| e-texts navigator |
| Wylie |
214a1 ཐོས་ནས་བར་སྣང་ལ་མངོན་པར་འཕགས་ཏེ། བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ། །བདུད་རྣམས་སྡེ་བཅས་དཔུང་བཅས་ངེས་བཅོམ་ཞིང་། །ལྟ་བ་ངན་པའི་ཚོགས
214a2 ཀུན་བཤིག་ནས་ནི། །ཐུབ་པ་ཆེན་པོས་ཆོས་ཀྱི་ཆར་ཕབ་སྟེ། །འཇིག་རྟེན་ཐམས་ཅད་བདུད་རྩིས་ཚིམ་པར་མཛད། །ཁྱོད་ནི་ཆོས་རྒྱལ་མི་འཇིགས་སྩལ་བ་ལགས། །འདམ་ལས་རྒལ་ཏེ་འཇིགས
214a3 མེད་འགྲམ་ན་བཞུགས། །འཇིག་རྟེན་མིག་སྟེ་ལམ་མཆོག་སྟོན་པ་པོ། །སྐྱེ་བོ་སྐྱབས་མ་མཆིས་པའི་མགོན་པོ་ལགས། །སྨན་པའི་རྒྱལ་ཁྱོད་ཟུག་རྔུ་འབྱིན་པ་ཡི། །སྨན་པ་རྒ་ཤི་མེད་པའི་སྨན
214a4 སྩོལ་བ། །ཅི་ནས་ཕྱིན་ཆད་ནད་རྣམས་མི་འབྱུང་བར། །ནད་དང་རྒ་བས་གཟིར་རྣམས་གསོ་མཛད་པ། །ཁྱོད་ནི་སྟོན་སྐྱབས་བླ་མ་གཅིག་པུ་ལགས། །གཏན་དུ་བདེ་བ་སྦྱིན་པ་ཁྱོད་ཉག་གཅིག་།
214a5 ཁྱོད་ནི་རུ་སྐྱ་འཛིན་པ་དོན་དམ་མཁྱེན་པ་ལགས། །འཁོར་བའི་སྡུག་བསྔལ་ལས་ནི་ཟློག་མཛད་པ། །ལྷ་ཡི་ལྷ་སྟེ་འགྲོ་བ་རྣམས་ཀྱི་གཙོ། །འཇིག་རྟེན་ཀུན་གྱི་སྒྲོན་མར་གྱུར་པ་ལགས། །ཁྱོད་དང
214a6 མཇལ་ན་འཇིག་རྟེན་ཆུ་ཆེན་རྒལ། །མི་རྣམས་ཀྱི་ནི་མི་མཆོག་ཁྱོད་ཉག་ཅིག་།ཡེ་ཤེས་གཟུགས་དང་ཕ་རོལ་གནོན་པ་ཡིས། །ཐུབ་དབང་ཁྱོད་འདྲ་སུ་ཡང་མ་མཆིས་ཏེ། །ཁྱོད་ནི་ལྷར་བཅས
214a7 འཇིག་རྟེན་ཐམས་ཅད་ཀྱི། །སྟོན་པ་པོ་སྟེ་ཐར་པའི་ལམ་མཚོན་ལགས། །ཁྱོད་ནི་ཐམས་ཅད་ཟིལ་མནན་ཀུན་མཁྱེན་མཆོག་།འཇིག་རྟེན་ཆོས་རྣམས་ཀྱིས་ནི་ཁྱོད་མ་གོས། །ཀུན་མཁྱེན་སྲེད་བྲལ
214a8 རྣམ་གྲོལ་དཔའ་བ་དང་། །ཡེ་ཤེས་མཆོག་བརྙེས་ཁྱོད་ལ་བདག་ཕྱག་འཚལ། །ཇི་ལྟར་བར་སྣང་ནམ་མཁའ་རྣམ་པར་དག་།གཟུགས་མེད་གཟུང་དུ་མ་མཆིས་འདུས་མ་བགྱིས། །དེ་བཞིན་ཆོས
iiif viewer powered by OpenSeadragon
