| e-texts navigator |
| Wylie |
158a1 ཆོས་ཐམས་ཅད་ནན་གྱིས་བྱས་པས་ན་ཆོས་ཐམས་ཅད་ཀྱི་སྒྲོལ་བ་ཉིད་དུ་སྟོན་ཏོ། །ཆོས་ཐམས་ཅད་བླང་དུ་མེད་པས་ན་ཆོས་ཐམས་ཅད་ཀྱི་བདག་པོ་མེད་པ་ཉིད་སྟོན་ཏོ། །ཆོས་ཐམས་ཅད་དྲན་པ་ཡིན་པས་ན་ཆོས་ཐམས་ཅད་ཀྱི་བརྗེད་པ་མེད
158a2 པ་སྟོན་ཏོ། །ཆོས་ཐམས་ཅད་གཟུངས་ཡིན་པས་ན་ཆོས་ཐམས་ཅད་ཀྱི་མི་ཟད་པ་ཉིད་སྟོན་ཏོ། །ཆོས་ཐམས་ཅད་ཞི་བ་ཡིན་པས་ན་ཆོས་ཐམས་ཅད་ཀྱི་ཉེ་བར་ཞི་བ་སྟོན་ཏོ། །ཆོས་ཐམས་ཅད་ནམ་མཁའ་དང་མཉམ་པས་ན་ཆོས་ཐམས
158a3 ཅད་ཀྱི་ཡང་དག་པ་ཉིད་སྟོན་ཏོ། །ཆོས་ཐམས་ཅད་ཟད་པའི་སྒོ་ཡིན་པས་ན་ཆོས་ཐམས་ཅད་ཀྱི་ཟད་པའི་མཐའི་སྒོ་སྟོན་ཏོ། །ཆོས་ཐམས་ཅད་གནས་ན་གནས་པས་ན་ཆོས་ཐམས་ཅད་ཀྱི་གནས་པའི་ཆོས་ཉིད་སྟོན་ཏོ། །ཆོས་ཐམས
158a4 ཅད་ཡེ་ཤེས་ལ་འཇུག་པས་ན་ཆོས་ཐམས་ཅད་ཀྱི་གཏི་མུག་དང་བྲལ་བ་ཉིད་སྟོན་ཏོ། །ཆོས་ཐམས་ཅད་ཁོངས་སུ་འདུས་པས་ན་ཆོས་ཐམས་ཅད་ཀྱི་སྣརེལ་གཞི་ཉིད་སྟོན་ཏོ། །ཆོས་ཐམས་ཅད་དངོས་པོ་དང་བྲལ་བས་ན་ཆོས་ཐམས་ཅད
158a5 ཀྱི་དངོས་པོ་མེད་པ་ཉིད་སྟོན་ཏོ། །ཆོས་ཐམས་ཅད་གཡོ་བ་དང་ལྡན་པས་ན་ཆོས་ཐམས་ཅད་ཀྱི་ཚུལ་བཞིན་མ་ཡིན་པ་ཡོངས་སུ་འཛིན་པ་སྟོན་ཏོ། །ཆོས་ཐམས་ཅད་དྲན་པར་བྱེད་པ་ཡིན་པས་ན་ཆོས་ཐམས་ཅད་ཀྱི་སྔོན་གྱི་གནས
158a6 རྗེས་སུ་དྲན་པ་སྟོན་ཏོ། །ཆོས་ཐམས་ཅད་ཡོ་བྱད་མང་བ་ཡིན་པས་ན་ཆོས་ཐམས་ཅད་ཀྱི་སྲིད་པ་ཉིད་སྟོན་ཏོ། །ཆོས་ཐམས་ཅད་ཀྱི་ས་ཞེས་བྱ་བ་ལ་འཇུག་པས་ན་ཆོས་ཐམས་ཅད་ཀྱི་མ་ནིང་གི་ཚིག་བླ་དགས་སྟོན་ཏོ། །ཆོས་ཐམས
158a7 ཅད་ཧ་ཧ་ཞེས་བྱ་བ་དང་། ན་ཞེས་བྱ་བ་ལ་འཇུག་པས་ན་ཆོས་ཐམས་ཅད་ཀྱི་མི་འདྲ་བ་ཉིད་སྟོན་ཏོ། །ཆོས་ཐམས་ཅད་རྒྱ་མཚོ་ལ་འཇུག་པས་ན་ཆོས་ཐམས་ཅད་ཀྱི་དགོངས་པའི་ཚིག་རྒྱ་ཆེན་པོ་སྟོན་ཏོ། །ཆོས་ཐམས་ཅད་ལྷུན་སྟུག་པས་ན
158a8 ཆོས་ཐམས་ཅད་སྐྱོན་དུ་མེད་པ་ཉིད་སྟོན་ཏོ། །ཆོས་ཐམས་ཅད་གནས་ན་གནས་པས་ན་ཆོས་ཐམས་ཅད་ཀྱི་ཆོས་ཀྱི་དབྱིངས་གནས་པ་ཉིད་སྟོན་ཏོ། །ཆོས་ཐམས་ཅད་འདྲེན་པ་ཡིན་པས་ན་ཆོས་ཐམས་ཅད་ཀྱི་ཡང་དག་པའི་འདུལ་བ་སྟོན་ཏོ། །
iiif viewer powered by OpenSeadragon
