| e-texts navigator |
| Wylie |
186a1 དང་དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་རྣམས་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་དང་། ཕྱོགས་བཅུ་ནས་འདས་པའི་བྱང
186a2 ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ཀྱི་སྤྱན་སྔར་འཁོད་དོ། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེ་ཚོགས་ཏེ་འཁོད་པར་ཐུགས་སུ་ཆུད་ནས་བདེ་བ་དང་།
186a3 དགའ་བ་དང་། མཆོག་ཏུ་དགའ་བའི་ཆོས་མཉན་པ་ཞེས་བྱ་བའི་འོད་ཟེར་སྐུ་ལས་འགྱེད་པར་མཛད་དེ། འོད་ཟེར་དེ་དག་གིས་རྒྱ་མཚོ་ཆེན་པོའི་ནང་ན་སྲོག་ཆགས་རབ་དང་། འབྲིང་དང་། ཐ་མ་ཇི་སྙེད་གནས་པ་དེ་དག་ཐམས
186a4 ཅད་ཀྱིས་བཅོམ་ལྡན་འདས་མདུན་ན་བཞུགས་པར་མཐོང་བར་གྱུར་ཏེ། བདེ་བ་དང་དགའ་བ་དང་། མཆོག་ཏུ་དགའ་བ་སྐྱེས་ནས་ཆོས་མཉན་པ་ལ་བྲོད་ཅིང་གུས་པ་དང་བཅས་པས་ཐལ་མོ་སྦྱར་ཏེ། བཅོམ་ལྡན་འདས་ལ་འདུད་ཅིང
186a5 འཁོད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀླུའི་བདག་པོ་འཇིག་རྟེན་གནས་པ་འདི་ནི་ལས་སྣ་ཚོགས་ཀྱིས་བསྐྱོད་ནས། སེམས་ཀྱི་དམིགས་པ་སྣ་ཚོགས་ཀྱིས་ལས
186a6 རྣམ་པ་སྣ་ཚོགས་ཀྱི་མངོན་པར་འདུ་བྱེད་དེ། དེའི་འགྲོ་བ་ཡང་སྣ་ཚོགས་སུ་གྱུར་ཏོ། །ཀླུའི་བདག་པོ་རྒྱ་མཚོ་ཆེན་པོ་འདི་ན་གཟུགས་རྣམ་པ་སྣ་ཚོགས་ཇི་སྙེད་ཡོད་པ་དང་། ཐ་མལ་པ་ཇི་སྙེད་སྣང་བ་ལ་ལྟོས། ཀླུའི་བདག
186a7 པོ་འདི་དག་ཐམས་ཅད་ནི་རང་གིས་སེམས་དང་། དགེ་བ་དང་མི་དགེ་བའི་རྩ་བའི་ལུས་དང་། ངག་དང་ཡིད་ཀྱི་ལས་སྣ་ཚོགས་ཀྱིས་སྣ་ཚོགས་སུ་བྱས་པ་དག་གོ། །སེམས་ནི་གཟུགས་མེད་པ། བསྟན་དུ་མེད་པ་སྟེ། ཀླུའི་བདག
186a8 པོ་ད་ལྟར་ན་ཆོས་ཐམས་ཅད་ནི་བཅོས་མ་རྣམ་པར་བསྒྲུབས་པས་ཉེ་བར་གནས་པའི་མཚན་ཉིད་དེ། བདག་པོ་མེད་པ་བདག་གི་མེད་པ། ཡོངས་སུ་འཛིན་པ་མེད་པའོ། །དེ་དག་ནི་ལས་ཇི་ལྟར་བསགས་པ་བཞིན་དུ་བསྒྲུབས་པ་སྣ
iiif viewer powered by OpenSeadragon
