| e-texts navigator |
| Wylie |
160b1 ངོ་ཚ་ཤེས་པ་དང་། ཁྲེལ་ཡོད་པའི་གོས་གྱོན་པའོ། །བྱང་ཆུབ་ཀྱི་ཡན་ལག་གི་ཆོས་ཀྱི་མེ་ཏོག་གི་ཕྲེང་བས་བརྒྱན་པའོ། །ཤིན་ཏུ་རྣམ་པར་སྤེལ་བའི་ཚིག་གིས་ཆོས་སྟོན་པའོ། །འཐུན་པ་དང་མི་འཐུན་པ་དང་བྲལ་བའོ། །
160b2 འཆི་འཕོ་དང་། འགྲོ་བ་དང་། སྐྱེ་བའི་ཤེས་རབ་དང་། ཡེ་ཤེས་དང་། མངོན་པར་ཤེས་པ་ཟབ་མོའི་ཕྱེ་མའི་བསྒོ་བས་བསྒོས་པའོ། །ཚུལ་ཁྲིམས་ཀྱི་ཕུང་པོ་མཐའ་ཡས་པའི་བྱུག་པ་དང་ལྡན་པའོ། །ཚངས་པའི་གཡོག
160b3 འཁོར་དང་ལྡན་པའོ། །ཚངས་པའི་ལམ་མྱ་ངན་ལས་འདས་པའི་ལམ་དང་ལྡན་པའོ། །ལམ་བཟང་པོ་སྟོན་པའོ། །ཐར་པའི་ལམ་དུ་ཁྲིད་པའོ། །འགྲོགས་ན་བདེ་བའི་མཛའ་བཤེས་དང་། མཛའ་བོའི་མཆོག
160b4 དང་ལྡན་པའོ། །སེམས་ཅན་ཐམས་ཅད་ཀྱི་རྩ་ལག་གོ། །སྙིང་རྗེ་ཆེན་པོ་དང་ལྡན་པའོ། །སེམས་ཅན་ཐམས་ཅད་ཀྱི་ཕན་པ་ཚོལ་བའོ། །སྐྱེས་བུ་མཆོག་གོ། །སྐྱེས་བུ་ཆེན་པོའོ། །སྐྱེས་བུ་དམ་པའོ། །སྐྱེས
160b5 བུ་ཁྱུ་མཆོག་གོ། །སྐྱེས་བུ་སེང་གེའོ། །སྐྱེས་བུ་པད་མའོ། །སྐྱེས་བུ་པད་མ་དཀར་པོའོ། །སྐྱེས་བུ་གཅེས་པ་འཛིན་པའོ། །སྐྱེས་བུ་གཙོ་བོ། །སྐྱེས་བུ་ཅང་ཤེས་སོ། །སེམས་ཅན་ཐམས་ཅད་ཕོངས་པ
160b6 དང་། སྡུག་བསྔལ་བ་ལས་ཐར་བར་བྱེད་པའོ། །སེམས་ཅན་ཐམས་ཅད་ལ་སྙིང་བརྩེ་བའོ། །སེམས་ཅན་ཐམས་ཅད་ངེས་པར་སྒྲོལ་བའོ། །སེམས་ཅན་ཐམས་ཅད་ཀྱི་ཉོན་མོངས་པའི་བག་ཆགས་གཅོད་པའོ། །བདུད
160b7 རྩིའི་ཆོས་ཀྱི་མཆོག་སྟོན་པའོ། །བྱང་ཆུབ་སེམས་དཔའི་ཐེག་པ་ཆེན་པོ་ཡང་དག་པར་འཛིན་པའོ། །ཆོས་ཐམས་ཅད་ལ་དབང་བྱེད་པ་ཐོབ་པའོ། །སེམས་ཅན་ཐམས་ཅད་ཀྱི་བདག་པོའོ། །ཕ་མ་དང་ཉེ་དུར་གྱུར
160b8 པའོ། །འཇིག་རྟེན་གྱི་ཆོས་བརྒྱད་ལས་ཡང་དག་པར་འདས་པའོ། །འཇིག་རྟེན་ཐམས་ཅད་ཀྱི་རྗེས་སུ་འཐུན་པའོ། །ཆོས་ཀྱི་དབང་ཕྱུག་གོ། །སེམས་ལ་དབང་བྱེད་པའོ། །བསྟན་བཅོས་དང་ཡི་གེ་ཐམས་ཅད་ཀྱི
iiif viewer powered by OpenSeadragon
