| e-texts navigator |
| Wylie |
193a1 བ་ཉིད་ཐོབ་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། སྒྲ་གཅན་ཆོས་བཞི་དང་ལྡན་ན། བྱང་ཆུབ་སེམས་དཔས་ལུས་ཆེ་བ་ཉིད་འཐོབ་པར་འགྱུར་ཏེ། བཞི་གང་ཞེ་ན། འདི་ལྟ་སྟེ་གཞན
193a2 དག་གི་སྤྱོད་ལམ་ལ་མི་འཕྱ་བ་དང་། དེ་བཞིན་གཤེགས་པའི་སྐུ་རྣམ་པ་ཐམས་ཅད་ཡོངས་སུ་རྫོགས་པར་བྱེད་དུ་འཇུག་པ་དང་། སེམས་ཅན་བྱེ་བ་དང་། འཐབས་པ་རྣམས་བསྡུམས་ཤིང་མཐུན་པར་བཀོད་ནས་བླ་ན་མེད་པ
193a3 ཡང་དག་པར་རྫོགས་པའི་བྱང་ཆུབ་ལ་འཛུད་པ་དང་། སེམས་ཅན་ཐམས་ཅད་ལ་དབང་པོ་ཞེ་འགྲས་པ་མེད་པ་སྟེ། ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔས་ལུས་ཆེ་བ་ཉིད་ཐོབ་པར་འགྱུར་རོ། །ཆོས
193a4 བཞི་དང་ལྡན་ན་བྱང་ཆུབ་སེམས་དཔས་གཟུགས་ཆེ་བ་ཉིད་ཐོབ་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། རྒྱན་རྣམ་པ་སྣ་ཚོགས་སྦྱིན་པ་དང་། འཕངས་པའི་དངོས་པོ་ཐམས་ཅད་ཡོངས་སུ་གཏོང་བ་དང་།
193a5 དེ་བཞིན་གཤེགས་པ་ལ་བྱམས་པའི་མིག་གིས་ལྟ་བ་དང་། བྱད་བཞིན་བཟང་པོ་དག་ལ་ཕྲག་དོག་དང་། སེར་སྣ་མི་བྱེད་པ་སྟེ། ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔས་གཟུགས་ཆེ་བ་ཉིད་ཐོབ་པར་འགྱུར་རོ། །
193a6 ཆོས་བཞི་དང་ལྡན་ན་བྱང་ཆུབ་སེམས་དཔས་འཁོར་ཆེ་བ་ཉིད་ཐོབ་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། ཕྲ་མའི་ཚིག་སྤོང་ཞིང་གཞན་གྱི་འཁོར་མི་འབྱེད་པ་དང་། གཞན་གྱི་འཁོར་ལ་དགའ་བ་དང་། བྱང་ཆུབ
193a7 ཀྱི་སེམས་ཤིན་ཏུ་བརྟན་པ་དང་། གཞན་དག་བྱང་ཆུབ་ལ་འཛུད་པ་སྟེ། ལྷ་མ་ཡིན་གྱི་དབང་པོ་ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔས་འཁོར་ཆེ་བ་ཉིད་ཐོབ་པར་འགྱུར་རོ། །ཆོས་བཞི་དང་ལྡན་ན་བྱང་ཆུབ་སེམས
193a8 དཔས་སེམས་ཆེ་བ་ཉིད་འཐོབ་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། བསམ་པ་དག་པ་སྟེ་གཡོ་མེད་པ་དང་། སྒྱུ་ཅན་མ་ཡིན་པ་དང་། འདུན་པ་དྲག་པོ་དང་ལྡན་པ་དང་། བར་མ་དོར་སྐྱོ་བ་མེད་པ་དང་། རྒྱ་ཆེན་པོ་ལ་མོས་ཤིང་ཐེག
iiif viewer powered by OpenSeadragon
