| e-texts navigator |
| Wylie |
185a1 གཞན་ལ་ཕན་པ་ཟླ་མེད་ཐུགས་སུ་ཆུད། །ཆགས་པ་མེད་པར་ཚིག་གི་དོན་སྟོན་པ། །གཞན་ལ་ཕན་པ་དཔེ་མེད་འོད་མཛད་པ། །དུས་སྐབས་མཁྱེན་པ་ཀུན་ཏུ་སྟོན་པ་པོ། །རྒོལ་བ་ངན་པའི་ཚོགས
185a2 ཀུན་རབ་འཇོམས་པ། །བརྟུལ་ཞུགས་ཡོངས་སུ་རྫོགས་པ་བརྟུལ་ཞུགས་མཆོག་།བདུད་རྩིའི་བདེ་སྐྱིད་བདེ་བ་སྦྱིན་མཛད་པ། །ནམ་མཁའ་འདྲ་ཞིང་དགོངས་པ་དག་པ་སྟེ། །དྲི་མ་ཀུན་སེལ་རྣམ་པར
185a3 འདྲེན་པ་པོ། །ཡོན་ཏན་རྒྱ་མཚོ་བསོད་ནམས་མི་ཟད་པ། །རྒྱ་མཚོར་འཇུག་པ་ཡེ་ཤེས་རྒྱ་མཚོར་ལྡན། །ཆོས་ཀྱི་དབང་ཕྱུག་ཉོན་མོངས་སེལ་མཛད་པ། །ཆོས་ཀྱི་སྦྱིན་བདག་སེར་སྣ་མི་མངའ་བ། །
185a4 ཆོས་ཀྱི་རིན་ཆེན་ནོར་མཆོག་སྦྱིན་མཛད་པ། །ཆོས་མཆོག་ཡེ་ཤེས་དེ་ཉིད་སྟོན་པ་པོ། །དགའ་བ་སྟོན་པ་བདེ་བ་སྟོན་མཛད་པ། །བག་ལ་ཉལ་གྱི་ཉེས་པ་སྤོང་བ་སྟོན། །རི་ཡི་དབང་པོ་བཞིན་དུ་མི་གཡོ་བ། །
185a5 དེ་བཞིན་གཤེགས་པ་ཁྱོད་ལ་མགོས་ཕྱག་འཚལ། །མི་དང་ལྷ་དང་མཁའ་ལྡིང་གསང་བ་པ། །ལྷ་མིན་སྲིན་པོ་མི་འམ་ཅི་ཡི་བདག་།ཀླུ་རྣམས་དང་ནི་གྲུལ་བུམ་གནོད་སྦྱིན་རྣམས། །ཁྱོད་ཀྱི་ཞབས་ལ་མགོ
185a6 བོས་ཕྱག་ཀྱང་འཚལ། །མཚན་མཆོག་སུམ་བཅུ་རྩ་གཉིས་ལྡན་པ་སྟེ། །རབ་མཛེས་ཤིན་ཏུ་དཔེ་མེད་སྟོན་མཛད་པ། །གསེར་གྱི་མདོག་ཅན་དཔལ་ལྡན་མདོག་སྡུག་པ། །སེན་མོ་ཟངས་འདྲ་མདོག་སྡུག་ཕྱག
185a7 མཐིལ་མཉམ། །ཀ་ལ་པིང་ཀའི་གདངས་ཅན་ཡ་མཚན་གསུང་། །ཚངས་པ་ལྷ་དབང་གདངས་ཅན་གདངས་ཀྱི་མཆོག་།གསུང་གིས་སྟོང་གསུམ་སོ་སོར་འགེངས་པར་མཛད། །འཇམ་མཉེན་གསུང་ལྡན
185a8 ཁྱོད་ལ་ཕྱག་འཚལ་ལོ། །དབང་པོ་དུལ་ཞིང་ཐུགས་ཀྱང་དུལ་བ་སྟེ། །ཞལ་རས་ཟླ་བ་འདྲ་ཞིང་སྤྱན་ལེགས་པ། །རྟག་ཏུ་བདེན་པ་གསུང་ཞིང་མཉམ་པར་བཞག་།རྟག་ཏུ་ཆོས་འཛིན་ཁྱོད་ལ་ཕྱག་འཚལ་ལོ། །
iiif viewer powered by OpenSeadragon
