| e-texts navigator |
| Wylie |
207a1 ཉེ་བར་རྟོག་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། གཟོད་མ་ནས་མ་བྱུང་བའི་ཕྱིར་རོ། །སྟོང་པའི་ཆོས་ལ་འཇུག་པ་དང་། མཚན་མ་མེད་པ་ལ་ངེས་པར་རྟོགས་པ་དང་སྨོན་པ་དང་བྲལ་བ་ནི་དེ་བཞིན་གཤེགས་པ་ལ་མཆོད
207a2 པ་ཡིན་ཏེ། རྣམ་པར་ཐར་པའི་སྒོ་མངོན་སུམ་དུ་བྱེད་པའི་ཕྱིར་རོ། །རྐྱེན་འདི་པ་ཉིད་ལ་འཇུག་ཅིང་མཐར་ལྟ་བ་སེལ་བ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། རྟག་པ་དང་ཆད་པར་ལྟ་བ་ཡོངས་སུ་སྤོང་བའི་ཕྱིར་རོ། །མ་བྱུང་བ་དང
207a3 མ་སྐྱེས་པར་བཟོད་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། རང་བཞིན་གྱིས་མ་བྱུང་བའི་ཕྱིར་རོ། །ཀླུའི་བདག་པོ་དེ་ལྟར་ན་ལུས་དང་ངག་དང་སེམས་ཀྱི་རྩོམ་པ་གང་ཡིན་པ་དེ་དག་ནི་དེ་བཞིན་གཤེགས་པ་ལ་མཆོད་པ་ཡོངསུ་དག་པ་མ
207a4 ཡིན་གྱི། གང་ན་ལུས་དང་ངག་དང་སེམས་ཀྱི་རྩོམ་པ་མེད་པ་དེ་ནི་དེ་བཞིན་གཤེགས་པ་ལ་མཆོད་པ་ཡོངས་སུ་དག་པ་ཡིན་ནོ། །མངོན་པར་འདུ་བྱེད་པ་མེད་པ་དང་། བླང་བ་མེད་པ་དང་། དོར་བ་མེད་པ་དང་། འཁོར་གསུམ་ཡོངས་སུ་དག་པ་དང་།
207a5 དུས་གསུམ་མཉམ་པ་ཉིད་དང་དྲི་མ་གསུམ་གྱི་དྲི་མ་སེལ་བ་དང་། ཁམས་གསུམ་པ་ལ་མི་རྟེན་པ་དང་རྣམ་པར་ཐར་པའི་སྒོ་གསུམ་ལ་འཇུག་པ་དང་། རིག་པ་གསུམ་གྱི་རིག་པ་ཤེས་པ་ནི་དེ་བཞིན་གཤེགས་པ་ལ་མཆོད་པ་ཡིན་ནོ། །དེ་སྐད
207a6 ཅེས་བཀའ་སྩལ་པ་དང་། བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོས་འདི་སྐད་ཅེས་གསོལ་ཏོ། །བཅོམ་ལྡན་འདས་མེ་ཏོག་དང་བདུག་པ་དང་སྤོས་དང་མེ་ཏོག་ཕྲེང་དང་། བྱུག་པ་དང་ཕྱེ་མ་དང་། གདུགས་དང་། རྒྱལ་མཚན་དང་། བ་དན
207a7 དང་། ན་བཟའ་དང་། བཤོས་དང་། གཟིམས་ཆ་དང་གདན་དང་། སྙུན་གསོས་སྨན་དང་། ཡོ་བྱད་དང་སིལ་སྙན་དང་། ཕེག་རྡོབ་པ་དག་གིས་དེ་བཞིན་གཤེགས་པ་ལ་མཆོད་པ་བགྱིད་པ་གང་ལག་པ་དེ་དག་ཀྱང་ཅི་དེ་བཞིན་གཤེགས་པ་ལ
207a8 མཆོད་པ་བགྱིད་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ་དེ་ནི་བླ་ན་མེད་པའི་མཆོད་པ་དེ་ཉིད་ཀྱིས་ཡོངས་སུ་སྦྱོང་བ་ཡིན་གྱི། མཆོད་པ་དེ་ནི་ཤིན་དུ་མཐར་ཐུག་པ་དང་། ཤིན་དུ་དྲི་མ་མེད་པ་དང་ཤིན་དུ་ཚངས་པར
iiif viewer powered by OpenSeadragon
