| e-texts navigator |
| Wylie |
215a1 མིང་མ་མཆིས་པར་མིང་ནི་རྣམ་པར་བརྟགས། །ཆོས་རྣམས་སྟོང་སྟེ་རང་བཞིན་རྣམ་པར་དག་།འཇིག་རྟེན་འདུ་ཤེས་མཁས་པར་རིག་ནས་ནི། །ཐ་སྙད་ཙམ་ལ་ཀུན་དུ་སྤྱད་པར་བགྱི། །ཆོས
215a2 ཀུན་སྒྱུ་མ་བཞིན་དུ་རིག་ནས་ཀྱང་། །མི་བདེན་སྙིང་པོ་མ་མཆིས་རྨི་ལམ་འདྲ། །རྣམ་སྨིན་རྒྱུ་དང་ཉིང་མཚམས་སྦྱོར་བ་ཙམ། །དེ་ལ་བདེན་པའི་འདུ་ཤེས་ཡོད་མི་བགྱི། །ཆོས་ཀུན་སླུ་བར་མི་བགྱིད
215a3 འཇིགས་པ་ལགས། །སྒྱུ་མ་སྨིག་རྒྱུ་འདྲ་སྟེ་མི་བདེན་པ། །མགལ་མེའི་འཁོར་ལོ་གཟུགས་བརྙན་འདྲ་བ་ལགས། །རྟག་ཏུ་བྱིས་པའི་སྐྱེ་བོ་རྨོངས་པར་བགྱིད། །བྱིས་པས་བདག་དང་བདག་གིར
215a4 འདིར་བརྟགས་ནས། །བླུན་པོ་སྲེད་པས་གཟིར་བ་འདིར་རྨོངས་ཏེ། །འཁོར་བའི་འཁོར་ལོས་ཡོངས་སུ་འཁོར་བ་ན། །སྡུག་བསྔལ་གྱིས་ནོན་ཞི་བ་འཐོབ་མི་འགྱུར། །འགྲོ་བའི་འཇུག་པ་འདི་ནི་ཡང
215a5 དག་མིན། །གང་གི་འཇུག་པ་དེ་ནི་མ་མཆིས་ཏེ། །འཚོ་བའི་འཇིག་རྟེན་ལྟ་བ་གཏི་མུག་ལྡོངས། །རྒྱུན་དུ་ཡང་དང་ཡང་དུ་སྡུག་བསྔལ་རྙེད། །ལྷ་རྣམས་སྡུག་བསྔལ་འཆི་འཕོའི་ཆོས་གཅིག་པ། །
215a6 མི་རྣམས་ཀྱི་ནི་སྡུག་བསྔལ་ཚོལ་ཁྲོ་ལགས། །དམྱལ་བ་དག་གི་སྡུག་བསྔལ་གནོད་པ་རྣམས། །གཅིག་ལ་གཅིག་འཚལ་དུད་འགྲོ་རྣམས་ཀྱི་ལགས། །ཡི་དགས་སྡུག་བསྔལ་འདི་ན་བཀྲེས་དང
215a7 སྐོམ། །འཇིག་རྟེན་ཐམས་ཅད་སྡུག་བསྔལ་རྣམས་སུ་ནུབ། །སྐྱབས་མེད་གྱུར་དང་རྟེན་མེད་གྱུར་པ་ཡི། །འཇིག་རྟེན་སྡུག་བསྔལ་ཐམས་ཅད་གཟིགས་ནས་ནི། །དྲང་སྲོང་ཆེན་པོ་ཐུགས་བརྩེ
215a8 ཐུགས་རྗེ་ཅན། །སྡུག་བསྔལ་རྣམ་པར་དགྲོལ་ཕྱིར་འབྱུང་བར་མཛད། །བྱང་ཆུབ་སེམས་དཔའ་བསྐལ་མང་བྱེ་བར་ཡང་། །བརྟུལ་ཞུགས་བརྟན་ཞིང་ཕ་རོལ་ཕྱིན་ལ་བརྩོན། །སྲིད་མ
iiif viewer powered by OpenSeadragon
