| e-texts navigator |
| Wylie |
179b1 བཅོམ་ལྡན་འདས་རྒྱ་མཚོ་ཆེན་པོའི་ནང་ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། དེ་མ་ལགས་པར་ཡང་དུད་འགྲོའི་སྐྱེ་གནས་སུ་སྐྱེས་པའི་སེམས་ཅན
179b2 ཚད་མ་མཆིས་པ་དག་མཆིས་ཏེ། དེ་དག་གིས་དེ་བཞིན་གཤེགས་པ་མཐོང་ན་དགེ་བའི་རྩ་བ་དག་བསྐྱེད་པར་འགྱུར་ལ། དམ་པའི་ཆོས་ཐོས་པས་ཀྱང་འཁོར་བ་ཐོག་མ་མ་མཆིས་པའི
179b3 མཐའ་རྟོགས་པར་འགྱུར་བ་དང་། བདག་གི་ཀླུའི་རྒྱལ་པོའི་གནས་ཀྱང་ཡོངས་སུ་ལོངས་སྤྱད་པར་འགྱུར་ཏེ། ལྷ་དང་བཅས་པའི་འཇིག་རྟེན་གྱིས་བརྙས་པར་མི་འགྱུར་ལ།
179b4 དེ་བཞིན་གཤེགས་པས་ཀྱང་སངས་རྒྱས་ཀྱི་ཆེ་བ་ཉིད་བསྟན་པར་འགྱུར་བ་དང་། བདག་གི་བྱང་ཆུབ་ཀྱི་ཕྱོགས་ཀྱི་ཆོས་དང་ལྡན་པའི་ཆོས་ཉེ་བར་བསྟན་པ་བགྱིས་པར་འགྱུར་བའི་སླད
179b5 དུའོ། །བཅོམ་ལྡན་འདས་ཀྱིས་ཀྱང་ཀླུའི་རྒྱལ་པོ་རྒྱ་མཚོ་ལ་ཐུགས་བརྩེ་བ་དང་། སེམས་ཅན་ཚད་མེད་པ་དག་གི་དགེ་བའི་རྩ་བ་འཕེལ་བར་བྱ་བའི་ཕྱིར་གནང་ངོ་། །དེ་ནས
179b6 ཀླུའི་རྒྱལ་པོ་རྒྱ་མཚོ་བཅོམ་ལྡན་འདས་ཀྱིས་གནང་བར་རིག་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ཏེ་བཅོམ་ལྡན་འདས
179b7 ཀྱི་ཞབས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ། དཔུང་དང་བཅས། འཁོར་དང་བཅས་པར་བཅོམ་ལྡན་འདས་ཀྱི་ཐད་ནས་མི་སྣང་བར་གྱུར་ཏེ་རྒྱ
179b8 མཚོའི་ནང་དུ་ཕྱིར་སོང་ངོ་། །དེ་ནས་དེར་སྐྱེ་བོའི་ཚོགས་འདུས་པ་ཐམས་ཅད་ལ་འདི་སྐད་ཅེས་སྨྲས་སོ། །བདག་གིས་དེ་བཞིན་གཤེགས་པ་སང་གདུགས་ཚོད་གསོལ་བར
iiif viewer powered by OpenSeadragon
