དེ་དག་ཐམས་ཅད་ནི་དགེ་བའི་ལས་མངོན་པར་འདུ་བྱ་བ་རྣམས་ཀྱིས་མངོན་པར་འདུས་བྱས་པས་བརྒྱན་པ་བསྒྲུབས་པའོ། །ཀླུའི་བདག་པོ་ཁྱོད་ཀྱི
223a2 བཀོད་པ་འདི་ཡང་བསོད་ནམས་ཐམས་ཅད་ལས་བྱུང་བའོ། །ཀླུའི་བདག་པོ་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང
223a3 དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་འདི་དག་གི་བཀོད་པ་གང་ཡིན་པ་དེ་དག་ཐམས་ཅད་ཀྱང་བསོད་ནམས་ལས་བྱུང་བའོ། །ཀླུའི་བདག་པོ་རྒྱ་མཚོ་ཆེན་པོ་འདི་ན་གང་དག་ལུས་སྣ
223a4 ཚོགས་གཟུགས་མི་སྡུག་ཅིང་དབྱིབས་མ་ལེགས་པ་དང་། དབྱིབས་ལེགས་པ་དང་། ལུས་རགས་ཤིང་ཆེ་བ་རྣམས་དང་། གང་དག་ལུས་ཕྲ་ཞིང་ཆུང་བ་དེ་དག་ཐམས་ཅད་ཀྱང་རང་རང་གི་སེམས་དང་།
223a5 ལུས་དང་། ངག་དང་། ཡིད་ཀྱི་ལས་དགེ་བ་དང་མི་དགེ་བས་སྣ་ཚོགས་སུ་གྱུར་པ་དག་གོ། །ཀླུའི་བདག་པོ་དེ་བས་ན་ལས་བདག་གིར་བྱ་བ་ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་པ།
223a6 ལས་ཀྱི་རྣམ་པར་སྨིན་པ་ལ་རྟེན་པར་བྱའོ་ཞེས་ཀླུའི་བདག་པོ་ཁྱེད་ཀྱྀས་དེ་ལྟར་སློབས་ཤིག་དང་། ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་རྣམ་པར་སྨིན་པ་ལ
223a7 རྟེན་པ་ཁྱེད་དགེ་བའི་ཆོས་མངོན་པར་འདུ་བྱ་བ་ལ་བློ་འཇུག་པར་འགྱུར་རོ། །ལྟ་བ་ཆུད་གསོན་པར་བྱེད་པར་མི་འགྱུར་རོ། །ཆད་པ་དང་རྟག་པར་ལྟ་བ་ལ་གནས་པར་མི་འགྱུར་རོ། །ཁྱེད
223a8 ཀྱིས་སྦྱིན་པའི་གནས་རྣམས་མགུ་བར་བྱེད་པར་འགྱུར་རོ། །མགུ་བར་བྱས་ནས་ཀྱང་སྟི་སྟང་བྱེད་པར་འགྱུར་རོ། །སྟི་སྟང་བྱས་པའི་རྒྱུ་ལས་བྱུང་བས་ལྷ་དང་བཅས་པའི་འཇིག་གྱིས་སྟི
iiif viewer powered by OpenSeadragon
