| e-texts navigator |
| Wylie |
156a1 བཞི་གང་ཞེ་ན། འདི་ལྟ་སྟེ། ཉོན་མོངས་པ་ཐམས་ཅད་ཀྱིས་ཚུགས་པར་དཀའ་བ་དང་། བདུད་ཐམས་ཅད་ཀྱིས་ཚུགས་པར་དཀའ་བ་དང་། ཕས་ཀྱི་རྒོལ་བ་ཐམས་ཅད་ཀྱིས་ཚུགས
156a2 པར་དཀའ་བ་དང་། གཞན་གྱིས་བྱས་པ་ཐམས་ཅད་ཀྱིས་ཚུགས་པར་དཀའ་བ་སྟེ། བཞི་པོ་དེ་དག་གོ། །ཀླུའི་བདག་པོ་བཞི་པོ་འདི་དག་ནི་མི་ཟད་པའི་ཟ་མ་ཏོག་གི་གཟུངས་ཀྱི་མ་འདྲེས་པ་སྟེ།
156a3 བཞི་གང་ཞེ་ན། ཉན་ཐོས་དང་། རང་སངས་རྒྱས་རྣམས་དང་མ་འདྲེས་པ་དང་། རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམས་ཅད་ཀྱིས་མ་འདྲེས་པ་དང་། བག་ཆགས་ཀྱི་མཚམས
156a4 སྦྱོར་བ་ཐམས་ཅད་དང་མ་འདྲེས་པ་དང་། སོ་སོ་སྐྱེ་བོའི་ཉེས་པ་ཐམས་ཅད་དང་མ་འདྲེས་པ་སྟེ། བཞི་པོ་དེ་དག་མ་འདྲེས་པ་ཡིན་ནོ། །ཀླུའི་བདག་པོ་བཞི་པོ་འདི་དག་ནི་མི་ཟད་པའི་ཟ་མ
156a5 ཏོག་གི་གཟུངས་ལ་སྨད་དུ་མེད་པ་སྟེ། བཞི་གང་ཞེ་ན། སྐྱེ་བ་སྨད་དུ་མེད་པ་དང་། ཚུལ་ཁྲིམས་འཆལ་པའི་སེམས་ཅན་ཡོངས་སུ་སྨིན་པར་བྱ་བ་སྨད་དུ་མེད་པ་དང་། ཆོས་བསྟན
156a6 པའི་བྲེ་མོ་གཏམ་གཅིག་པུ་ལ་སྨད་དུ་མེད་པ་དང་། ཐེག་པ་ཆེན་པོས་སྒྲོལ་བའི་ཕྱིར་སློང་བ་པོ་སྨད་དུ་མེད་པ་སྟེ། བཞི་པོ་དེ་དག་ནི་སྨད་དུ་མེད་པ་ཡིན་ནོ། །ཀླུའི་བདག་པོ་བཞི་པོ་འདི་དག་ནི
156a7 མི་ཟད་པའི་ཟ་མ་ཏོག་གི་གཟུངས་ཀྱི་སྟོབས་ཡིན་ཏེ། བཞི་གང་ཞེ་ན། སེམས་ཅན་ཐམས་ཅད་ཀྱི་ཉེས་པ་བྱས་པ་བཟོད་པའི་ཕྱིར་བཟོད་པའི་སྟོབས་དང་། སེམས་ཅན་ཐམས་ཅད་ཀྱི་སོམ་ཉི་གཅོད
156a8 པའི་ཕྱིར་ཡེ་ཤེས་ཀྱི་སྟོབས་དང་། སེམས་ཅན་ཐམས་ཅད་ཀྱི་སེམས་དང་སྤྱོད་པ་ཡོངས་སུ་ཤེས་པའི་ཕྱིར་མངོན་པར་ཤེས་པའི་སྟོབས་དང་། སོ་སོ་ཅི་རིག་པར་ཆོས་སྟོན་པའི་ཕྱིར་ཐབས་ཀྱི་སྟོབས་ཏེ།
iiif viewer powered by OpenSeadragon
