| e-texts navigator |
| Wylie |
158b1 ཆོས་ཐམས་ཅད་འབྲས་བུ་ཐོབ་པ་ཡིན་པས་ན་ཆོས་ཐམས་ཅད་ཀྱི་ཡིད་ལ་བྱེད་པ་མེད་པ་ཉིད་སྟོན་ཏོ། །ཆོས་ཐམས་ཅད་ཕུང་པོ་ཙམ་དུ་ཟད་པས་ན་ཆོས་ཐམས་ཅད་ཀྱི་སྡུག་བསྔལ་ཡོངས་སུ་ཤེས་པ་སྟོན་ཏོ་ཆོས་ཐམ་ཅད་ཆོམ་རྐུན་ཡིན་པས་ན
158b2 ཆོས་ཐམས་ཅད་བློ་བུར་གྱི་ཉེ་བའི་ཉོན་མོངས་པ་ཉིད་སྟོན་ཏོ། །ཆོས་ཐམས་ཅད་སྤངས་པ་ཡིན་པས་ན་ཆོས་ཐམས་ཅད་ཀྱི་མངོན་པར་ཞེན་པ་མེད་པ་ཉིད་སྟོན་ཏོ། །ཆོས་ཐམས་ཅད་ད་ཞེས་བྱ་བ་ཡིན་པས་ན་ཆོས་ཐམས་ཅད་ཀྱི་ལམ་ཆད་པ་ཉིད་སྟོན་ཏོ་ཆོས
158b3 ཐམ་ཅད་དྷ་ཞེས་བྱ་བ་ཡིན་པས་ན་ཆོས་ཐམས་ཅད་ཀྱི་མཐའ་ཡས་པ་དང་ཡོངས་སུ་ཆད་པ་མེད་པ་ཉིད་སྟོན་ཏོ། །ཀླུའི་བདག་པོ་འདི་ནི་ཡི་གེའི་བརྡ་ལ་འཇུག་པ་ཞེས་བྱ་བ་མི་ཟད་པའི་ཟ་མ་ཏོག་གི་བཟུངས་ལ་བྱང་ཆུབ་སེམས་དཔས་བཟུང་ཐོབ་ནས་ཡི་གེ་ཐམས
158b4 ཅད་ཀྱི་ངེས་པའི་ཚིག་གི་དགོངས་པ་རྟོག་པར་འགྱུར་བའོ། །ཀླུའི་བདག་པོ་དཔེར་ན་ཡི་གེ་རྣམས་མི་ཟད་པ་དེ་བཞིན་དུ་ཆོས་ཐམས་ཅད་ཀྱི་སྟན་པ་མི་ཟད་དོ། །དཔེར་ན་ཡི་གེ་རྣམས་ནི་ལུས་སམ་སེམས་གང་ནས་ཀྱང་མི་འབྱུང་བ་དེ་བཞིན་དུ་ཆོས་ཐམ་ཅད་ཀྱང་གང
158b5 ནས་ཀྱང་མི་འབྱུང་སྟེ་ལུས་ལ་ཡང་མི་གནས་སེམས་ལ་ཡང་མི་གནས་སོ། །དཔེར་ན་ཡི་གེ་རྣམས་ནི་ཀུན་ནས་ཉོན་མོངས་པར་ཡང་མི་འགྱུར་ལ་ཀུན་ནས་ཉོན་མོངས་པར་ཡང་བརྗོད་དོ། །རྣམ་པར་བྱང་བར་ཡང་མི་འགྱུར་ལ་ནམ་པར་བྱང་བ་ཡང་བརྗོད་དོ་དེ་བཞིན་དུ་མི་ཟད་པའི་ཟ་མ་ཏོག་གི
158b6 བཟུང་ཐོབ་པའི་བྱང་ཆུབ་སེམས་དཔའ་རྣམས་ཀྱང་ཀུན་ནས་ཉོན་མོངས་པ་ཡང་བརྗོད་ལ་ཀུན་ནས་ཉོན་མོང་པའི་ཆོས་ཀྱི་ཀྱང་ཀུན་ནས་ཉོན་མོངས་པར་མི་འགྱུར་རོ། །རྣམ་པར་བྱང་བའི་ཆོས་ཀྱང་བརྗོད་ལ་རྣམ་པར་བྱང་བའི་ཆོས་ཀྱི་ཀྱང་རྣམ་པར་དག་པར་མི་འགྱུར་ཏེ
158b7 ཤིན་ཏུ་རྣམ་པར་དག་པའི་ཕྱིར་རོ། །དཔེར་ན་ཡི་གེ་རྣམ་ནི་གང་ནས་ཀྱང་མ་འཕོས་ལ་གོ་བར་ཡང་བྱེད་པ་དེ་བཞིན་དུ་ཆོས་ཐམས་ཅད་ཀྱང་གང་ནས་མ་འཕོས་ལ་གོ་བར་བྱེད་དེ། གཞན་གྱི་སེམས་ཀྱང་རྣམ་པར་དག་པར་བྱེད་དོ། །དཔེར་ན་ཡི་གེ་བརྗོད་པ་རྣམས་ཀྱང་ཕྱོགས་དང
158b8 ཕྱོགས་མཚམས་སུ་འགྲོ་བ་མེད་ལ་མ་རྗོད་པ་རྣམ་ཀྱང་ནང་དུ་སོག་པ་མེད་པ་དེ་བཞིན་དུ་ཆོས་བརྗོད་པའམ། བསྟན་པ་ཐམས་ཅད་ཀྱང་ཕྱོག་དང་ཕྱོག་ཚམསུ་འགྲོ་བ་མེད་ལ་མ་སྟན་པ་རྣམ་ཀྱང་ནང་དུ་སོག་པ་མེད་དོ་དཔེར་ན་ཡི་གེ་རྣམ་ནི་གཟུག་མེད་ཅིང་སྟན་དུ་མེད་པར་འབྱུང་བ་དེ་བཞིན།
iiif viewer powered by OpenSeadragon
