| e-texts navigator |
| Wylie |
199a1 སོ། །འཁོར་ལོ་དེ་ནི་ཤིན་ཏུ་ཀུན་ནས་ཉོན་མོངས་པ་ཅན་མ་ལགས་པས་རྣམ་པར་དག་པ་ལགས་སོ། །འཁོར་ལོ་དེ་ནི་ཆད་པ་དང་རྟག་པ་མི་དམིགས་པས་ཡོད་པ་ཡོངས་སུ་ཆད་པ་མ་ལགསོ།
199a2 འཁོར་ལོ་དེ་ནི་རྒྱུ་དང་རྐྱེན་ཤིན་ཏུ་བརྟགས་པས་འགལ་བ་མ་མཆིས་པ་ལགས་སོ། །འཁོར་ལོ་དེ་ནི་བདེན་པ་ལགས་སོ། །འཁོར་ལོ་དེ་ནི་མི་སྐྱེ་མི་འགག་པ་ལགས་སོ། །འཁོར་ལོ་དེ་ནི་སྟོང་པ་ཉིད་དང་།
199a3 མཚན་མ་མེད་པ་དང་། སྨོན་པ་མེད་པ་ལགས་སོ། །བཙུན་པ་འོད་སྲུང་ཆེན་པོ་འཁོར་ལོ་དེ་འདྲ་བ་གང་ལགས་པ་དེའི་བསྐོར་བ་ཅི་འདྲ་བ་ཞིག་ལགས། སྨྲས་པ་བུ་མོ་ཁྱོད་ཀྱི་བསྟན་པ་འདི་འདྲ་བ
199a4 ལགས་ན། ཁྱོད་ནི་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །སྨྲས་པ་གང་གི་ཚེ་གནས་བརྟན་བྱང་ཆུབ་མངོན་པར་རྫོགས་པར
199a5 འཚང་རྒྱ་བར་འགྱུར་བ་དེའི་ཚེ། བདག་ཀྱང་མངོན་པར་རྫོགས་པར་འཚང་རྒྱ་བར་འགྱུར་ལགས་སོ། །སྨྲས་པ་ཁོ་བོ་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེ་ནི་གནས་མེད་སྐབས་མེད་དེ། །
199a6 སྨྲས་པ་དེ་དེ་ལྟ་ལགས་ཏེ། བྱང་ཆུབ་ནི་གནས་མ་མཆིས་པ་ལ་གནས་པ་སྟེ། དེ་ནི་སུས་ཀྱང་མངོན་པར་རྫོགས་པར་འཚང་རྒྱ་བར་མི་ནུས་ལགས་སོ། །བུ་མོ་དེས་བསྟན་པ་འདི་བཤད་པ་ན།
199a7 བྱང་ཆུབ་སེམས་དཔའ་ལྔ་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བཅོམ་ལྡན་འདས་ཀྱིས་ཀྱང་བུ་མོ་དེ་ལ་ལེགས་སོ་ཞེས་བྱ་བ་བྱིན་ཏེ། བུ་མོ་ལེགས་སོ་ལེགས་སོ། །ཁྱོད་ཀྱི་ཆོས་བསྟན
199a8 པ་འདི་ལེགས་པར་སྨྲས་སོ། ། །། བམ་པོ་དྲུག་པ། དེ་ནས་འཁོར་དེའི་ནང་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་ཁ་ཅིག་འདི་སྙམ་དུ་སེམས་ཏེ། བུ་མོ་འདི་ཡུན་ཇི་སྲིད་ཅིག་ན
iiif viewer powered by OpenSeadragon
