| e-texts navigator |
| Wylie |
204a1 ཞལ་རས་ཟླ་བ་འདྲ། །དགེ་བའི་ཆོས་ཀྱིས་འཕགས་པ་བདེ་སྦྱིན་དེང་ཕྱག་འཚལ། །གཟུགས་མཆོག་སྟོན་པ་བསོད་ནམས་བརྒྱའི་མཚན་དང་ལྡན། །ཡོན་ཏན་ཡེ་ཤེས་འཕགས་པ་རྣམ་འདྲེན་དེང་ཕྱག་འཚལ། །
204a2 སྦྱིན་དང་དུལ་བས་འཕགས་པ་ཚུལ་ཁྲིམས་བཟང་པོ་བརྩོགས། །བཟོད་པའི་སྟོབས་ཀྱིས་འཕགས་པ་མི་མཆོག་དེང་ཕྱག་འཚལ། །བརྩོན་འགྲུས་སྟོབས་ཀྱིས་བྱུང་བ་བསམ་གཏན་བློ་གྲོས་སྦྱངས། །ཤེས
204a3 རབ་མཁའ་མཚུངས་ཁྱོད་ལ་དེ་རིང་མགོས་ཕྱག་འཚལ། །བྱམས་པས་སྙོམས་པའི་ཐུགས་ལྡན་ཐུགས་རྗེས་འགྲོ་ལ་གཟིགས། །འདྲེན་པ་ཐུགས་དགྱེས་རྟག་ཏུ་བཏང་སྙོམས་ཕ་རོལ་གཤེགས། །ཀ་ལ་པིང་ཀ་ལྟ
204a4 བུར་གསུང་སྙན་ཚངས་སྐད་སྟོན། །གསུང་སྙན་སྟོན་པ་ཁྱོད་ལ་དེ་རིང་མགོས་ཕྱག་འཚལ། །བདུད་དཔུང་འཇོམས་པ་བདུད་སྟོབས་ངེས་པར་འཇོམས་མཛད་པ། །བྱང་ཆུབ་བརྟུལ་ཞུགས་སྒྲུབ་པ་སྲིད་གསུམ་སྲིད་པས
204a5 མཆོད། །དྲི་གསུམ་དྲི་མ་སྦྱོང་བ་རྣམ་ཐར་གསུམ་སྟོན་པ། །འཇིག་རྟེན་གསུམ་གྲགས་ཁྱོད་ལ་དེ་རིང་མགོས་ཕྱག་འཚལ། །བདེན་པའི་བརྟུལ་ཞུགས་བཟང་རྟོགས་རྟག་ཏུ་ཆོས་ཀྱིས་འཕགས། །རྟག་ཏུ་དགོན་པ་སྤྱོད་ཡུལ
204a6 རྟག་ཏུ་ཡེ་ཤེས་སྦྱོང་། །ཉོན་མོངས་དགྲ་འཇོམས་གཟི་བརྗིད་ལྷག་པར་གཟི་བསྐྱེད་པ། །པད་མ་ལྟ་བུའི་སྤྱན་མངའ་དེང་ཁྱོད་མགོས་ཕྱག་འཚལ། །ལྷུན་པོའི་རྩེ་འདྲ་དགོངས་པ་རྡོ་རྗེ་ལྟ་བུར་བརྟན། །དགོངས་པ་ས་འདྲ་ཡོན་ཏན་རྒྱ་མཚོ་ཕྱག
204a7 འཚལ་ལོ། །འགྲོ་ལ་སྟོང་པ་སྟོན་པ་ཞི་གནས་ཕ་རོལ་ཕྱིན། །རབ་ཏུ་ཞི་བའི་ཐུགས་ལྡན་ཁྱོད་ལ་སྐྱབས་སུ་མཆི། །བདུད་རྩི་དམ་པ་སྟོན་པ་འགྲོ་མིན་འགྲོ་བ་གཅོད། །ལྷ་དང་མིས་མཆོད་ཁྱོད་ལ་དེ་རིང་མགོས་ཕྱག་འཚལ། །ས་སྟེང་ལྷ་ཡུལ
204a8 གྲགས་པ་སྙན་དང་གྲགས་པ་འཕགས། །ཡོན་ཏན་རྒྱ་ཆེན་མི་ཟད་ཡོན་ཏན་འབྱུང་གནས་འདུད། །ཇི་སྐད་གསུངས་བཞིན་མཛད་ཅིང་ཇི་སྐད་མཛད་བཞིན་གསུང་། །ཇི་སྐད་སྤྱོད་བཞིན་སྐུལ་བ་དེང་ཁྱོད་མགོས་ཕྱག་འཚལ། །རྒ་ཤི
iiif viewer powered by OpenSeadragon
