| e-texts navigator |
| Wylie |
213b1 པ། ཆོས་འདི་ལྟ་བུར་ཟབ་པ། ཟབ་པར་སྣང་བ། ཚོར་བ་ཐམས་ཅད་རྒྱུན་ཆད་པ། བདག་མེད་པ། སེམས་ཅན་མེད་པ། སྲོག་མེད་པ། གསོ་བ་མེད་པ། གང་ཟག་མེད་པ། རྒྱུ་བ་མེད་པ་འདི
213b2 ལ་མོས་ལ་མོས་ནས་ཀྱང་དེ་ཁོ་ན་བཞིན་དུ་སྒྲུབ་པ་དང་ཡིན་པ་དེ་དག་ནི་དེ་བས་ཀྱང་ཆེས་དཀའ་བ་བྱེད་པ་ཡིན་ཏེ། དེ་དག་ནི་དེ་བཞིན་གཤེགས་པ་རྣམས་ཀྱི་འཐུན་པའི་དགེ་བ་དང་། གྲོགས་དང་།
213b3 མཛའ་བཤེས་ཡིན་ནོ། །དེ་དག་གིས་ནི་སེམས་ཅན་རྣམས་ཀྱི་ཕྱིན་ཅི་ལོགས་སྤངས་པའི་ཕྱིར་ཆོས་སྟོན་ནུས་སོ། །དེ་དག་གིས་ནི་བྱང་ཆུབ་ཀྱི་སྙིང་པོ་མཆོག་དམ་པ་ལ་འདུག་ནས་བདུད་ཀྱི་དཔུང
213b4 བྱེ་བ་ཕྲག་བརྒྱ་བྱམས་པ་དང་། ཤེས་རབ་དང་། བརྩོན་འགྲུས་ཀྱིས་གཞོམ་པར་ནུས་སོ། །དེ་དག་གིས་ནི་ཆོས་ཐམས་ཅད་ལ་དབང་བྱེད་པ་དང་། སེམས་དཔའ་བ་དང་། ཐམས་ཅད་མཁྱེན
213b5 པའི་ཡེ་ཤེས་མངོན་སུམ་དུ་བྱེད་པ་དང་། སེམས་ཀྱི་སྐད་ཅིག་གཅིག་དང་ལྡན་པས་ཐམས་ཅད་མཁྱེན་པའི་ཡེ་ཤེས་མངོན་པར་རྫོགས་པར་འཚང་རྒྱ་བར་ནུས་སོ། །དེ་དག་གིས་ནི
213b6 སེམས་ཅན་ཐམས་ཅད་བརྡ་སྤྲད་པ་དང་། སེམས་ཅན་ཐམས་ཅད་ཀྱི་སེམས་ཇི་ལྟ་བ་བཞིན་དུ་ཤེས་པ་དང་། སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ། ཇི་ལྟ་བ
213b7 བཞིན་དུ་ཤེས་པས་ཆོས་ཀྱི་འཁོར་ལོ་བླ་ན་མེད་པ་བསྐོར་བར་ནུས་སོ། །དེ་དག་གིས་ནི་ཕས་ཀྱི་རྒོལ་བ་རྣམས་ཚར་གཅད་པ་དང་། མུ་སྟེགས་ཅན་ཐམས་ཅད་ཟིལ་གྱིས་མནན་པ་དང་། དགྲ
213b8 ཐམས་ཅད་ཚར་གཅད་པའི་ཕྱིར་ཆོས་ཀྱི་དུང་འབུད་ནུས་སོ། །དེ་ནས་ཀླུའི་རྒྱལ་པོ་རྒྱ་མཚོ་བསམ་པ་གྲུབ་ཅིང་བརྣག་པ་དང་། ཡིད་ལ་བསམ་པ་ཡོངས་སུ་རྫོགས་ཏེ་རང་གིས་ལུང་བསྟན་པ
iiif viewer powered by OpenSeadragon
