| e-texts navigator |
| Wylie |
205b1 མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་འགྱུར་རོ། །དེ་ནས་རྒྱ་མཚོ་ཆེན་པོའི་ལྷ་མོ་འོད་ལྡན་མས་བཅོམ་ལྡན་འདས་ལས་བདག་ཉིད་ཀྱི་ལུང་བསྟན་པ་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང
205b2 དགའ་བ་དང་ཡིད་བདེ་བ་སྐྱེས་ཏེ་རྒྱ་མཚོ་ཆེན་པོའི་རིན་པོ་ཆེ་དང་། རིན་ཐང་མཉམ་པའི་རིན་པོ་ཆེའི་ཕྲེང་བ་བཅོམ་ལྡན་འདས་ཀྱི་སྐུ་ལ་གསོལ་ནས་སོར་མོ་བཅུའི་ཐལ་མོ་སྦྱར་ཏེ། དེའི་ཚེ་བཅོམ་ལྡན་འདས་ལ་ཚིགས་སུ་བཅད་པ་འདི་དག་སྨྲས་སོ། །
205b3 བདག་ནི་ཐུབ་པ་ཡེ་ཤེས་ཡོན་ཏན་ཀུན་གྱི་འབྱུང་གནས་དེ་ཡིས་ལུངས་བསྟན་ཏེ། །བདག་ནི་འདྲེན་པར་འགྱུར་བ་དག་ལ་ཡིད་གཉིས་ཐེ་ཙོམ་ཅི་ཡང་ཡོང་མ་མཆིས། །སྟོང་གསུམ་ས་བཞི་ཐམས་ཅད་འགས་ཤིང་ཟླ་བ་ས་ལ་ལྷུང་ཡང་གདའ།
205b4 ལྷ་ལས་ལྷག་པའི་ལྷས་མཆོད་སངས་རྒྱས་ཕྱིན་ཅི་ལོག་གི་ཚིག་གསུང་ཡོང་མི་གདའ། །བསམ་པ་བྱམས་པ་བརྩོན་འགྲུས་ཡུལ་ལ་ཐུགས་ནི་འཁྲུག་པར་འགྱུར་བ་མི་མངའ་ལྟོས། །བདག་ནི་སྟོང་པའི་ཡེ་ཤེས་ཡུལ་གྱི་ཆོས་རྣམས
205b5 དག་ལ་གུས་པར་བྱེད་ལ་ལྟོས། །བདེ་བར་གཤེས་པའི་ཡང་དག་སྤྱོད་པ་རྣམས་དང་ཡེ་ཤེས་ཐོགས་པ་མི་མངའ་ལྟོས། །དེ་ཡིས་འདིར་ནི་བདག་གི་སེམས་ཀྱི་ཡུལ་བདེན་མཁྱེན་ནས་དེ་བཞིན་ལུང་ཡ་བསྟན། །སྨོན་པ་རབ་མཆོག་བདེ
205b6 སྦྱིན་སྡུག་བསྔལ་ཀུན་ལས་གྲོལ་བར་མཛད་ལ་ཕྱག་འཚལ་ལོ། །གནས་དང་སྐྱབས་དང་དཔུང་གཉེན་སྐྱོབ་པ་འཇིགས་པ་རྣམས་ལ་འཇིགས་མེད་སྦྱིན་མཛད་པ། །རྒྱལ་བ་ལམ་མཆོག་དམ་པ་སྟོན་མཛད་ལམ་ངན་ཡོངས་སུ
205b7 སྦྱོང་ལ་ཕྱག་འཚལ་ལོ། །འཇིག་རྟེན་རྣམ་པར་གཟིགས་ལ་མཁས་པ་འཇིག་རྟེན་འདས་པའི་འདྲེན་ལ་ཕྱག་འཚལ་ལོ། །འདིར་ནི་ལྷ་དང་མི་རྣམས་གང་དག་སངས་རྒྱས་ཆོས་དང་ཚོགས་རྣམས་ཐོས་པ་དང་། །བྱང་ཆུབ་སྤྱོད་ཅིང་བྱང
205b8 ཆུབ་བསམ་པ་སེམས་པ་དེ་དག་རྙེད་པ་ལེགས་པར་རྙེད། །དེ་དག་ལ་ནི་ངན་ངོན་འགྲོའི་འཇིགས་པ་མེད་དེ་མི་ཁོམ་བརྒྱད་ལས་ཡོངས་སུ་གྲོལ། །དེ་དང་དེ་དག་ལྷ་དང་མིའི་བདེ་ལ་ངེས་ཤིང་ཞི་བའི་གོ་འཕང་འཐོབ། །དེ་ནས
iiif viewer powered by OpenSeadragon
