| e-texts navigator |
| Wylie |
216a1 སྐྱེ་བ་མ་མཆིས་མཐའ་གང་མཐའ་དེ་ལགས། །བདག་གི་བདག་མེད་མཐའ་ནི་ནམ་མཁའི་མཐའ། །ཀུན་གྱི་མཐའ་ནི་མཐའ་མཉམ་ཐོབ་པ་དེས། །སངས་རྒྱས་བསམ་གྱིས་མི་ཁྱབ་དམ
216a2 པ་འཐོབ། །སྔོན་གྱི་མཐའ་དང་ཕྱི་མའི་མཐའ་དང་ནི། །སྐྱེ་བའི་མཐའ་དང་སྐྱེ་བ་མ་མཆིས་མཐའ། །མཐའ་ཀུན་དེ་ལྟར་མཉམ་པར་མཐོང་བ་དང་། །ཆགས་མེད་མཐའི་སྒོ་ཤེས་ལྡན་པ་དང་། །
216a3 དུས་གསུམ་མཐའ་རྣམས་ལ་ནི་མ་ཆགས་དེས། །རྒྱལ་བ་རྣམས་ཀྱི་རིགས་མཆོག་ཐོབ་པར་འགྱུར། །འགྲོ་བ་བཅིངས་ལས་རྣམ་པར་གྲོལ་མཛད་ནས། །ཞི་མཆོག་མྱ་ངན་འདས་པ་བརྙེས
216a4 པར་འགྱུར། །འགྲོ་ཀུན་རྨི་ལམ་ལྟ་བུར་དེས་གཟིགས་ནས། །འདིར་ནི་མིང་དང་གཟུགས་ལ་སེམས་མ་ཆགས། །ཆོས་ཀུན་ལས་ནི་རྣམ་པར་དག་པའི་མིག་།ཞི་བ་དང་ནི་མི་གཡོ་མི་འགུལ
216a5 འཐོབ། །ཆོས་རྣམས་ཐམས་ཅད་སྒྲ་མེད་སྐད་མེད་པ། །གཟུང་དུ་མེད་ཅིང་དངོས་མེད་རྣམ་པར་དག་།དེ་བཞིན་རྒྱལ་བ་དམ་པ་རྣམས་ཀྱི་གདུང་། །ཞི་བའི་ངོ་བོ་ཉིད་དེ་སྨོན་པ་སྤངས། །སྐྱོན་མེད
216a6 རིམས་ནད་མེད་ཅིང་མྱ་ངན་བྲལ། །སྤྲོས་ཀུན་ཉེ་བར་ཞི་ཞིང་བསམ་མི་ཁྱབ། །རྒྱལ་བ་མཆོག་རྣམས་ཀྱི་ནི་ཆོས་འདི་དག་།གཟུང་བྲལ་རང་བཞིན་སྒྲ་དང་སྐད་མ་མཆིས། །འགྲོ་ལ་སྨན་སླད་སྐྱེས
216a7 བུ་དམ་པ་ཡིས། །དེ་ཡང་ཡི་གེ་རྣམས་ཀྱིས་གླེང་ཞིང་བསྟན། །གང་གིས་འཇིག་རྟེན་བླ་མར་རང་འབྱུང་མཐོང་། །མཐོང་ནས་ཀྱང་ནི་ཡིད་ལ་དད་བགྱིད་དང་། །ཁྱད་པར་འགྲོ་བའི་ཆོས་ཀྱང་ཉན་པ
216a8 ཡི། །ལྷ་དང་མི་རྣམས་རྙེད་པ་ལེགས་པར་རྙེད། །ཕྱོགས་དང་ཕྱོགས་མཚམས་རྣམས་སུ་ཆོས་འདི་ནི། །འཇིག་རྟེན་རྣམ་པར་འདྲེན་པས་རབ་ཏུ་བསྟན། །གང་དག་མ་འོངས་སངས་རྒྱས་འགྱུར
iiif viewer powered by OpenSeadragon
