| e-texts navigator |
| Wylie |
200a1 འཁོར་འདིར་ལྷ་དང་ལྷ་མ་ཡིན་འདུས་པ་འདི་དག་ཐམས་ཅད་ཀྱང་། ཅི་ནས་གཅིག་ལ་གཅིག་འཐུན་པར་བགྱིད་པ་དང་། བྱམས་པར་སེམས་པ་དང་། ཕན་པར་སེམས་པ་དང་། གནོད་པར
200a2 སེམས་པར་མི་འགྱུར་བ་དེ་ལྟ་བུར་སེམས་དད་པར་བཅོམ་ལྡན་འདས་ཀྱིས་མཛད་ཏུ་གསོལ། དེ་ནས་བཅོམ་ལྡན་འདས་ཀྱིས་ལྷ་མ་ཡིན་གྱི་དབང་པོ་སྒྲ་གཅན་དང་། ལྷ་མ་ཡིན་གྱི་དབང་པོ་བདེ་མཆོག་དང་།
200a3 ཐགས་ཟངས་རིས་དང་། ལག་བཟངས་དང་། སིམ་བྱེད་རྣམས་ལ་བཀའ་སྩལ་པ། གྲོགས་པོ་དག་བྱམས་པ་ནི་སངས་རྒྱས་ཐམས་ཅད་ཀྱིས་བསྔགས་སོ། །བྱམས་པའི་རྗེས་སུ་འཇུག་པའི་སྐྱེས་བུ
200a4 གང་ཟག་གིས་ནི་ཚེ་འདི་དང་། ཚེ་ཕྱི་མའི་དོན་ཐོབ་པར་འགྱུར་རོ། །གྲོགས་པོ་དག་ཚེ་འདི་ནི་ཡུན་ཐུང་ངོ་། །ཚེ་ཕྱི་མར་ནི་འགྲོ་དགོས་སོ། །འབྱོར་པ་ཐམས་ཅད་ཀྱི་མཐའ་ནི་རྒུད་པའོ། །རྒྱལ་པོའི་ལོངས
200a5 སྤྱོད་དང་དབང་ཕྱུག་རྣམས་ནི་མི་རྟག་གིས་ཁྱེད་ལྷན་ཅིག་འཐུན་པ་དང་གནོད་སེམས་མེད་པ་དང་། འཇིག་རྟེན་ཕ་རོལ་ལ་ལྟ་བ་དང་། ལས་ཀྱི་རྣམ་པར་སྨིན་པ་ལ་རྟོན་པས་གནས་པར་གྱིས་ཤིག་།བཅོམ
200a6 ལྡན་འདས་ཀྱིས་དེ་ལྟར་ཅི་ནས་སུམ་བཅུ་རྩ་གསུམ་པའི་ལྷ་རྣམས་དང་། ལྷ་མ་ཡིན་དེ་དག་འཐུན་པར་གནས་པར་འགྱུར་བ་དེ་ལྟ་བུའི་སྐྱོ་བའི་གཏམ་མཛད་དོ། །དེ་ནས་ཚིག་འདི་སྐད་ཅེས་གསོལ་ཏོ། །
200a7 བཅོམ་ལྡན་འདས་བདག་ཅག་དེང་སླན་ཆད་གཉེན་པའི་ཚུལ་དུ་བགྱིད་ཅིང་གཅིག་ལ་གཅིག་བྱམས་པའི་སེམས་དང་གནོད་སེམས་མ་མཆིས་པས་གནས་པར་འཚལ་ལོ། །བཅོམ་ལྡན་འདས་ཀྱིས་བཀའ
200a8 སྩལ་པ། གྲོགས་པོ་དག་ལེགས་སོ་ལེགས་སོ། །བྱམས་པའི་སེམས་གང་ཡིན་པ་དེ་ནི་དེ་བཞིན་གཤེགས་པ་རྣམས་ཀྱི་མཆོད་པའི་མཆོག་ཡིན་ནོ། །རྫས་ལས་བྱུང་བའི་བསོད་ནམས་བྱ་བའི་དངོས་པོ
iiif viewer powered by OpenSeadragon
