| e-texts navigator |
| Wylie |
163a1 བ་དང་། རྩ་བ་ཟད་པ་དང་། རྩ་བ་ཞི་བར་འགྱུར་བ་ཞེས་བྱའོ། །འདི་ན་དྲན་པ་ཉེ་བར་གཞག་པ་རྣམས་ཤེས་བྱ་བ་གང་ཡིན་པ་དེ་དག་ནི་གཞན་དག་ན་གནས་པ་རྣམས་ཤེས་བྱའོ། །འདི་ན་ཡང་དག་པར་སྤོང་བ
163a2 རྣམས་ཤེས་བྱ་བ་གང་ཡིན་པ་དེ་དག་ནི་གཞན་དག་ན་ཁྱད་པར་དུ་སྒྲོལ་བ་རྣམས་ཤེས་བྱའོ། །འདི་ན་རྫུ་འཕྲུལ་གྱི་རྐང་པ་རྣམས་ཤེས་བྱ་བ་གང་ཡིན་པ་དེ་དག་ནི་གཞན་དག་ན་ཕྱོགས་སུ་འགྲོ་བ་རྣམས་ཤེས་བྱའོ། །
163a3 འདི་ན་དབང་པོ་རྣམས་ཤེས་བྱ་བ་གང་ཡིན་པ་དེ་དག་ནི་གཞན་དག་ན་རབ་ཏུ་ཤེས་པ་རྣམས་ཤེས་བྱའོ། །འདི་ན་སྟོབས་རྣམས་ཤེས་བྱ་བ་གང་ཡིན་པ་དེ་དག་ནི་གཞན་དག་ན་བསྟན་པ་རྣམས་ཤེས་བྱའོ། །འདི་ན
163a4 བྱང་ཆུབ་ཀྱི་ཡན་ལག་རྣམས་ཤེས་བྱ་བ་གང་ཡིན་པ་དེ་དག་ནི་གཞན་དག་ན་རྗེས་སུ་འགྲོ་བ་རྣམས་ཤེས་བྱའོ། །འདི་ན་ལམ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་སྒྲོལ་བ་ཞེས་བྱའོ། །འདི་ན་སོ་སོ་ཡང་དག་པར་རིག་ཞེས
163a5 བྱ་བ་གང་ཡིན་པ་དེ་དག་ནི་གཞན་དག་ན་མངོན་སུམ་གྱི་སྒོ་ཞེས་བྱའོ། །འདི་ན་ཆོས་ཀྱི་སྦྱིན་པ་ཞེས་བྱ་བ་གང་ཡིན་པ་དེ་ནི་གཞན་དག་ན་ལེགས་པར་སྡུད་པ་ཞེས་བྱའོ། །འདི་ན་ཞི་གནས་དང་། ལྷག་མཐོང་ཞེས་བྱ་བ་གང
163a6 ཡིན་པ་དེ་དག་ནི་གཞན་དག་ན་ཉེ་བར་ཞི་བ་དང་། རྣམ་པར་ལྟ་བ་ཞེས་བྱའོ། །འདི་ན་རྣམ་པར་ཐར་པ་ཞེས་བྱ་བ་གང་ཡིན་པ་དེ་དག་ནི་གཞན་དག་ན་དོན་ཡོད་པ་ཞེས་བྱའོ། །འདི་ན་བསོད་ནམས་ཞེས་བྱ་བ་གང
163a7 ཡིན་པ་དེ་ནི་གཞན་དག་ན་ཕན་པ་ཞེས་བྱའོ། །འདི་ན་ཡེ་ཤེས་ཤེས་བྱ་བ་གང་ཡིན་པ་དེ་ནི་གཞན་དག་ན་རྟོགས་བྱེད་ཅེས་བྱའོ། །འདི་ན་རབ་ཏུ་འབྱུང་བ་ཞེས་བྱ་བ་གང་ཡིན་པ་དེ་ནི་གཞན་དག་ན་ལམ་གྱི་རྗེས་སུ་འགྲོ་བ
163a8 ཞེས་བྱའོ། །འདི་ན་བསྙེན་པར་རྫོགས་པ་ཞེས་བྱ་བ་གང་ཡིན་པ་དེ་ནི་གཞན་དག་ན་འདའ་བར་མི་བྱ་ཞེས་བྱའོ། །འདི་ན་མྱ་ངན་ལས་འདས་པ་ཞེས་བྱ་བ་གང་ཡིན་པ་དེ་ནི་གཞན་དག་ན་ཉེ་བར་ཞི་བ་ཞེས་བྱའོ། །འདི་ན
iiif viewer powered by OpenSeadragon
