| e-texts navigator |
| Wylie |
159a1 དུ་ཆོས་ཐམས་ཅད་ཀྱང་གཟུགས་མེད་ཅིང་བསྟན་དུ་མེད་པར་སེམས་ཀྱི་དམིགས་པ་རྣམས་ལས་འབྱུང་ངོ་། །དཔེར་ན་ཡི་གེ་རྣམས་ནི་སྐད་ཅིག་པ་དང་། ཡ་མ་བརླ་དང་། གསོབ་དང་། གསོག་ཡིན་ལ། དེ་རྣམས
159a2 ཀྱི་བྱེད་པ་པོ་འགའ་ཡང་མེད་པ་དེ་བཞིན་དུ་ཆོས་ཐམས་ཅད་ཀྱང་སྐད་ཅིག་པ་དང་། ཡ་མ་བརླ་དང་། གསོབ་དང་། གསོག་ཡིན་ལ་དེ་རྣམས་ཀྱི་བྱེད་པ་པོ་འགའ་ཡང་མེད་དོ། །དཔེར་ན་ཡི་གེ་རྣམས་ནི་ཆགས་པ་ཡང་མེད། སྡང
159a3 བ་ཡང་མེད། རྨོངས་པ་ཡང་མེད་པར་འབྱུང་ལ། ཡི་གེའི་རྣམ་པར་རིག་བྱེད་དེས་ཀྱང་བྱིས་པ་རྣམས་རྗེས་སུ་ཆགས་པ་འམ། ཁོང་ཁྲོ་བ་འམ། རྨོངས་པར་འགྱུར་བ་དེ་བཞིན་དུ་ཆོས་ཐམས་ཅད་ཀྱང་ཆགས་པ་མེད་དོ། །
159a4 སྡང་བ་ཡང་མེད། རྨོངས་པ་ཡང་མེད་པར་ཡོངས་སུ་རྟོག་པ་ལ་མངོན་པར་ཞེན་པས་འདོད་ཆགས་དང་། ཞེ་སྡང་དང་། གཏི་མུག་སྐྱེ་བར་འགྱུར་རོ། །དཔེར་ན་ཡི་གེའི་བརྡས་ནི་འབྲས་བུ་ཐོབ་པར་ཡང་བསྟན་ལ་ཡི་གེ་རྣམས
159a5 ཀྱིས་ཐོབ་པ་ཡང་མེད། མངོན་སུམ་དུ་བྱ་བ་ཡང་མེད་པ་དེ་བཞིན་དུ་ཆོས་རྣམ་པར་གཞག་པས་འབྲས་བུ་ཐོབ་པ་བསྟན་མོད་ཀྱི། འདི་ལ་ཆོས་འགའི་འཐོབ་པ་འམ། མངོན་སུམ་དུ་བྱ་བ་ཡང་མེད་དོ། །དཔེར་ན་ཆོས
159a6 གང་ཡང་ཡི་གེ་རྣམས་ཀྱིས་མ་བསྡུས་པ་མེད་པ་དེ་བཞིན་དུ་ཆོས་གང་ཡང་བྱང་ཆུབ་ཀྱིས་མ་སྡུས་པ་མེད་དེ། ཀླུའི་བདག་པོ་དེ་ལྟར་ན་མི་ཟད་པའི་ཟ་མ་ཏོག་གི་གཟུངས་ལ་གནས་པའི་བྱང་ཆུབ་སེམས་དཔའ་ནི་ཡི་གེ
159a7 རྣམས་ཁོ་ནས་བྱང་ཆུབ་ཚོལ་བར་བྱེད་དོ། །ཡི་གེ་རྣམས་ཁོ་ནས་བྱང་ཆུབ་སྟོན་པར་བྱེད་དོ། །ཡི་གེ་རྣམས་ཁོ་ནས་བྱང་ཆུབ་གླེང་བར་བྱེད་དོ། །ཡི་གེ་རྣམས་ཁོ་ནས་བྱང་ཆུབ་ལ་རེག་པར་བྱེད་དོ།། །།
159a8 བམ་པོ་གསུམ་པ། ཀླུའི་བདག་པོ་བྱང་ཆུབ་སེམས་དཔའ་ནི་མི་ཟད་པའི་ཟ་མ་ཏོག་གི་གཟུངས་ཐོབ་པས་སྟོབས་བཅུ་ཐོབ་པར་འགྱུར་རོ། །མི་འཇིགས་པ་བཞི་དང་། མ་འདྲེས་པ་བཅཝ་བརྒྱད་དང་། སངས་རྒྱས་ཀྱི
iiif viewer powered by OpenSeadragon
