| e-texts navigator |
| Wylie |
185b1 རྒ་ནད་སྡུག་བསྔལ་རབ་ཏུ་གྲོལ་མཛད་པ། །འགྲོ་བའི་དོན་མཛད་ཉོན་མོངས་སྤོང་མཛད་པ། །རྒྱལ་བར་འོས་པ་བདུད་འཇོམས་རྒྱལ་བ་པོ། །སྐྱེ་བ་མི་བཟད་དེ་ཉིད་སྟོན་མཛད་པ། །དགྲ་བཅོམ
185b2 དགྲའི་ཚོགས་རྣམས་རབ་འཇོམས་པ། །ལྷ་ལས་འདས་པ་ལྷ་མང་རྣམས་ཀྱི་མཆོད། །ཁྱོད་ནི་རྟག་ཏུ་བཞེས་པའི་འོས་ཀྱི་མཆོག་།སྐྱེ་དགུ་ཀུན་མཆོག་འདྲེན་པ་བཟང་པོ་ལགས། །དེ་ནས་ལྷའི་བུ་མོ་དང་།
185b3 ཀླུའི་བུ་མོ་དང་། ལྷ་མ་ཡིན་དང་། མི་འམ་ཅི་དང་། ནམ་མཁའ་ལྡིང་དང་། ལྟོ་འཕྱེ་ཆེན་པོ་དང་། དྲི་ཟའི་བུ་མོ་དེ་དག་གིས་བཅོམ་ལྡན་འདས་ལ་ཚིགས་སུ་བཅད་པ་འདི་རྣམས་ཀྱིས་མངོན་པར་བསྟོད་ནས་ཐམས
185b4 ཅད་གཅིག་ཏུ་མཐུན་པར་གྱུར་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་རང་རང་གིས་རྒྱན་རྣམས། བཅོམ་ལྡན་འདས་ཀྱི་སྐུ་ལ་གསོལ་ཏོ། །དེ་ནས་བཅོམ་ལྡན་འདས་མཐར
185b5 གྱིས་རྒྱ་མཚོ་ཆེན་པོར་གཤེགས་ཏེ། རྒྱ་མཚོ་ཆེན་པོའི་གཏིང་གི་དཀྱིལ་གྱི་གནས་ཀླུའི་རྒྱལ་པོ་རྒྱ་མཚོའི་འཁོར་གྱི་ཁྱམས་བཀོད་པ་ག་ལ་དེར་གཤེགས་ནས། སེང་གེའི་ཁྲི་དེ་ལ་བཞུགས་སོ། །དགེ་སློང
185b6 གི་དགེ་འདུན་རྣམས་དང་། བྱང་ཆུབ་སེམས་དཔའ་རྣམས་ཀྱང་སྟན་ཇི་ལྟར་བཤམས་པ་དེ་དག་ལ་འཁོད་དོ། །དེ་ནས་ཀླུའི་རྒྱལ་པོ་རྒྱ་མཚོས་བཅོམ་ལྡན་འདས་དང་། དགེ་སློང་གི་དགེ་འདུན་དང་། བྱང་ཆུབ་སེམས
185b7 དཔའ་རྣམས་བཞུགས་པར་རིག་ནས་བཅས། ཆུང་མ་དང་བཅས། གཉེན་མདབ་དང་འཁོར་དང་བཅས་པས་རང་གི་ལག་གིས་ཞལ་ཟས་རོ་བརྒྱ་དང་ལྡན་པ། བསོད་པ་མང་པོས་ཚིམ་པར་བྱེད་ཅིང་ཅི་བཞེས་པ་སྟོབས་པར
185b8 བྱེད་དོ། །ཚིམ་པར་བྱས་ཤིང་ཅི་བཞེས་པ་བསྟབས་ནས། བཤོས་གསོལ་ལགས་ཏེ། སྩང་སྡེར་གྱུ་བ་དང་ཕྱག་བཅབས་པར་རིག་ནས་ཆོས་མཉན་པའི་ཕྱིར་ཀླུའི་རྒྱལ་པོ་རྒྱ་མཚོ་ལྷ་དང་། ཀླུ་དང་གནོད་སྦྱིན
iiif viewer powered by OpenSeadragon
