| e-texts navigator |
| Wylie |
212b1 གཉིས་སུ་མེད་པའི་མཐའ་ནི་ཡང་དག་པའི་མཐའོ། །ཡང་དག་པའི་མཐའ་ནི་གཏན་དུ་མི་འབྱུང་བའི་མཐའོ། །མཐའ་ཅན་གང་ཡིན་པ་དེ་ནི་འདོད་ཆགས་དང་། ཞེ་སྡང་དང་། གཏི་མུག་རྣམས་སོ། །དེའི
212b2 མཐའ་ཅན་ནི་རྣམ་པར་གྲོལ་བའི་མཐའོ། །གང་མཐའ་དེའི་སྒོར་ཞུགས་པ་ནི་གང་དུ་ཡང་མངོན་པར་ཞེན་པ་མེད་དོ། །གང་མངོན་པར་ཞེན་པ་དེ་ནི་ཐ་སྙད་ཀྱིས་བརྡ་ལ་ཆགས་པ་མེད་དོ། །མ་ཆགས
212b3 ན་གྲོལ་བར་འགྱུར་རོ། །གྲོལ་ན་ཕྱིན་ཅད་མི་རྒྱུ་རབ་ཏུ་མི་རྒྱུའོ། །མི་རྒྱུ་རབ་ཏུ་མི་རྒྱུ་ན་གང་དུ་ཡང་ཉམས་པར་མི་འགྱུར་རོ། །བློ་མ་ཉམས་ན་ཐམས་ཅད་ལས་ངེས་པར་འབྱུང་བར་མཐོང་སྟེ།
212b4 ཇི་ལྟར་རྣམ་པར་མི་མཐོང་བ་དེ་ནི་དེ་ལྟར་ཡང་མཐོང་ངོ་། །གང་གི་ཚེ་རྣམ་པར་མི་མཐོང་བ་དེའི་ཚེ་གཉིས་སུ་མི་འབྱེད་དོ། །གཉིས་སུ་མེད་པ་ལ་གནས་ན་མཉམ་པ་ཉིད་ལ་འཇུག་གོ། །མཉམ་པ་ཉིད
212b5 ལ་ཞུགས་ན་མཐོ་བར་ཡང་མི་འགྱུར་དམའ་བར་ཡང་མི་འགྱུར་རོ། །མཐོ་བ་ཡང་མེད། དམའ་བ་ཡང་མེད་ན་མཉམ་པ་ཉིད་ཀྱི་ཆོས་ཀྱིས་རབ་ཏུ་ཕྱེ་བའི་བཟོད་པ་ཐོབ་པར་འགྱུར་ཏེ། དེ་ལ་བཟོད་པ
212b6 གང་ཡིན་པ་དང་། གང་ལུང་བསྟན་པར་བྱ་བ་དང་། སུས་ལུང་བསྟན་པ་དང་། ཅིའི་ཕྱིར་ལུང་བསྟན་པའི་ཆོས་དེ་དག་ཐམས་ཅད་ཆོས་མཉམ་པ་དང་། ཆོས་མེད་པའི་ཆོས་ཀྱི
212b7 དབྱིངས་སུ་ངེས་པ་དང་། བརྡ་མེད་པ་དང་། འབྱུང་བ་མེད་པ་དང་། དངོས་པོ་དང་དངོས་པོ་མེད་པ་དང་བྲལ་བ་དང་། གཉིས་སུ་མེད་པའི་མཐའ་ཅན་དེ་དག་གི་དོན་ཡོངས་སུ་གཞལ
212b8 ནས། ཆོས་གང་ཡང་བགྲང་བར་མི་བྱེད་དོ། །དཔེར་ན་ནམ་མཁའ་ནི་བགྲང་བ་ལས་ཡང་དག་པར་འདས་སྟེ། དེ་བཞིན་དུ་ཆོས་ཐམས་ཅད་ཀྱང
iiif viewer powered by OpenSeadragon
