| e-texts navigator |
| Wylie |
203b1 མངོན་པར་འདུས་བྱས་པ་དེ་དག་ཐམས་ཅད་རྗེས་སུ་དྲན་པར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱེད་པ་མཛད་དོ། །དེ་དག་གིས་ཀྱང་མངོན་སུམ་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས
203b2 སེམས་ནི་དམུ་རྒོད་གདུལ་དཀའ། ཞིང་བསྲུང་དཀའ་བ་ལགས་ཏེ་དེར་བདག་ཅག་གིས་སེམས་བརྐམ་ཆགས་ཅན་དུ་གྱུར་པས། བཅོམ་ལྡན་འདས་དེ་བཞིན་གཤེགས་པ་གསེར་ཐུབ་དེ་མ་མཉེས་པར་བགྱིས་ལགས་སོ། །
203b3 བཅོམ་ལྡན་འདས་བདག་ཅག་གིས་སླན་ཆད་རང་གིས་སྲོགས་ཀྱང་ཡོངས་སུ་གཏང་བར་འཚལ་གྱིས་སྡིག་པའི་ལས་ནི་མི་བགྱིད་དོ། །བཅོམ་ལྡན་འདས་ཀྱིས་དེ་དག་ཆོས་ཀྱི་གཏམ་གྱིས་དགའ་བ་སྐྱེས་ནས་འདི་སྐད
203b4 ཅེས་བཀའ་སྩལ་ཏོ། །གྲོགས་པོ་དག་དེ་བཞིན་གཤེགས་པ་བྱམས་པའི་འདུས་པ་དང་པོའི་གྲངས་སུ་གཏོགས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་རྒྱ་མཚོ་ཆེན་པོར་སེམས་ཅན་གྱིས་དོན་ཇི་སྙེད་བྱ་དགོས་པ
203b5 དེ་དག་ཐམས་ཅད་མཛད་ནས་ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀླུའི་བདག་པོ་ཚུར་ཤོག་།ད་རང་མལ་ཆ་དང་སྟན་རྣམས་སྡུས་ཤིག་།ད་ནི་རང་གི་གནས་སུ་འགྲོའོ། །དེ་ནས་བཅོམ་ལྡན་འདས་ཞབས
203b6 འབྲིང་མ་དང་བཅས་པར་གདན་ལས་བཞེངས་ནས་རྒྱ་མཚོ་ཆེན་པོའི་ནང་ནས་ཕྱིར་ཡང་རིན་པོ་ཆེའི་ཐེམ་སྐས་རྣམས་ལས་བཀོད་པ་ཆེན་པོ་དང་། མཆོད་པ་ཆེན་པོ་དང་། སངས་རྒྱས་ཀྱི
203b7 ཆེ་བ་ཉིད་ཆེན་པོས་གཤེགས་ནས། མགུར་བསལ་ཏེ། རྒྱ་མཚོའི་འགྲམ་དུ་གཞེས་སོ། །དེ་ནས་རྒྱ་མཚོ་ཆེན་པོའི་ལྷ་མོ་འོད་ལྡན་མས། བཅོམ་ལྡན་འདས་ལ་ཚིགས་སུ་བཅད་པ་འདི
203b8 དག་གིས་མངོན་པར་བསྟོད་པ། སུམ་བཅུ་རྩ་གཉིས་མཚན་མངའ་ལྷ་དང་མིས་མཆོད་པ། །ལྷ་མིན་དབང་པོས་བསྙེན་བཀུར་མི་མཆོག་དེང་ཕྱག་འཚལ། །པད་མ་ལྟ་བུའི་སྤྱན་མངའ
iiif viewer powered by OpenSeadragon
