| e-texts navigator |
| Wylie |
181a1 ཤིང་རྒྱ་ཆེ་བ་དེའི་ནང་དུ་བཅོམ་ལྡན་འདས་ཀྱི་སེང་གེའི་ཁྲི་འཕང་དུ་དཔག་ཚད་བཅུ་གཉིས་པ། རིན་པོ་ཆེ་ཐམས་ཅད་ཀྱིས་སྤྲས་པ། ལྷ་རྣམས་ཀྱི་རས་བཅོས་བུ་རྣམ
181a2 པ་སྣ་ཚོགས་དུ་མ་མང་པོས་བཏིང་བླ་རེས་བྲེས་པ་རིན་པོ་ཆེ་སྣ་བདུན་གྱི་སྟེགས་བུས་བསྐོར་བ། རིན་པོ་ཆེའི་དྲ་བས་ཁེབས་པ། དྲིལ་བུ་གཡེར་ཁའི་དྲ་བ་སྤྱངས་པ། དར་གྱི
181a3 ལྡ་ལྡི་བཏགས་པས་བརྒྱན་པ། རྣམ་པ་ཐམས་ཅད་ཀྱི་མཆོག་དང་ལྡན་པ་ཞིག་བཤམས་སོ། །དགེ་སློང་གི་དགེ་འདུན་ཐམས་ཅད་ཀྱི་གདན་ཡང་ཇི་ལྟར་འཚམ་པ་བཞིན་དུ་བཤམས
181a4 སོ། །རོ་བརྒྱས་བསྒོས་པའི་ཞལ་ཟས་དག་ཀྱང་བཤམས་ཏེ། ཐམས་ཅད་ལེགས་པར་ཟིན་པར་རིག་ནས་བུ་དང་གཉེན་མདབ་དང་འཁོར་དང་བཅས་ཏེ། རིའི་རྒྱལ་པོའི་རི་རབ་ཀྱི
181a5 བང་རིམ་ལ་འཁོད་ནས། བཅོམ་ལྡན་འདས་ལ་གདུགས་ཚོད་བབ་པའི་ཚིགས་སུ་བཅད་པ་འདི་དག་གསོལ་ཏོ། །ཆོས་ཀྱི་དབང་ཕྱུག་ཡེ་ཤེས་རྒྱ་ཆེན་ཁྱེད་བརྙེས་པ། །ཡེ་ཤེས
181a6 འབྱུང་གནས་མཁའ་འདྲ་ཡེ་ཤེས་མཐའ་ཡས་པ། །འཇིག་རྟེན་འདས་པ་སྤྱན་ཡངས་དག་པའི་སྤྱན་དང་ལྡན། །ཕན་པ་མཛད་པ་གདུགས་ཚོད་བབ་ཀྱིས་གཤེགས་སུ་གསོལ། །
181a7 ཚངས་པའི་གསུང་དང་རྣམ་དག་གསུང་ལྡན་དབྱངས་སྙན་པ། །ཀ་ལ་པིང་ཀའི་རྔ་སྒྲ་བདུད་རྩིའི་དོན་སྟོན་པ། །སྨན་པའི་མཆོག་སྟེ་ཉོན་མོངས་སྣ་ཚོགས་མུན་སེལ་བ། །སེམས་ཅན་རིན་ཆན
181a8 གདུགས་ཚོད་བབ་ཀྱིས་གཤེགས་སུ་གསོལ། །ཞི་ཞིང་རབ་ཞི་ཐུགས་མངའ་རྟག་ཏུ་ཞི་བར་སྤྱོད། །རྒྱལ་བ་གྲོལ་བ་ལྷ་དང་མི་རྣམས་རབ་གྲོལ་མཛད། །ཆུ་བོ་བཞི་ལས་རྒལ་བ་འགྲོ་བ་དགྲོལ
iiif viewer powered by OpenSeadragon
