| e-texts navigator |
| Wylie |
177a1 བདེ་གཤེགས་བསོད་ནམས་བརྒྱས་སྤྲས་སྐུ་མངའ་བ། །མཚན་མཆོག་སུམ་བཅུ་རྩ་གཉིས་ལྡན་པའི་སྐུ། །ཟླ་བ་ལྟ་བུར་དྲི་མེད་དག་པའི་ཞལ། །ཇི་ཡི་སླད་དུ
177a2 འཛུམ་པ་སྟོན་པར་མཛད། །བཅོམ་ལྡན་དྲི་མེད་དྲི་མ་གསུམ་བྲལ་བ། །ཐ་བ་མི་མངའ་རྣམ་དག་པད་མའི་སྤྱན། །ལྷ་དང་ལྷ་མ་ཡིན་དང་ཀླུས་མཆོད་པ། །ཇི་ཡི་སླད་དུ་འཛུམ
177a3 པ་སྟོན་པར་མཛད། །བཅོམ་ལྡན་ཚེམས་སྙོམས་ཐགས་བཟང་དཀར་བར་ལྡན། །སྟོབས་བཅུ་མངའ་ཞིང་དྲི་བསུང་གདའ་བའི་ཞལ། །རྒ་དང་འཆི་བའི་མཐར་ཐུག་མཛད་པ་པོ། །
177a4 ཅིའི་སླད་དུ་འཛུམ་པ་སྟོན་པར་མཛད། །ནམ་མཁའི་དཀྱིལ་ལྟར་དྲི་མ་མེད་པའི་ཐུགས། །མགོན་པོ་ཐུགས་ཀྱིས་སྒྲ་ཟིན་མཉམ་སྙོམས་པ། །ཐུགས་ནི་རི་བོ་ལྟ་བུར་མི་གཡོ
177a5 བ། །བཅོམ་ལྡན་འཛུམ་པའི་དོན་འདིར་བཀའ་སྩལ་གསོལ། །བཅོམ་ལྡན་ཚངས་པའི་སྒྲ་སྐད་སྒྲོགས་པ་པོ། །མི་འམ་ཅི་དང་ཀ་ལ་པིང་ཀ་དང་། །རྔ་སྒྲ་ལྟ་བུར་སྙན
177a6 ཅིང་དགའ་བ་དང་། །མཉེན་པོར་གསུང་བ་འཛུམ་པའི་ཐབས་གསུངས་ཤིག་།འདྲེན་པ་ཐོགས་པ་མེད་པའི་བློ་མངའ་བ། །དུས་གསུམ་འགྲོ་བའི་སྤྱོད་དང་མོས་པ་དང་། །
177a7 དབང་པོ་རྣམས་ཀྱང་རབ་ཏུ་མཁྱེན་པ་པོ། །ཅི་ཡི་སླད་དུ་འཛུམ་པ་སྟོན་པར་མཛད། །བཅོམ་ལྡན་སྨན་པའི་རྒྱལ་པོ་མ་རྣམས་དང་། །ལྷ་ཀླུ་རྣམས་ཀྱི་ནད་ནི་ཞི་མཛད་པ། །
177a8 བཅོམ་ལྡན་གཏན་དུ་བདེ་བ་སྟོན་པ་པོ། །ཇི་ཡི་སླད་དུ་འཛུམ་པ་སྟོན་པར་མཛད། །ཡོན་ཏན་མངའ་བ་བདག་ལ་བཀའ་སྩོལ་ཅིག་།ལྷ་དང་མི་རྣམས་ཁྲག་ཁྲིག་ཉན་ཅིང་མཆིས། །
iiif viewer powered by OpenSeadragon
