| e-texts navigator |
| Wylie |
204b1 གྲོལ་མཛད་སྨན་པ་འགྲོ་བས་བསྙེན་བཀུར་བ། །ཐར་པའི་ལམ་སྟོན་ཁྱོད་ལ་དེ་རིང་མགོས་ཕྱག་འཚལ། །རྒྱུ་ཡི་བྱེད་པ་རབ་སྟོན་ལྟ་བའི་མུན་པ་སེལ། །ལམ་མཆོག་སྟོན་པ་རྒྱལ་བ་ཁྱོད་ལ་སྐྱབས་སུ་མཆི། །རིན་ཆེན་སྦྱིན་པ
204b2 གཅིག་པུ་ཆོས་ཀྱི་དགའ་བ་གསུང་། །ས་འདྲའི་ཐུགས་ལྡན་ཁྱོད་ལ་བདག་ནི་སྐྱབས་སུ་མཆི། །འདྲེན་པ་ཡོན་ཏན་རྒྱ་མཚོ་ཡོན་ཏན་ལས་བསྟོད་པའི། །བདག་གིས་བསོད་ནམས་གང་ལགས་དེས་ནི་ཁྱོད་འདྲར་ཤོག་།དེ་ནས
204b3 རྒྱ་མཚོ་ཆེན་པོའི་ལྷ་མོ་འོད་ལྡན་མས་བཅོམ་ལྡན་འདས་ལ་དེ་སྐད་བསྟོད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་སླར་བྱུང་སྟེ་གཤེགས་པས་ད་ནི་རྒྱ་མཚོ་ཆེན་པོ་མི་མཛེས་པ་ལགས་ན། ཅི་ནས
204b4 བདག་རྒྱ་མཚོ་མཛེས་པར་བགྱིད་པ་དེ་ལྟ་བུར་བཅོམ་ལྡན་འདས་ཀྱིས་རྗེས་སུ་བསྟན་ན་ལེགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒྱ་མཚོ་ཆེན་པོའི་ལྷ་མོ་འོད་ལྡན་མ་ལ་འདི་སྐད་ཅེས
204b5 བཀའ་སྩལ་ཏོ། །འོད་ལྡན་མ་ཆོས་བཅུ་པོ་འདི་དག་ནི་རྒྱན་དུ་འགྱུར་བ་ཡིན་ཏེ། བཅུ་གང་ཞེ་ན་འདི་ལྟ་སྟེ། དགེ་བའི་ཅུའི་ལས་ཀྱི་ལམ་ཡོངས་སུ་རྫོགས་པར་བྱ་བའི་ཕྱིར་བྱམས་པའི་རྗེས་སུ་འཇུག་པའི་སེམས་བསྐྱེད
204b6 པ་དང་། སེམས་ཅན་ཐམས་ཅད་ལ་རྣམ་པར་མི་འཚེ་བར་བྱ་བའི་ཕྱིར་སྙིང་རྗེ་ཆེན་པོ་ལ་གནས་པ་དང་། བསམ་པའི་སྦྱོར་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བའི་སེམས་བསྐྱེད་པ་དགའ
204b7 བར་གནས་པ་དང་། སྦྱིན་པ་ཐམས་ཅད་ཡོངས་སུ་གཏོང་བ་དང་། རྣམ་པ་སྣ་ཚོགས་ཀྱི་རྒྱན་གྱི་སྨོན་ལམ་ལ་བརྩོན་འགྲུས་བརྟན་པ་དང་། དགེ་བའི་རྩ་བའི་ཆོས་ཐམས་ཅད་ཡོངས་སུ་རྫོགས་པར་བྱ་བའྀ་ཕྱིར་དྲན
204b8 པ་དང་། ཤེས་བཞིན་དུ་གནས་པ་དང་། སྔོན་གྱི་དགེ་བ་ཆུད་མི་ཟ་བའི་ཕྱིར་དང་ཤེས་རབ་ཡོངས་སུ་རྫོགས་པར་བྱ་བའི་ཕྱིར་ཆོས་དང་ལྡན་ཞིང་ཆོས་འདོད་པ་དང་། ཕན་པའི་དངོས་པོས་སེཾས་ཅན་ཐཾས་ཅད་ལ་ཡོན་ཏན་ཐམས་ཅད་སྐྱེད་པ་དང་། གཉིས་སུ
iiif viewer powered by OpenSeadragon
