| e-texts navigator |
| Wylie |
210a1 པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས
210a2 རྒྱས་བཅོམ་ལྡན་འདས་ཤིན་དུ་དྲི་མ་མེད་ཅིང་ཡོངས་སུ་དག་ལ་ཡོན་ཏན་གྱི་ཚོགས་མཐའ་ཡས་པ་ལས་བྱུང་བའི་རྒྱལ་པོ་ཞེས་བྱ་བར་འགྱུར་རོ། །རྒྱལ་པོ་ཆེན་པོ་འཇིག་རྟེན་གྱི་ཁམས་ཆོས་ཀྱི་སྒྲ་གྲག
210a3 པ་དེ་ནི་རིན་པོ་ཆེ་ས་ཡས་སྤྲས་པར་འགྱུར་ཏེ། འཛམ་བུ་ཆུ་བོའི་གསེར་ལས་གྲུབ་པ་རིན་པོ་ཆེ་སྣ་ཚོགས་དུ་མས་བྲིས་ཤིང་མིག་མངས་རིས་སུ་རྣམ་པར་ཕྱེ་ལ། ལག་མཐིལ་བཞིན
210a4 དུ་མཉམ་སྟེ། ཀ་ཙ་ལིན་དི་ཀའི་གོས་བཞིན་དུ་འཇམ་ཞིང་རེག་ན་བདེ་ལ་ཡངས་ཤིང་ཐ་གྲུ་ཆེ་སྟེ། གླིང་བྱེ་བ་ཕྲག་འབུམ་དང་ལྡན་ལ། འབྱོར་པ་དང་། རྒྱས་པ་དང་། བདེ་བ་དང་ཡིད་དུ
210a5 འོང་བ་སྟེ། ལྷ་དང་མི་མང་པོ་དག་གིས་གང་ལ། གཞན་འཕྲུལ་དབང་བྱེད་པའི་ལྷ་རྣམས་ཀྱི་ཉེ་བར་སྤྱད་པ་དང་ལོངས་སྤྱོད་ཇི་ལྟ་བ་བཞིན་དུ་མི་དེ་དག་གི་ཡང་དེ་དང་འདྲ་བར་འགྱུར་རོ། །འཇིག་རྟེན
210a6 གྱི་ཁམས་ཆོས་ཀྱི་སྒྲ་གྲག་པ་ཞེས་བྱ་བ་དེ་ན་རིན་པོ་ཆེ་ཐམས་ཅད་ལས་གྲུབ་པའི་ཤིང་ཏ་ལའི་ཕྲེང་བ་དག་འབྱུང་བར་འགྱུར་ཏེ། ཤིང་ཏ་ལ་དེ་དག་གི་ལོ་མ་དང་མེ་ཏོག་དང་འབྲས་བུ་ཐམས་ཅད
210a7 ལས་ཆོས་ཀྱི་སྒོ་ཁྲག་ཁྲིག་ཕྲག་འབུམ་མང་པོ་དག་འབྱུང་ངོ་། །འཇིག་རྟེན་གྱི་ཁམས་དེ་ན་སྒྲ་ཇི་སྙེད་འབྱུང་བ་འདི་ལྟ་སྟེ། ལྷའི་སྒྲ་འམ། མིའི་སྒྲ་འམ། མི་མ་ཡིན་པའི་སྒྲ་འམ།
210a8 སྤྲུལ་པའི་སྒྲ་འམ། བྱའི་སྒྲ་འམ། རླུང་གི་སྒྲ་ཡང་རུང་སྟེ། སྒྲ་དེ་དག་ཐམས་ཅད་ཆོས་དང་ལྡན་པར་འབྱུང་བར་འགྱུར་རོ། །དེ་བཞིན་དུ་ཞི་བ་དང་ལྡན་པ་དང་། རབ་ཏུ་ཞི་བ་དང་ལྡན
iiif viewer powered by OpenSeadragon
