| e-texts navigator |
| Wylie |
198b1 ལགས་སོ། །འདི་ནི་ཡི་གེ་མ་མཆིས་པའི་བཞི་ལགས་སོ། །འདི་ནི་ཇི་ལྟ་བ་བཞིན་གྱི་གཞི་ལགས་སོ། །འདི་ནི་གཞི་མ་མཆིས་པའི་གཞི་ལགས་སོ། །སྨྲས་པ་བུ་མོ་གལ་ཏེ་བྱང་ཆུབ་ཀྱི་མཚན་ཉིད་དེ
198b2 ལྟ་བུ་ཡིན་ན། དེ་ཇི་ལྟར་མངོན་པར་རྫོགས་པར་འཚང་རྒྱ་བར་འགྱུར། སྨྲས་པ་བཙུན་པ་འོད་སྲུང་ཆེན་པོ་ལུས་དང་སེམས་ཀྱིས་མངོན་པར་རྫོགས་པར་འཚང་རྒྱ་བར་མི་འགྱུར་རོ། །དེ་ཅིའི་སླད་དུ་ཞེ་ན། བྱང་ཆུབ
198b3 ནི་ལུས་དང་སེམས་ཀྱི་ངོ་བོ་ཉིད་ཁོ་ན་ལགས་ཏེ། ངོ་བོ་ཉིད་ཀྱིས་ངོ་བོ་ཉིད་མངོན་པར་རྫོགས་པར་འཚང་རྒྱ་བར་མི་འགྱུར་རོ། །སྨྲས་པ་བུ་མོ་ཅི་ཁྱོད་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རམ།
198b4 སྨྲས་པ་བདག་ཉིད་བྱང་ཆུབ་ལགས་ཏེ། བྱང་ཆུབ་ཀྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་མི་འགྱུར་ལགས་སོ། །སྨྲས་པ། བུ་མོ་གལ་ཏེ་ཁྱོད་ཉིད་བྱང་ཆུབ་ཡིན་ན། ཅི་ཁྱོད་ཀྱི་འཁོར་ལོ་སྐོར་རམ།
198b5 སྨྲས་པ་བདག་ནི་ཆོས་ཀྱི་འཁོར་ལོ་སྐོར་ལགས་སོ། །སྨྲས་པ་ཁྱོད་ཀྱི་ཆོས་ཀྱི་འཁོར་ལོ་སྐོར་བ་ཇི་ལྟ་བུ་ཞིག་།སྨྲས་པ། འཁོར་ལོ་དེ་ནི་རྟེན་ཐམས་ཅད་དང་བྲལ་བའི་སླད་དུ་མི་གཡོ་བ་ལགས་སོ། །
198b6 འཁོར་ལོ་དེ་ནི་ཆོས་ཀྱི་དབྱིངས་ལ་གནས་པའི་ཚུལ་གྱིས་གནས་པ་མ་མཆིས་པ་ལགས་སོ། །འཁོར་ལོ་དེ་ནི་བྲལ་བ་མ་མཆིས་པའི་ཚུལ་གྱིས་དེ་བཞིན་ཉིད་ལགས་སོ། །འཁོར་ལོ་དེ་ནི་ཡང་དག་པའི་མཐའ
198b7 ལ་གནས་པས་མ་གནས་པ་ལགས་སོ། །འཁོར་ལོ་དེ་ནི་གནས་ཐམས་ཅད་ལས་བྱུང་བ་མ་ལགས་པས་གནས་མ་མཆིས་པ་ལགས་སོ། །འཁོར་ལོ་དེ་ནི་ཆོས་ཐམས་ཅད་ཀྱི་མཉམ་པ་ཉིད་ཀྱི་རྗེས་སུ་སོང་བས
198b8 གཉིས་སུ་མ་མཆིས་པ་ལགས་སོ། །འཁོར་ལོ་དེ་ནི་གཅིག་དང་ཐ་དད་པ་མི་དམིགས་པས་ཐ་དད་པ་མ་ལགས་སོ། །འཁོར་ལོ་དེ་ནི་སྒྲ་དང་སྐད་དང་ཚིག་གི་ལམ་ཐམས་ཅད་རོ་གཅིག་པས་བརྗོད་དུ་མ་མཆིས་པ་ལགས
iiif viewer powered by OpenSeadragon
