| e-texts navigator |
| Wylie |
215b1 མཆིས་པ་དེ་འདྲ་མཁྱེན་ནས་ནི། །འདམ་ལས་རྒལ་ཏེ་སེམས་ཅན་རྣམས་ཀྱང་འདུལ། །གང་ཚེ་ཆོས་རྣམས་གསོག་དང་གསོབ་ཏུ་གཟིགས། །ནམ་མཁའ་ཆང་སྟོང་འདྲ་ཞིང་སྙིང་པོ་མེད། །དེ་དག
215b2 བདག་གི་ངོ་བོ་མ་མཆིས་པས། །བདག་མེད་དངོས་མེད་དངོས་པོ་མེད་མ་ལགས། །མཐའ་རྣམས་ཀུན་དུ་ལྟ་བ་ཀུན་སྤངས་ན། །བྱང་ཆུབ་རྡུལ་མེད་རྣམ་དག་ཐོབ་པར་འགྱུར། །སྐྱེ་དང་རྒ་དང
215b3 གནོད་པར་བགྱི་བ་གང་། །འཆི་དང་གནས་པ་གང་ལགས་སུ་ཡང་མེད། །གང་འདིར་སྐྱེ་དང་རྒ་དང་ན་དང་འཆི། །ཤེད་ལས་སྐྱེས་དང་ཤེད་བུ་དེ་མ་མཆིས། །འདི་ན་བདག་དང་བདག་གི་མ་མཆིས
215b4 ཏེ། །གང་ཟག་ཤེས་སྐྱེས་ཤེད་བུ་ཡོང་མ་མཆིས། །འདི་བརྫུན་བདག་པོ་མ་མཆིས་དབང་མ་མཆིས། །འཚོ་བའི་འཇིག་རྟེན་སྒྱུ་མ་ལྟ་བུར་འཇུག་།བྱེད་པ་མ་མཆིས་ཚོར་བ་པོ་མ་མཆིས། །
215b5 འོན་ཀྱང་ལས་མཆིས་འབྲས་བུ་དོན་མ་མཆིས། །འགྲོ་བའི་ལས་ཀྱི་རྐྱེན་གྱིས་རང་བཞིན་འབྱུང་། །ཕན་ཚུན་དུ་ནི་རྒྱུ་ལ་རྟེན་པར་འདུས། །དགེ་དང་མི་དགེའི་ལས་གང་བགྱིད་པ་དང་། །གང
215b6 ཞིག་བསྒོམས་དང་གང་ཞིག་མང་དུ་བགྱིས། །ཡུལ་ན་མ་མཆིས་ཕྱོགས་ན་མ་མཆིས་ཏེ། །ངོ་བོ་ཉིད་སྟོང་འོན་ཀྱང་རྣམ་པར་སྨིན། །ནང་དང་སླད་རོལ་བར་ན་མི་གནས་ཏེ། །ཆོས་རྣམས་གང་དུའང
215b7 འཕུངས་པ་ཡོང་མ་མཆིས། །དེ་དག་གང་ལ་འང་རྟེན་པ་མ་མཆིས་ལ། །རྣམ་པར་སྨིན་པ་སླུ་བར་ཡོང་མི་བགྱིད། །སྐྱེས་པ་མི་མངའ་འགག་པ་མངའ་མ་ལགས། །མཁས་པ་རྣམས་ནི་གོ་བར
215b8 བགྱི་སླད་དུ། །ཉན་པ་ལ་ནི་སྨྲ་བས་ཚིག་ཀྱང་བསྟན། །ལྟ་བ་རྣམ་པར་སྦྱང་བའི་སླད་དུ་བསྟན། །གང་གི་འདུ་ཤེས་འདུ་ཤེས་ཅན་མ་མཆིས། །མྱ་ངན་འདས་མཆིས་སུ་ཡང་ཞི་མ་མཆིས། །
iiif viewer powered by OpenSeadragon
